Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 25 Ogas 2008 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 7 Julai uti hë e 25 Ogas 2008.
ATREINE CAINÖJ
1. Tro sa amamane tune kaa laka, atreine së tulu ewekë ngöne la easa cainöjëne la nyipici kowe la itre atr? (Fil. 4:5) [be g. 251 par. 3]
2. Hapeue la tulu i Paulo ngöne la angeice a ithanata kowe la angetre Heleni ngöne la Areopago, tro lai a xatua së tune kaa ngöne la easa cainöje kowe la itre atr ka thaa jele nyipicine kö la Tusi Hmitrötr? (Ite Hu. 17:22, 23) [be g. 252 par. 1-2]
3. Ngacama xecie koi së laka, ka tria la mekuna ne la atr hne së hna ithanata memin, ngo tro sa amamane tune kaa laka atreine së tulu ewekë ngöne kola ithanata me angeic? [be g. 253 par. 1-2]
4. Ame ngöne la easa catre ithanata cememine la hni ka xeci, nemene la nyine tro sa lapa mekun? [be g. 255 par. 3, itre mekune hna eköhagen]
5. Tune kaa la aqane tro sa huliwane la atreine waiewekë së ngöne la easa thele troa ketr la hni ne la ka drei së? (Ite edomë 20:5) [be g. 258 par. 1-5]
HNËQA NABA 1
6. Nemene la nyine tro la itre trejine föe a lapa mekune ngöne la angatr a kuca la ketre hnëqa ngöne la ketre jëne cainöj? [be g. 44 par. 5-6]
7. Nemene la hna troa thele troa eatrëne hnene la itre trejine trahmanyi ngöne la angatre a tro fë la itre mekune ka tru ne la Tusi Hmitrötr? (Neh. 8:8) [be g. 47 par. 2-3]
8. Tune kaa la aqane tro la ketre trejine trahmany a cile fë la ketre hnëqa ngöne la Icasikeu Ne La Huliwa, laka troa kuca e cili la ketre iamacany maine troa hnyinge pena kowe la ketre trejin? [be g. 49 par. 5]
9. Kola amamane hnyawa tune kaa hnene la itus Ite Huliwa la aqane eatrën la huliwa ne cainöj, memine la aqane haöthe lai huliwa cili hna tro fë hë? (Ite Hu. 20:20, 21; 28:23) [si g. 204 par. 35]
10. Troa xecie tune kaa kowe la ka cainöj koi nöjei atr laka, hna eköthe la cainöje i angeic hune la Tusi Hmitrötr? (Ite Hu. 17:2, 3) [be g. 52 par. 6–g. 53 par. 2]
E TUSI HMITRÖTR NGÖNE LA WIIK
11. Pine nemene matre hna thele hnene la atre thupë kalabus ne Filipi “troa humuthi angeice kö”? (Ite Hu. 16:25-27) [w90 15/5 g. 25, itre mekune hna eköhagen]
12. Nemene la aqane ujë i Aritako me Gaio ngöne la kola icilekeu me nyidro? (Ite Hu. 19:29; 20:4, 5) [w08 2/15 g. 10 par. 16-17]
13. Nemene la aliene la kola hape, hnei Saulo hna “waja la ite meken”? (Ite Hu. 26:14) [w03 1/10 g. 32]
14. Tune kaa la aqane ‘thele ijine [hnene la ngazo] ngöne la wathebo hna hamëne hnei Akötresie kowe la angetre Isaraela? (Rom. 7:8, 11) [w08 15/6 2 “La Parole de Jéhovah est vivante : Points marquants de la lettre aux Romains”]
15. Tune kaa la aqane “xawane [së] la ite wanalepe ka mele” hune la he ne la ketre ithupëjia me easë? (Rom. 12:20) [w08 15/6 “La Parole de Jéhovah est vivante : Points marquants de la lettre aux Romains”]