Porogaram Ne Ini Ne Cainöj Qaathei Akötresie Göi Macatre 2009

ITRE HNA AMEKÖTIN

Hane cahu aqane trongen la Ini Ne Cainöj Qaathei Akötresie göi macatre 2009.

ITRE ITUS: Les Saintes Écritures — Traduction du monde nouveau [bi12], “ Toute Écriture est inspirée de Dieu et utile ” (Édition 1998) [si], Écoute le grand Enseignant [lr], me Comment raisonner à partir des Écritures (Édition 1989) [rs].

Troa nyiqaane la icasikeu ngöne la HAWA, jëne la nyima me thith, me itre hnepe ithanata nyine ikep, nge sisedrëne jë tune cahu. Thupene la nöjei cainöj, tro la atre thupëne la ini a canga qaja la cainöj thupen.

MEKUN KA SISITRIA QA NGÖN LA ITRE MEKEN LA TUSI HMITRÖTR: 10 menetr. Tro la ketre qatre thup ka maca troa ini maine ketre drikona pena, a xome la pane foa lao menetr matre troa ce ithanatane la itre mekune ka tru qa ngöne la itre xötr ne la Tusi Hmitrötr hna troa ce wang. Thaa tro pë hë a tune lai ngöne la kola nyiqaane la ketre tus ne la Tusi Hmitrötr, lo ijine e Tusi Hmitrötr ngöne la wiik. Ame ngöne la itre ijine cili, tre, loi e troa xome la pane foa lao menetr matre troa eköthe la itre mekune qa hnine la itus “ Toute Écriture. ” Drei la ketre ceitun, ame la itre pane faifine mekene ne la tusi Genese, tre, troa ce wange itre ej e 5 Januare me wiike cili, haawe loi e tro la atre cainöj a iëne hnyawa la itre hnepe mekune ka tru qa ngöne la itre pane paragarafe ne la itus “ Toute Écriture. ” Loi e tro angeic a thele ini matre tro la ekalesia a kepe thangane hnyawa. Ngacama kola ce ithanatane la itre meken ne la Tusi Hmitrötr hna troa ce e ngöne la wiik, maine itre mekun ka tru qa ngöne la itus “ Toute Écriture,” ngo ame la hna ajan ka nyipi ewekë ngöne la cainöje celë, tre, ene la troa xatuane la itre atrene la icasikeu troa trotrohnine la kepin me aqane tro sa kepe thangan la itre ithuemacany hna hamën. Loi e troa thupën hnene la trejin matre thaa tro kö a sasaith la foa lao pane menetr hna amekötine koi angeic. Thupene lai, tro angeic a xome la sikisi lao menetr troa sipone la itre atrene la icasikeu troa qaja la itre mekun hnei angatre hna kapa madrin me kepe thangane ka loi qa ngöne la hna e la Tusi Hmitrötr, ngo thaa tro kö a aqean menun la itre mekun me sasaithi la 30 lao secondes. Thupene lai, tro la atre thupëne la ini a nue la itre hnainin troa isa tro kowe la itre xaa hnahag ne ini.

HNËQA NABA 1: 4 menetr maine sin. Troa e tusi hnene la ketre trejin trahmany. Tro la hnainin a e la itre mekun hna athipe koi angeic, ngo thaa tro kö a thele mekun nyine nyiqaan maine nyine nyipun pena. Loi e tro la atre thupëne la ini a thele hnyawa troa xatuan la itre hnainin troa e, cememine la trotrohnin, troa uke hnyawa la aqane e, troa mama hnyawa la itre mekune ka sisitria ngöne la kola e, troa thupën la hne nyinawa, troa thupën la aqane troa mano ngöne la kola e, nge loi e thaa tro kö a nyi pengöne ngöne la easa e tus.

