Obadia—Troa Xoue Akötresie

Obadia lo atre thupëne la hnalapa i Ahaba joxu. Ahaba a kapa la nöjei huliwa ka sis hna kuca koi Baala. Ngo ame kö Obadia, angeic a xou Iehova ‘qaane lo angeic a co.’ (1 It. Jo. 18:1-13) Celë hi matre, ame la Iezebela a up troa humuth asë la itre perofeta i Iehova, atre hi Obadia e cili laka, loi e tro angeic a catr. Troa humuth la atr ka juetrën la ca perofeta i Iehova. Ngo hnei Obadia hna juetrën la 100 lao perofeta i Iehova me thua i angatr ngöne la ijine jiin atraqatr! Ketre jol ka tru la troa kuca juetrë la huliwa cili, wanga iqejiqeji jë hnene la itre perofeta thoi ka nyihluene la joxu!—1 It. Jo. 18:19.

Nemene la ini hne së hna xom qaathei Obadia? Ngacama angeic a xoue Ahaba joxu, ngo tru catre kö la hnei angeic hna xoue Iehova. Matre tha cile kö angeic troa nue mel göne troa thupën la itre trejin me angeic. Maine hna wathebon la hmi së ngöne la nöje së, loi e tro fe sa xoue Akötresie. Celë hi ka troa xatua easë troa ce memine la itre trejin ka cil kowe la itre itupath.