Nyine Kuca Matre Tro Pala Hi Sa Catre Cainöj
1 Kola amekunë së hnene la aqane catre cainöje hnene la itre trejine keresiano enehila, lo aqane xome hnyawan ekö hnei Apolose la huliwa ne cainöj. (Ite hu. 18:24-28) Kola hmekë së asë ka hape: “The witi kö ngöne la huliwa; catejë la hni.” (Rom. 12:11) Nemene la ka troa xatua së troa catre ngöne la huliwa ne cainöj?
2 Ithuecatre Jëne La Atrehmekun: Thupene la hna iamamanyi hnei Iesu kowe la lue atre drei nyidrë me “shenge koi nyido la nöjei hna cinyihane asë göi nyidë,” öni nyidroti jë hi: “Tha [sesë] kö la lue wenethëhmi sho, ngöne lo hnei nyidëti hna ithanata me nyisho e kuhu gojeny?” (Luka 24:27, 32) Ketre tune mina fe, tha kökötre kö e kuhu hni së la ajane troa catre huliwa ngöne la easa inine pala hi la Wesi Ula i Akötresie? Eje hi, kola acatrene la lapaun hnene la atrehmekun. Kola qejepengöne hnei Roma 10:17 ka hape: “Celë hi mate lapaune ngöne la hna deng.” E elitrauje la hni së hnene la mejiune kowe la itre hna thingehnaeane hnei Iehova, hawe, thatreine kö tro sa hnö troa ithanatane la itre ewekë hne së hna inin!—Sal. 145:7; Ite hu. 4:20.
3 Tha tro kö sa mekune laka tro la hne së hna ini tusi ekö a acatrene pala hi la ihnimi së koi Akötresie me catre cainöj. Nyipi ewekë tro sa thele troa kökötre pala hi ngöne la atrehmekune la nyipici me ajuine la ihnimi së koi Iehova. Wanga tro pena sa xome la huliwa së koi Nyidrë tune la ketre ewekë hna majemine troa kuca, ngo tha qaa pe hnene la hni ka ajan. (Hna ama. 2:4) Kola thuecatre koi së hnene la Wesi Ula i Akötresie tro “pala hi a . . . kököte ngöne wangate hmekunyi Akötesie.”—Kol. 1:9, 10.
4 Aqane Majemi Së Troa Ini Tus: Loi e tro sa wange la aqane majemine ini Tusi së. Hanawange la ketre ceitun, tha jole kö koi së troa siji hatrene la itre mekune ka sa la itre hnyinge hnine la ketre tane La Tour de Garde hne së hna ce wang, me hane sa lai itre mekune cili. Ngo hane kö sa xome la itre xötre hna fejane hi, me mekune thele la aqane troa trongëne lai mekune cili ngöne la mele së? Hapeue ngöne la e Tusi Hmitrötre së e nöjei wiik, hane kö së, e ijij, nyixan hnene la troa sine thele la itre xa mekune, me mekune thele la itre ini hna kapa qa ngön? (Sal. 77:11, 12; Ite edomë 2:1-5) Drei la manathith hna kapa qa ngöne la hna mekune thele me majemine troa e la Wesi Ula i Akötresie! (1 Tim. 4:15, 16) Maine tro sa inine tune lai la Tusi Hmitrötr, hawe, tro hë lai a xatua së me upi së troa “cate kowe la nöjei huliwa ka loi.”—Tito 2:14.