HNËQA NABA 2: 5 menetr. Troa kuca hnene la ketre trejine föe. Ame kowe la hnainin ka troa kuca la xötreqa celë, tre, qanyi angeice kö iëne la aqane tro angeic a nyi trepen la xötreqa, maine troa xome la ketre jëne cainöj qa hnine la götrane 82 ne la itus Tirez profit de l’École du ministère théocratique. Loi e tro angeic a xome la taan hna athip, me ithanatane ej thenge la ketre aqane troa cainöje trootro ka lolo, me ka ihmeku memine la teritoare ne la ekalesia së. Maine thaa hna nyi trepene kö lai xötreqa hnine la ketre itus, haawe, loi e tro la hnainin a thele la itre mekun thatraqane la xötreqa i angeic, e hnine la itre itusi së. Loi e tro la atre thupëne la ini a wange hnyawa la aqane eköth hnene la hnainin la itre mekun, memine la aqane xatuane hnei angeic la atr hna cainöje kow troa thele ewekë jëne la itre xötre ne la Tusi Hmitrötr, me troa trotrohnine la itre mekune kii ne la taan hna cile fë. Tro la atre thupën la ini a iën la ketre sör matre troa sine ce porotrik ne lai hnainin.

HNËQA NABA 3: 5 menetr. Ijije troa kuca hnene la ketre trejine trahmanyi maine föe pena. Troa eköthe hnyawa hnene la hnainin la cainöje i angeic hune la taan hna athip. Maine thaa hna nyi trepene kö lai xötreqa hnine la ketre itus, haawe, loi e tro la hnainin a thele la itre mekun thatraqane la xötreqa i angeic, e hnine la itre itusi së. Maine hna athip la xötreqa celë kowe la ketre trejin trahmany, maine jë loi e troa cile fë la ketre cainöj, nge tro angeic a mekune hnyawa laka, angeic a troa ithanata kowe la itre atrene la icasikeu e hnine la Uma Ne Baselaia. Ame ngöne la kola kuca hnene la trejine föe la xötreqa celë, tre, loi e tro pala hi angeic a tro fë ceitun me kola kuca la Hnëqa Naba. 2. Ame la itre topik hna nyihatren, tre, troa kuca hmekuje itre ej ceitun me ketre cainöj, hnene la itre trejin trahmany, maine jë hnene la ketre qatre thup maine ketre drikona pena.

EAMO: 1-2 menetr. Thaa tro kö la atre thupëne la ini a canga qaja la ini nyine tro la hnainin a huliwan. Thupene la Hnëqa Naba 1, 2, me 3, tro la atre thupëne la ini a qaja aloine la hnainin, me hamëne la itre mekune ka lolo ngöne la itre götrane ne la xötreqa hnei angeice hna cile fë, amexeje hnyawa jë la itre sipu kepine matre lolo la aqane huliwan lai ini hna kuca, nge loi e tro pala hi a goeëne la itus École du ministère. Maine kola mekun troa hamën la itre xaa ixatua ka nyipi ewekë kowe lai hnainin, ma loi e troa wai angeice caasi pë hë thupene la hna icasikeu, maine e ketre ijine pena.

TRAEM: Pëkö cainöj ka troa sasaith la traem, ketre tune mina fe la kola hamë eamo hnene la atre thupën la ini. Ame koi Hnëqa Naba 1 koi 3, tre, maine kolo ha sasaithi traem, loi e troa thupatën ngo cememin pala hi la metrötr. Maine kola sasaith la traem hnene la itre trejin ka cile fë la itre mekune ka sisitria qa ngön la itre mekene la Tusi Hmitrötr, haawe, loi e tro pë hë a hamën caasin koi angatre la ketre eamo nyine ixatua. Loi e tro asë hi la itre trene xötreqa a goeëne hnyawa la traeme matre thaa tro kö a sasaith. Ame la etrun la traem hna amekötin thatraqan la Porogarame Ne Ini Ne Cainöj Qaathei Akötresie, tre, 30 menetr, thaa hna e fe kö la nyima me thith.

ITRE EAMO: Hnine la itus École du ministère.

