Porogaram Koi Wiike Ne 10 Juun
KOI 10 JUUN ME WIIKE CILI
Nyima 114 Me Thith
□ Ini Tusi Hmitrötr Ne La Ekalesia:
gt mek. 3 (30 men.)
□ Ini Ne Cainöj Qaathei Akötresie:
E Tusi Hmitrötr: Ite Huliwa 1-4 (10 men.)
N. 1: Ite Huliwa 1:15–2:4 (tha tro kö a sasaithe la 4 men.)
N. 2: Eue La Troa Patr La Akötr?—fg g. 11, hnyinge 4 (5 men.)
N. 3: Pine Nemene Matre Loi e Tro Sa Drengethenge La Itre Ka Elemekene La Ekalesia?—lv g. 48-49 (5 men.)
□ Icasikeu Ne La Huliwa:
10 men: Macameke Pi Së Ngöne La Hna Cainöj. Troa ce ithanatane la itre mekune ne la itus École du ministère, götrane 124, paragarafe 1, koi götrane 125, paragarafe 4. Sipone jë kowe la ketre trejine troa elone la pengöne la ka cainöj ka tha macameke kö ngöne la hna cainöj. Thupene jë hi lai, sipone jë troa elone pena la pengöne la ka cainöje ka macameke ngöne la hna cainöj.
10 men: Nemene La Hne Së Hna Kuca Ha? Troa ce ithanatane memine la seketere. Troa qaja la hna kuca hmekune la ijine troa atrune la Drai Ne Amekunën, nge olene jë kowe la iatrene la icasikeu hnei angatre hna catre huliwa. Sipone jë kowe la iatrene la ekalesia troa qeje pengöne la itre ewekë ka lolo hnei angatre hna melëne ngöne la ijine kola tro fë la itre pepa ne ihë me pionie pena.
10 men: “Tro Fe Kö Nyipunieti a Hane Huliwa Thenge La Aqane Trongene La Fen?” Troa ce ithanatan.
Nyima 74 Me Thith