Revizio Ne La Ini Ne Cainöj Qathei Akötresie
Troa ce ithanatane cahu itre hnying ngöne la ijine Ini Ne Cainöj Qathei Akötresie, e 25 Juun 2012 me wiike cili. Hna hamëne fe la itre ijine kola troa isa ithanatane cahu itre mekun, göi matre troa canga hnëkë ngöne la nöjei wiik.
1. Nemene la ini hne së hna xom qa ngöne la aqane amele Ieremia ngöne la itre ijine ka jole catr? (Iere. 37:21) [7 Mei, w97 15/9 g. 3 par. 4–g. 4 par. 1]
2. Kola xötrethenge tune ka la tulu ka lolo i Ebede-melek hnene la itre Keresiano ka mejiune troa mele e celë fen? (Iere. 38:8-13) [7 Mei, su g. 179 par. 9]
3. Pine laka hnei Iehova hna nyijëne la itretre thupe i Nebukaneza troa thupë Ieremia me Baruka, hapeu meköti kö e tro la itre Keresiano a thele ixatua thene la itre tane la polisi enehila ka trene jia ne isi? (Iere. 39:11-14) [14 Mei, w83 15/10 g. 31]
4. Nemene la “ite ewekë ka tru” hnei Baruka hna thele thatraqai angeice kö, nge nemene la ini hne së hna xome qa ngöne la aqane ujë i angeice kowe la eamo i Iehova? (Iere. 45:5) [21 Mei, w06 15/8 g. 18 par. 1; g. 19 par. 6]
5. Ame la kola qeje pengöne hnei Iehova la aqane troa nyithupene koi Edoma, pine nemene matre hnei Nyidrëti hna qaja ka hape, tha ceitui Nyidrëti kö memine “itete she wene vin” me “ite ate kë ’nö”? (Iere. 49:9, 10) [28 Mei, w77 g. 666 par. 7-8]
6. Nemene la itre ini ka tru hne së hna xome qa ngöne la ewekë ka traqa koi Zedekia Joxu, thupene la hnei nyidrëti “hna thipe tije la joxu ne Babulona”? (Iere. 52:3, 7-11) [4 Juun, w88 15/9 g. 17 par. 8; w81 1/7 g. 13 par. 3-4; g. 14 par. 6]
7. Nemene la aliene la “tane ca” memine la “hage” i Iehova? (Ite teije 2:1, 6) [11 Juun, w07 1/6 g. 9 par. 2]
8. Pine nemene matre hetre eloine kowe la ketre thöth troa ketre sipu thu la ehnefe i angeic ngöne la itre ijine akötr? (Ite teije 3:20) [18 Juun, w07 1/6 g. 11 par. 3]
9. Hapeu, Iehova kö a nyithupene kowe la itre atr la itre ngazo hna kuca hnene la itre xötrapane i angatr? (Ite teije 3:27) [18 Juun, w07 1/6 g. 11 par. 5; w87 15/2 g. 23 par. 1]
10. Kola xatua së tune ka hnene la tulu i Ezekiela, ene la troa catre cainöje ngacama tha semesine së kö hnene la itre atr? (Ezek. 3:8, 9) [25 Juun, w08 15/7 g. 8-9 par. 6-7]