KA IXATUA TROA EAMO: Tro la lapa ne la itre qatre thup a iën la ketre qatre thup ka maca, maine ijije tro angeic a xatuane la atre thupëne la ini, göi troa ixatua troa eamo. Maine nyimu qatre thup e hnine la ekalesia, haawe, loi e troa ithöeën la huliwa cili ngöne la nöjei macatre hnene la itre qatre thup ka maca. Ame la hnëqa i angeic, tre, ene la troa hamën caasin la ixatua, maine kola öhne laka, nyipi ewekë troa hamën, kowe la itre trejin ka cile fë la itre ini hna xome qa ngöne la itre xötr hna troa e ngöne la wiik. Thaa nyipi ewekë kö e troa hamë eamo ngöne la nöjei kola ase kuca la itre cainöj, hnene la itre qatre thup maine itre drikona pena.

REVIZIO NE LA INI NE CAINÖJ QAATHEI AKÖTRESIE: 20 menetr. Ame ngöne la nöjei hnaaluene treu, tro la atre thupëne la ini a xomiujine lai revizio. Ngo qëmekene troa kuca lai, loi e troa pane nyiqaane hnene lo itre xötr ne Tusi Hmitrötr nyine e ngöne la wiik. Ame göi revizio, tre, hna xome itre ej ngöne lo itre ini hna kuca ngöne lo lue treu ka ase hë, a memine fe la wiik qëmekene la revizio. Maine kola asabele ne sirkoskripsio la ekalesia i epun ngöne la wiik ne Revizio Ne Ini Ne Cainöj Qaathei Akötresie, maine kola vizite pena hnene la qatre thup ka iwai trootro, haawe, loi e troa uthe lai revizio kowe la wiik thupene la asabele, me kuca pena la Hnëqa 1 koi 3 ne la porogaram ne la wiik ka xulu ngöne la ijine asabele. Pëkö ewekë hna saze ngöne la porogarame ne e la Tusi Hmitrötr ngöne la nöjei wiik maine ngöne la kola hamëne la itre mekune ka tru qa hnine la Tusi Hmitrötr.

POROGARAM

5 Jan. E Tusi Hmitrötr: Genese 1-5

N. 1: Genese 3:1-15

N. 2: Pine Nemene Matre Iesu Lo Ketre Atre Hamë Ini Ka Sisitria (lr mek. 1)

N. 3: Nemene La Ewekë Ka Thaa Gufa Kö? (1 Kor. 15:58)

12 Jan. E Tusi Hmitrötr: Genese 6-10

N. 1: Genese 9:1-17

N. 2: Troa Sa La Itre Hnyinge Ka Ajolëne La Mejiun e Koi Akötresie (rs g. 111 ¶1–g. 112 ¶1)

N. 3: Ketre Tusi Qaathene La Akötresieti Ka Ihnim (lr mek. 2)

19 Jan. E Tusi Hmitrötr: Genese 11-16

N. 1: Genese 14:1-16

N. 2: Atre Xupe La Nöjei Ewekë Asëjëihë (lr mek. 3)

N. 3: Tune Kaa La Aqane Xupi Së Hnei Akötresie? (Is. 64:8)

26 Jan. E Tusi Hmitrötr: Genese 17-20

N. 1: Genese 17:1-17

N. 2: Pine Nemene Matre Thatreine Kö La Itre Atr Troa Acile La Ketre Musi Ka Meköt (rs g. 172-3 ¶3)

N. 3: Hetre Ëje i Akötresie (lr mek. 4)

2 Feb. E Tusi Hmitrötr: Genese 21-24

N. 1: Genese 22:1-18

N. 2: “Dei La Nekönge Hniminang” (lr mek. 5)

N. 3: a Itre Aqane Tro Sa Akökötrene La Ihnimi Së Kowe La Itre Xan (2 Kor. 6:11-13)

9 Feb. E Tusi Hmitrötr: Genese 25-28

N. 1: Genese 25:1-18

N. 2: Ka Ixatua Catre Ekö Lo Atre Hamë Ini Ka Sisitria (lr mek. 6)

N. 3: Pine Nemene Matre Thatreine Kö La Atr Troa Sipu Kuca Matre Tingetinge Lolo La Mele i Angeic (rs g. 173 ¶4–g. 174 ¶4)

