Troa Amë Hnyawa
Itre Aqane Tro Fë Boroshür
Eje hnine la sinecetrone celë la itre aqane nyiqaane ithanata nyine ixatua göi tro fë boroshür. Ma ka ihmeku itre ej memine la itre ejolen la nöj. Xome jë fe la itre xan. Hetrenyi la itre xan hna thaa hane kö xom e celë, tro pë hë a hane hnëkëne itre ej nyine tulu ne troa nyiqaane ithanata.—Wange ju la Huliwa Ne Baselaia ne Januare 2005, g. 8.
Hetrenyi hnine la itre aqane nyiqaane ithanata, la (1) ketre hnying nyine thele mekun matre troa nyiqaan, (2) ketre ithuemacany hna troa ithanatan hnine la boroshür, me (3) ketre xötr ka ijij nyine troa e. Thupene lai, sipu ithanatane jë pë hë la mekune ne lai atr.
Doit-on croire à la Trinité?
“Nyimu aqane qeje Akötresie hnene la itre atr. Tune kaa, ka nyipi ewekë kö la hne së hna lapaune kow?”—g. 3, par. 3, 7-8; Ioane 17:3.
Le nom divin qui demeure à jamais
“Ala nyimu së itre ka atre la thith, ‘Tretretroti e koho hnengödrai, epi hmitrötr la atresiwa i Cilie.’ (Mat. 6:9) Ngo atre fe kö epuni laka jëne iamele la troa atre la ëje cili?”—g. 28, par. 1; Rom. 10:13.
Une vie pleinement satisfaisante : comment ?
“Nöjei atr e cailo fen a thele la mele ka sisitria. Tune kaa, hetrenyi kö elanyi la ketre nyipi mel ka lolo?”—g. 29, par. 6; 2 Pet. 3:13.
Un livre pour tous
“Hetrenyi kö hnine la Tusi Hmitrötr la itre eamo ka lolo thatraqane la hnedrai së?”—g. 22, mekun ka qaja la iatr; g. 23, par. 3 ne la itre mekune hna eköhagen; Ite edomë 25:11.
E Meci Hë La Atr Hne Së Hna Hnim
“Eahuni enehila a tro fë la boroshüre celë matre akeukawan me hamë mejiun kowe la itre atr ka ala nyim ka meci sinen. Hane kö epuni thel maine hetre mejiune jë fe kö kowe la ka mec?”—g. 27, par. 3; Ioane 5:28, 29.
“Hane kö epuni thele la aqane troa akeukawan la hni ne la ketre atr ka meci sinen?”—g. 20, par. 1; Ite edomë 17:17.
Epi thatraqai nyipunie la mel ka tha ase palua kö e celë fene hnengödrai!
“Nyimutre la itre atr ka mekune laka tro angatr a mele epine palua e koho hnengödrai, ngo tune kaa fe koi fen, hetre mele ka pë pune kö?”—Icetrön; Hna ama. 21:4.
Musi ka troa hamëne hmaca la paradaiso
“Nyimutre la itre atr ka ajan troa hetre nyin la itre jol enehila. Tune kaa, hetre musi kö ka troa apaatren la itre jole cili elany?”—g. 3, par. 1; Mat. 6:9, 10.
Nemene La Pengö Së Ngöne La Easë a Mec?
“Ijije troa hnyingën la hna tro kow hnene la itre atr hne së hna hnim ka meci hë, me thel maine troa iöhnyi hmaca me angatr. Hane kö epuni hnying tune lai?”—Itre hnying ngöne la pun; Iobu 14:14, 15.
Itre Aqane Troa Tro Fë La Boroshür Hapeu Akötresie a Hane Kukehni Së?
E ase hë amexej la ketre ewekë ka ngazo ka traqa, qaja jë ka hape:
“Maine Akötresie a kukehni së, hane kö epuni thele la kepin matre Nyidrëti a nue la akötr? [Nue pi troa sa.] Kola sa hnyawa la hnying hnene la boroshüre celë, me amamane la hna troa kuca hnei Akötresie, laka easenyi hë. [Amamane jë la itre iatr g. 27, nge e jë la Salamo 145:16 qa ngöne paragaraf 22.] Tro Akötresieti a apaatrene tune kaa la nöjei akötre asë? Tro pë hë ni a sa la hnyinge celë ngöne la eni a troa iwai hmaca.” Hamëne ju la boroshür me isa pui.
