Itre Hna Amekötiin

◼ Itre itus nyine troa tro fë ngöne la treu Ogas: Tro fë jë la itus, Nemene La Nyipi Ini Hna Hamën Hnei Tusi Hmitrötr? Nge thele jë troa nyiqaane ini tus memine la itre atr. Semitrepa: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane ini tus memine la itre atr ngöne la kola xötrei cainöj. Maine hetrenyi hë la itre atr la itusi celë, amamane jë la aqane tro angatr a kepe thangane qa ngön ej, hnene la hna pane iamacanyine la ketre aqane troa ini Tusi Hmitrötr. Okotropa: Troa tro fë la itre zonal La Tour de Garde me Réveillez-vous ! Maine hetre hni ne ajane thene lai atr, hamëne jë me ce ithanatane jë la tarak Ajane Kö Nyipunie Troa Atre Hnyawa La Tusi Hmitrötr? göne la troa nyiqaane inine la Tusi Hmitrötre me angeic. Nofeba: Nemene La Nyipi Ini Hna Hamën Hnei Tusi Hmitrötr? Nge thele jë troa nyiqaane ini tus memine la itre atr.

◼ Troa nyiqaane sipon hnene la itre ekalesia la itre Calendrier des Témoins de Jehovah 2009, memine la itre topik ne la drai, Examinons les Écritures chaque jour — 2009, memine la itre Annuaire des Témoins de Jéhovah 2009 troa sipone lai memine la itre itus hna ajan hnene la ekalesia. Ame ngöne la tus “Hna Amekötin Kowe La Nöjei Ekalesia Asë,” hna iupi fë ngöne la nöjei treu kowe la itre ekalesia asë, loi e troa hamën la lisi ne la itre itusi cili hna ujën ngöne la itre xaa qene hlapa.

◼ Troa amekunëne hmaca la itre qatre thup la itre ini hna hamën ngöne la itre götrane 21-23 ne la zonal La Tour de Garde ne 15 Eiperem 1991, kola qaja la itre hna upetrij qa hnine la ekalesia nge ka mekune hmaca troa bëeke me lö hnin ej.

◼ Göne matre troa xatuane la itre ka timek memine la itre trejine ka thaa öhne hnyawa kö, cememine fe lo itre ka hetre hni ne ajan ka huliwane lo itre hna cinyihane kowe la itre ka timek (braille), maine pena lo itre ordinatör ka e catrën lo itre hnaewekë, hetrenyi la ketre hna amekötin hna xom, ene laka ijije kowe la itre trejine cili troa hetrenyi la itre hna cinyihane thatraqane la itre ka timek ne la Tour de Garde, ngöne ordinatör. Ame ngöne la qene Papale, hetrenyi la lue pengöne zonal La Tour de Garde, caas koi nöjei atr nge ame ketre, tre, nyine inin. Hna kuca lue ej ngöne Deuxième Degré ngöne Braille qene Papale contracté. Nge hetrenyi fe la itre zonal La Tour de Garde nyine inin ngöne Premier Degré ngöne Braille qene Faras me qene Sepania non contracté. Tro ha hamëne kowe la itre ka sipon la itre hna cinyihan thatraqane la itre ka timek, jëne ëternët. Ame la itre ka ajane troa hane kapa La Tour de Garde hna kuca kowe la itre ka timek, tre, loi e tro angatr a sipone kowe la seketere ne la ekalesia troa cinyany kowe la Bethela. Loi e troa cinyanyine la ëje ne la atr ka sipo, memine la hnalapa i angeic, memine la ëje maine pengöne ordinatör, memine la hune tusi angeic ngöne ëternët, memine la qene hlapa ne la itre hna cinyihane ngöne braille, hnei angeice hna ajan: qene Papale, Sepania, maine Faras pena. Maine pëkö hune itusi angeic ngöne ëternët, haawe, loi e troa hamëne la hune itusi ne la ketre atr ka ijije troa kapa me iupe fë la itre pepa koi angeic.