16 Feb. E Tusi Hmitrötr: Genese 29-31

N. 1: Genese 29:1-20

N. 2: Pine Nemene Matre Loi e Thaa Tro Kö Sa “Kuke hnine” (Mat. 6:25)

N. 3: Kola Thupë Eö Hnene La Idrengethenge (lr mek. 7)

23 Feb. E Tusi Hmitrötr: Genese 32-35

Revizio Ne La Ini Ne Cainöj Qaathei Akötresie

2 Maac E Tusi Hmitrötr: Genese 36-39

N. 1: Genese 39:1-16

N. 2: Itre Ka Draië Itre Xan Hu Së (lr mek. 8)

N. 3: Baselaia i Akötresie Hmekuje Hi La Sipu Nyin La Itre Aja Ne La Itre Atr (rs g. 176 ¶3-4)

9 Maac E Tusi Hmitrötr: Genese 40-42

N. 1: Genese 40:1-15

N. 2: Nyipi Ewekë Tro Sa Cile Catre Kowe La Itre Itupath (lr mek. 9)

N. 3: b Loi e Troa Thupën La Aja Troa Pi Mele Caas!

16 Maac E Tusi Hmitrötr: Genese 43-46

N. 1: Genese 44:1-17

N. 2: Ka Draië Kö La Mene i Iesu Hune La Itre Demoni (lr mek. 10)

N. 3: Kola Mama Hnyawa Laka Nyine Mejiune Kow La Itre Hna Perofetan Hnei Tusi Hmitrötr (rs g. 175 ¶3–g. 176 ¶1-4)

23 Maac E Tusi Hmitrötr: Genese 47-50

N. 1: Genese 48:1-16

N. 2: Tro Kö Sa Xoue Diabolo?

N. 3: Ixatua Qaathene La Itre Angela i Akötresie (lr mek. 11)

30 Maac E Tusi Hmitrötr: Esodo 1-6

N. 1: Esodo 1:1-19

N. 2: Kola Ini Së Hnei Iesu Troa Thith (lr mek. 12)

N. 3: Hapeu, Qaathene Kö La Uati Hmitrötre i Akötresie La Itre Iamamanyikeu Enehila? (rs g. 176–7 ¶5 )

6 Eip. E Tusi Hmitrötr: Esodo 7-10

N. 1: Esodo 9:1-19

N. 2: Itretre Pane Drei Iesu (lr mek. 13)

N. 3: c Tune Kaa La Aqane Tro Sa Acaasine La tusi Galatia 6:2 me Galatia 6:5?

13 Eip. E Tusi Hmitrötr: Esodo 11-14

N. 1: Esodo 12:21-36

N. 2: Pine Nemene Matre Loi e Tro Sa Nuetrije La Itre Ngazo Itre Xan (lr mek. 14)

N. 3: Eisapengönene La Itre Iamamanyikeu i Iesu Me Itre Aposetolo i Nyidrë Memine La Itre Atr Enehila (rs g. 177 ¶5–g. 178 ¶3)

