Troa Qeje Nemen Gön La Itre Zonal

La Tour de Garde 1 Oko.

“Kola atrehmekune hnene la itre ka thele nyin la itre jole e hnine la fami, la enyipiewekëne la hnëqa ne la kem. Hapeue la mekuna i nyipunie, nemene la nyine troa kuca matre troa ketre keme ka lolo? [Nue pi troa sa.] Hnei Iesu hna qaja atrune la aqane xatua nyidrë hnene la tulu ne la Tretretro i nyidrë. [E jë la Ioane 5:19.] Kola ithanatane hnene la hna cinyihane celë la sikisi lao götrane ka tru ka qaja la hnëqa ne la kem.” Amamane jë la hna cinyihan ngöne la götrane 18.

Réveillez-vous! Oko.

“Kola isazikeu la itre mekuna ne la itre atr ka isapengöne hmi, göne la nyipi pengö i Akötresie. Ngo tune kaa la aqane qeje pengöi Akötresie hnene la Hupuna i Nyidrë? Hanawange la itre trenge ewekë i Iesu ngöne Ioane 4:24. [E jë.] Lue götrane ne la hna cinyihane celë ka amamane la mekuna ne la Tusi Hmitrötr ngöne la hnyinge celë hna hape, ‘Nemene la pengöi Akötresie?’ ” Amamane jë la hna cinyihan ngöne la götrane 24 me 25.

La Tour de Garde 1 Nof.

“Nyimutre la itre atr ka thaa kapa kö la mekun, ene laka ka ce tro la ihnimi Akötresie memine lo ini ka qaja la akötr ka epine palua. Hapeue la mekuna i nyipunie? [Nue pi troa sa.] Kola ini së hnyawa hnene la Tusi Hmitrötr laka, thaa ka thoi kö Akötresie, me itëkeun. [E jë la Ezekiela 18:23.] Tro hë nyipunieti a trotrohnine la aqane waiewekë ne la Tusi Hmitrötr, hna amamane ngöne la hna cinyihane celë.”

Réveillez-vous! Nof.

“Kola mekune hnene la itre atr laka, troa tro loi la mele së, e ka hlemu së, me trene mo, maine trene men pena. Tune kaa la aqane tro nyipunieti a qeje pengöne la aqane troa mele ka loi? [Nue pi troa sa.] Hanawange la hna qaja hnei Tusi Hmitrötr göne la aqane troa tro loi la mele së. [E jë la Salamo 1:1-3.] Kola ithanatane hnene la hna cinyihane celë la sikisi lao jëne troa tro loi la mele së.” Amamane jë la hna cinyihan ngöne la götrane 6.