Ngöne la kola iwai hmaca, qaja jë ka hape:
“Ame lo traqa hnapane ni, hne so hna e la xötre celë. [E jë maine qaja pena la mekune i Salamo 145:16.] Nge hnenge hna hnying ka hape: Nemene la aqane tro Akötresie a apaatren la itre akötre asë?” Upi angeice jë troa xome lo boroshür. Fe jë ngöne götrane 27-8, me wang la itre paragaraf 23-5. Sipone jë troa etid, maine isa pui jë matre tro ce wange la itre paragaraf 26-7.
Maine jë troa cainöj hnene la ketre thöth me hape:
“Nyimutre la itre atr ka ce macatre me eni ka thele la pengön la fen elany thupene 10 maine 15 macatre. Nemene fe la hnei epuni hna hane mekun? [Nue pi troa sa.] Tru la itre jol enehila, hatrene hi lai laka, itre drai hnapine hë la. [E jë 2 Timoteo 3:1-3.] Kola sa hnene la boroshüre celë lai itre hnying. [E jë la itre hnying ngöne la icetrön, me hamën la boroshür.] Elanyi e eni a bëeke hmaca, tro ni a pane qaja la ketre ithuecatr ngöne aqane troa apaatren la itre sine mec memine la troa pë atr ka qatr elany.” Isa pui jë.
Hape jë la kola iwai hmaca:
“Eni hmaca ha la troa ithanatane la pune la itre mec memine la pengöne la itre qatr. Eje e celë la mekun.” Sipo angeice jë troa xom la boroshüre i angeic. Nge e jë me ce ithanatan la itre paragaraf 6-7 götrane 23-4. Isa pui ju matre troa wange pena la itre paragaraf 8-9.
Maine kola ce cainöj memine la ketre nekönatr, tro la thupëtresij a ibozu me qaja ka hape:
“Eni a sipon matre tro, ________ troa pane e la xötr ka troa xatua eö. [Nekönatr a e la Salamo 37:29 me hamë hnepe mekun.] Kola ithanatan hnene la Boroshür celë la aqane tro Akötresie a eatrën la aja i Nyidrë kowe la itre atr me kowe la fen. [Amamane jë la itre iatr götrane 24-7.] Eni a ajan troa bëeke hmaca me amamane la hna thingehnaean ka lolo hnei Tusi Hmitrötr göi melehmaca.” Hamëne jë la boroshür me isa pui.
Ame la kola iwai hmaca, önine la thupëtresij:
“Hne so hna e lo pane traqa ni la Salamo 37:29, nge ame lo ajang, tre, troa amamane koi epuni la hnei Tusi Hmitrötr hna qaja göi melehmaca. Drei la hna qaja e celë.” Tro angeic a xome la boroshüre i angeic ngöne la itre paragaraf 12-14, götrane 24-5. Sipone jë troa etid, maine isa pui troa ce wang la itre paragaraf 15-16.
Itre Aqane Troa Tro Fë La Boroshür Quel est le but de la vie ? Comment le découvrir ?
Thupene la hna ibozu, hape jë:
“Thatreine kö troa neën enehila la itre jol me itre hace. Hapeu, pëkö xaa pengöne mel e tröne lai? [Nue pi troa sa.] Kola amaman hnene la boroshüre celë la aqane troa eatr elanyi lo pane aja i Akötresieti ekö kowe la itre atr me ihnadro. [Ithanatane jë la iatr götrane 20-1. Nge e jë la paragaraf 9, me qaja atrun la Isaia 14:24 me 46:11.] Tro hmaca pë hë ni a traqa troa amaman hnine la Tusi Hmitrötr la aqane troa aparadraisone hmaca la fen.” Hamëne jë la boroshür nge isa pui ju.
Hape ju ngöne la kola bëeke hmaca:
“Hnenge hna qaja e cili lo laka aja i Akötresie troa mele palua la itre atr ngöne la paradraiso e celë fen. [Amamane hmaca jë la iatr götrane 20-1.] Hna qeje Paradraiso fe hnei Iesu me Peteru me Davita.” Fe jë ngöne la itre götrane 21-2, me wang la itre paragaraf 10-13. Sipo angeice jë maine aja i angeic troa etid, nge ce wange ju la caas ngöne la itre mekun hna cinyihan atrun götrane 29-30.
