Easenyi Hë La Hawa Ne La Pun Koi Minuit

Ame lo 27 Januare 2026, hnene la itre siatifik hna avasine la Hawa Ne La Puna koi minuit. Ame lai minuit, ke kola qaja la ijine tro la itre atr a itö ihumuth, me apatrene la ihnadro.

• “Hnene la Conseil scientifique et de sécurité du Bulletin hna avasine la Hawa ne la pun koi 85 secondes. Matre, kösë canga tro hi a traqa la ketre ewekë ka ngazo koi së.”—Bulletin of the Atomic Scientists.

• “Kola amamane hnene la Hawa Ne La Pun laka, ijije hi troa traqa la ketre ewekë ka ngazo kowe la ihnadro. Ketre, tha itrotrohni hë la itre he ne mus, nge saqe catr la traem. Ijije kö troa saze? Öö. Ngo, loi e tro la nöjei atr a sipone kowe la itre mus troa canga enij.”—Alexandra Bell, presidente-directrice générale du Bulletin of the Atomic Scientists.

Hapeu, traqa ha la pun kowe la itre atr me ihnadro? Tro kö sa xouene la itre drai elany? Nemene la hna qaja hnei Tusi Hmitrötr?

Ka troa traqa elany

Tusi Hmitrötr a qaja ka hape, troa “cile hut epine palua la ihnadro,” nge tro la itre atr a “mel epine palua.” (Atre Cainöj 1:4; Salamo 37:29) Haawe, tha tro kö la itre atr a apatrene la ihnadro, nge tro pala hi a hetre ka troa lapan.

Nyipici laka, Tusi Hmitrötr a qaja la pun. Öni ej, “kola tro la fen.”—1 Ioane 2:17.

• Maine epuni a ajane troa atre la hna qaja hnei Tusi Hmitrötr göne la pune la fen, e jë lai hna hape, “La fin du monde est-elle proche ? Qu’est-ce que l’apocalypse ?”

• Maine epuni a ajane troa atre la hna qaja hnei Tusi Hmitrötr göne la itre ewekë ka troa traqa kowe la fen, e jë lai hna hape, “Quand la fin du monde viendra-t-elle ?”

The xou kö

Ijije hi troa xatua së hnei Tusi Hmitrötr, matre tha tro kö sa xouene la itre ewekë ka traqa kowe la fen. Tune kaa?

• Tusi Hmitrötr a hamë së la itre eamo. (2 Timoteo 3:16, 17) E jë lai hna hape, “Comment ne pas vous laisser submerger par l’inquiétude.” Tro epuni a öhn e cili la itre eamo i Tusi Hmitrötr, ka troa xatua epun matre tha tro kö a hnehengazo menu.

• Tusi Hmitrötr a hamë mejiune koi së kowe la itre drai elany. (Roma 15:4) Ej a qaja koi së la pengöne la mele së enehila me elany. Celë hi ka xatua së matre tha tro kö sa xouene la itre ewekë ka troa traqa.

Maine epuni a ajane troa öhnyi eloine qa ngöne la hna qaja hnei Tusi Hmitrötr, eahuni a ithuecatr koi epun troa nyiqane ini Tusi Hmitrötr nge ka pëkö thupen.