20 Eip. E Tusi Hmitrötr: Esodo 15-18

N. 1: Esodo 15:1-19

N. 2: Kola Hapeu La Troa Iananyi Memine La Hmi Ka Thoi?

N. 3: Ketre Ini Göi Troa Hni Ka Menyik (lr mek. 15)

27 Eip. E Tusi Hmitrötr: Esodo 19-22

Revizio Ne La Ini Ne Cainöj Qaathei Akötresie

4 Mei E Tusi Hmitrötr: Esodo 23-26

N. 1: Esodo 24:1-18

N. 2: Nemene La Ka Nyipi Ewekë Catr? (lr mek. 16)

N. 3: Troa Atrehmekune Tune Kaa La Itre Nyipi Keresiano Enehila (rs g. 178 ¶4–g. 179 ¶2)

11 Mei E Tusi Hmitrötr: Esodo 27-29

N. 1: Esodo 29:1-18

N. 2: Jëne Troa Mele Madrin (lr mek. 17)

N. 3: d Aqane Nyipici Ka Thaa Meköti Kö Memine La Itre Ethanyine ej

18 Mei E Tusi Hmitrötr: Esodo 30-33

N. 1: Esodo 31:1-18

N. 2: Pine Nemene Matre Kola Kuca La Itre Iamamanyikeu Ngöne La Hneijine i Iesu (rs g. 179 ¶3–g. 180 ¶3)

N. 3: Hane Kö Nyipunieti Mekune Troa Olen? (lr mek. 18)

25 Mei E Tusi Hmitrötr: Esodo 34-37

N. 1: Esodo 37:1-24

N. 2: Hapeu, Ka Loi Kö e Troa Isi? (lr mek. 19)

N. 3: Nemene La Aliene La Hna Hape, Ka Meije La Mekun, nge Pine Nemene Matre Loi e Tro Sa Thipetrije Lai?

1 Juun E Tusi Hmitrötr: Esodo 38-40

N. 1: Esodo 40:1-19

N. 2: Hapeu, Aja i Nyipunieti Pala Hi Troa Tro Pa? (lr mek. 20)

N. 3: Nemene La Nyipi Iamele Hna Ahnithe Kowe La Nöjei Atr Asë? (rs g. 180 ¶4–g. 181 ¶1)

8 Juun E Tusi Hmitrötr: Levitiko 1-5

N. 1: Levitiko 4:1-15

N. 2: Hapeu, Ka Loi Kö e Tro Sa Selë Së Hnene La Ketre Ewekë Hne Së Hna Kuca? (lr mek. 21)

N. 3: e Tune Kaa La Aqane Tro La Itre Keresiano a Huliwane La Musi Angatr?

15 Juun E Tusi Hmitrötr: Levitiko 6-9

N. 1: Levitiko 8:1-17

N. 2: ‘Tro Kö a Paatr La Itre Sine Mec?’ (rs g. 181 ¶2–3)

N. 3: Pine Nemene Matre Thaa Ka Loi Kö e Troa Thoi (lr mek. 22)

22 Juun E Tusi Hmitrötr: Levitiko 10-13

N. 1: Levitiko 11:29-45

N. 2: Pine Nemene Matre Easa Wezipo (lr mek. 23)

N. 3: Itre Manathithi Hna Kapa Madrin Hnene La Itretre Dreng Ka Bapataiso Hë

29 Juun E Tusi Hmitrötr: Levitiko 14-16

Revizio Ne La Ini Ne Cainöj Qaathei Akötresie

6 Julai E Tusi Hmitrötr: Levitiko 17-20

N. 1: Levitiko 19:1-18

N. 2: Hapeu Ka Mele Hë Së Ekö Ngöne La Fen Ne La Itre Ua Qëmeken La Kola Hnaho Së a Itre Atr? (rs g. 61 ¶1–g. 62 ¶1)

N. 3: Thaa Tro Pi Kö Së Elanyi a Ketre Atre Atrekënö! (lr mek. 24)

13 Julai E Tusi Hmitrötr: Levitiko 21-24

N. 1: Levitiko 22:17-33

N. 2: Hapeu, Ijije Kö Troa Saze La Itre Atr Ka Kuca La Itre Ewekë Ka Ngazo? (lr mek. 25)

