Thele Jë Troa Trotrohnin La Itre Ceitun Ngöne La Tusi Hmitrötr

Ka tiqa hnei ceitun hna qatreng e hnine la Tusi Hmitrötr. Ngo tha trotrohnine hnyawa kö hnene la itre xan ka e. (Mat. 13:13) Nemene la ka troa xatua eö troa trotrohnin la alien? Pane tupathe jë troa kuca la itre hna qaja e cahu:

• Thele jë troa trotrohnine la mekun memine la ceitun. Ame ngöne Hna Amaman 3:​3, kola aceitunëne la traqa i Iesu (la mekun) memine la traqa ne la atrekënö (ceitun).

• Thele jë la ka ceitu ngöne la mekun memine la ceitun hna xom. Thele jë troa trotrohnine la itre ewekë ka ceitu.

• Xome jë la itre ini ka loi. Ame itre xaa ijin, tha trotrohnine kö la itre atr la ceitun hna xom memine la ini. Tro angatr a mekun ka hape, Iesu a traqa troa atrekënö. Ngo kolo pe a qaja ka hape, Iesu a traqa tune la atrekënö laka, troa asesëkötrë së hnene la traqa i nyidrë.