N. 3: Aqane Tro La Itre Nyipi Keresiano a Amamane La Ihnim i Angatre Kowe La Ka Puafala

20 Julai E Tusi Hmitrötr: Levitiko 25-27

N. 1: Levitiko 25:39-54

N. 2: Pine Nemene Matre Thaa Hmaloi Kö Troa Kuca La Loi (lr mek. 26)

N. 3: Maine Thaa Ena Ju Adamu La Wathebo i Iehova, Hapeu Ka Tro Kö Angeic a Elë Hnengödrai Eë? (rs g. 62 ¶2-3)

27 Julai E Tusi Hmitrötr: Numera 1-3

N. 1: Numera 3:1-20

N. 2: Pine Nemene Matre Ka Nyipi Ewekë La Troa Xomihni Hnene La Atr Ka Hni Ka Menyik

N. 3: Drei La Akötresie i Eö? (lr mek. 27)

3 Ogas E Tusi Hmitrötr: Numera 4-6

N. 1: Numera 4:1-16

N. 2: Aqane Troa Atre La Hne Së Hna Troa Drengethenge (lr mek. 28)

N. 3: Hapeu, Nyipici Kö Laka Tro La Atr a Elë Hnengödrai Eë Matre Troa Hetrenyi Elany La Nyipi Mel? (rs g. 62 ¶4-6)

10 Ogas E Tusi Hmitrötr: Numera 7-9

N. 1: Numera 9:1-14

N. 2: Hapeu, Akötresieti Kö a Kapa La Nöjei Feet Asë? (lr mek. 29)

N. 3: Itre Aqane Tro Sa Amamane La Enyipici Së Koi Iehova

17 Ogas E Tusi Hmitrötr: Numera 10-13

N. 1: Numera 13:17-33

N. 2: Aqane Tro Sa Elë Hune La Itre Hne Së Hna Xouen (lr mek. 30)

N. 3: Nemen La Alien La 1 Peteru 3:19, 20? (rs g. 63 ¶1)

24 Ogas E Tusi Hmitrötr: Numera 14-16

N. 1: Numera 14:26-43

N. 2: Nemen La Aliene La Kola Qaja Ka Hape, Troa Ajane La Wathebo i Akötresie? (Sal. 119:97)

N. 3: Ekaa La Hnë Troa Akeukawanyi Së (lr mek. 31)

31 Ogas E Tusi Hmitrötr: Numera 17-21

Revizio Ne La Ini Ne Cainöj Qaathei Akötresie

7 Sem. E Tusi Hmitrötr: Numera 22-25

N. 1: Numera 22:20-35

N. 2: Aqane Thupë Iesu ekö (lr mek. 32)

N. 3: Nemen La Alien La 1 Peteru 4:6? (rs g. 63 ¶2)

14 Sem. E Tusi Hmitrötr: Numera 26-29

N. 1: Numera 27:1-14

N. 2: Nemene La Ihaji, Nge Pine Nemen Matre Ka Nyipi Ewekë Lai? (Efe. 6:4)

N. 3: Ijije Tro Iesu a Thupë Së (lr mek. 33)

21 Sem. E Tusi Hmitrötr: Numera 30-32

N. 1: Numera 32:1-15

N. 2: Nemen La Pengö Së Ngöne La Easa Mec? (lr mek. 34)

N. 3: Hapeu, Mejiune Ne La Itre Keresiano Asë La Troa Mel e Koho Hnengödrai? (rs g. 64 ¶1-3)

28 Sem. E Tusi Hmitrötr: Numera 33-36

N. 1: Numera 33:1-23

N. 2: Ijije Tro Sa Mele Hmaca Qa Hna Mec! (lr mek. 35)

N. 3: Itre Ewekë Ka Amamane Laka, Ame La Baselaia i Akötresie, Tre, Ka Tru Catre Hune La Nöjei Musi Atr

5 Okot. E Tusi Hmitrötr: Deuteronomi 1-3

N. 1: Deuteronomi 2:1-15

N. 2: Nemen La Hna Qaja Hnene La “Isisinyikeu Ka Hnyipixe” Göi Mele Ka Thaa Ase Palua Kö e Celë Fen? (rs g. 65 ¶1–6)

N. 3: Drei La Hna Troa Amelene Hmaca? Nge Tro Angatre a Mele Ekaa? (lr mek. 36)

12 Okot. E Tusi Hmitrötr: Deuteronomi 4-6

N. 1: Deuteronomi 4:15-28

N. 2: Loi e Tro Pala Hi Sa Meku Iehova Memine La Hupuna i Nyidrë (lr mek. 37)

N. 3: Eue La Ijine Ka Ijije Tro Sa Qaja Ka Hape, Loi e Co La Hna Hetreny? (Ite edomë 15:16)

19 Okot. E Tusi Hmitrötr: Deuteronomi 7-10

N. 1: Deuteronomi 9:1-14

N. 2: Pine Nemene Matre Loi e Tro Sa Hnimi Iesu (lr mek. 38)

N. 3: Thenge La Hna Qaja Hnei Tusi Hmitrötr, Ala Ije La Itre Atr Ka Troa Mel e Koho Hnengödrai? (rs g. 66 ¶1-2)

26 Okot. E Tusi Hmitrötr: Deuteronomi 11-13

Revizio Ne La Ini Ne Cainöj Qaathei Akötresie

2 Nof. E Tusi Hmitrötr: Deuteronomi 14-18

N. 1: Deuteronomi 15:1-15

N. 2: Nemen La Alien La Xoue Akötresie?

N. 3: Thaa Akötresieti Kö a Thëthëhmin La Hupuna i Nyidrë (lr mek. 39)

9 Nof. E Tusi Hmitrötr: Deuteronomi 19-22

N. 1: Deuteronomi 22:1-19

N. 2: Aqane Tro Sa Amadrinë Akötresie (lr mek. 40)

N. 3: Hapeu, Itretre Iudra Asë Hi Lo Ala 144 000? (rs g. 66 ¶3–g. 67 ¶1)

16 Nof. E Tusi Hmitrötr: Deuteronomi 23-27

N. 1: Deuteronomi 25:1-16

N. 2: Itre Haa Nekönatr Ka Amadrinë Akötresie (lr mek. 41)

N. 3: f Nemene La Itre Ewekë Nyine Tro Sa Ahmitrötrën?

23 Nof. E Tusi Hmitrötr: Deuteronomi 28-31

N. 1: Deuteronomi 30:1-14

N. 2: Pine Nemen Matre Ka Nyipi Ewekë Tro Sa Huliwa (lr mek. 42)

N. 3: Nemene La Mejiune Qa Hnine La Tusi Hmitrötr Kowe La “Ka Ala Nyimu Atraqat”? (rs g. 67 ¶2–4)

30 Nof. E Tusi Hmitrötr: Deuteronomi 32-34

N. 1: Deuteronomi 32:1-21

N. 2: Nemen La “Drai La Ka Tru i Iehova”? (Zef. 1:14)

N. 3: Drei La Itre Trejine Me Easë? (lr mek. 43)

7 Dis. E Tusi Hmitrötr: Iosua 1-5

N. 1: Iosua 5:1-15

N. 2: Loi e Tro La Itre Sinee Së a Hnimi Akötresie (lr mek. 44)

N. 3: Nemene La Baselaia i Akötresie? Aqane Tro Sa Amamane Laka, Easa Mejiune Kowe Ej (lr mek. 45)

14 Dis. E Tusi Hmitrötr: Iosua 6-8

N. 1: Iosua 8:1-17

N. 2: Ketre Fen Hna Apaatrene Hnei Iwë—Hapeu, Tro Hmaca Kö a Traqa La Ketre Iwë? (lr mek. 46)

N. 3: Pine Nemene Matre Ketre Eamo Ka Ixatua La Tusi Ate Cainöj 7:21, 22?

21 Dis. E Tusi Hmitrötr: Iosua 9-11

N. 1: Iosua 9:1-15

N. 2: Hne Së Hna Atre Tune Kaa Laka, Calemi Catre Hë Amagedo (lr mek. 47)

N. 3: Ketre Fene i Akötresie Ka Hnyipixe Me Ka Tingeting—Kola Treqe Nyipunie (lr mek. 48)

28 Dis. E Tusi Hmitrötr: Iosua 12-15

Revizio Ne La Ini Ne Cainöj Qaathei Akötresie

[Ithuemacany e cahu fen]