Tro la ketre trejine thöth a qaja ka hape:
“Nyimutre la itre ka ce macatre me eni ka lueluën la drai elany. Tro kö a sisitria la mel kowe la itre xötratr elany? [Nue pi troa sa.] Tusi Hmitrötr a qaja aloin la mel elany. [Fe jë la boroshür ngöne la iatr götrane 31, nge e jë la mekunen. E jë fe la 2 Peteru 3:13.] Kola ithuemacanyin hnene la boroshüre celë la itre manathith hna hnëkën hnei Akötresie thatraqane la itre atr. [Itre hna cinyihan atrun götrane 29-30, hamëne jë la boroshür.] Eni a ajan troa bëeke hmaca troa qaja la aqane tro Akötresie a apaatren la itre isi asë.” Isa pui jë.
Hape ju la kola bëek:
“Ame lo traqa hnapane ni, hnenge hna nango qaja lo aja i Akötresie troa aparadraison la fen. [köjane hmaca ju la iatr götrane 31.] Eni a pi atre la mekune i epun ngöne la aja i Akötresie a apaatren la itre isi.” Xome jë la boroshüre i angeic. Nge e jë me ithanatan la itre paragaraf 3-6, götrane 29. Isa pui jë matre troa wang la itre paragaraf 7-8.
Ame la kola ce cainöj memine la ketre nekönatr, tro la ka tru a ibozu i nyidro me qaja ka hape:
“Maine ijij, ________ a ajan troa amamane koi nyipë la ketre iatr me e la ketre xötr ne la Tusi Hmitrötr. [Nyën a amamane la iatr me e la mekunen ngöne götrane 31 me e fe la Hna Amamane 21:4.] Kola qaja hnene la boroshüre celë la hnei Akötresie hna troa kuca kowe la itre jole së enehila. [Qaja jë la itre mekun hna cinyihan atrun götrane 29-30, me hamën la boroshür.] Tro hmaca ni a traqa troa amamane la hna qaja hnei Tusi Hmitrötr ngöne la aqane troa apaatren la itre sine meci së asë.”
Ame la kola iwai hmaca, önine la ka tru:
“Ame lo nyiso a iöhny, hnenge hna ajan troa amamane la hna qaja hnei Tusi Hmitrötr, göne la pune la itre sine meci së. Drei la hna qaja e celë.” Loi e tro angeic a xom la boroshüre i angeic. Thupene lai, wange ju la itre paragaraf 9-14 götrane 29. Sipone jë troa etid, maine isa pui ju troa ce wang la itre paragaraf 15-17.
Itre Boroshür Thatraqane La Itre Atr Thaa Ka Hmi Keresiano Kö
Connaîtrons-nous un jour un monde sans guerre?
Qaja jë kowe la ketre atre Iudra ka hape:
“Ala nyimu së itre ka hleuhleu ngöne la ijine kola meci la ketre e angatr, itre hne së hna hnim. Nemene la pengö së ngöne la easë a mec?” Nue pi troa sa. Tupene lai, amamane jë la itre mekune hna eköhagen, hnine la boroshüre Un monde sans guerre, götrane 22, kola hape, “ Que sont la mort et l’âme ? ” Thupene lai, fe jë kowe la götrane 23, nge paragarafe 17 nge amamane jë laka, tune la hna qaja hnei Tusi Hmitrötr, tro ha mele hmaca la itre atr qa hna mec. Hetrenyi fe ekö thei Iobu la mejiune laka, troa mele hmaca la itre ka mec. Sipone jë troa bëek troa ce ithahnatane hmaca itre ej.—km 10/99 g. 8.
La direction venant de Dieu : le chemin qui mène au Paradis
Qaja jë kowe la ka hmi Mizilima ka hape:
“Nyipici laka ka lapaune epuni koi Akötresie. Matre nemene la aja i Akötresieti koi së. [Nue pi troa sa.] Eni a ajane troa pane ithahnatane me nyipë la ketre hna perofetane ekö, ene laka, tro ha aparadraisone hmaca la ihnadro. Ijije kö tro ni a pane e koi epuni la hna cinyihane hnene la perofeta? [E jë la Isaia 11:6-9.] Eni a mekune la hna perofetane celë, jëne la ketre hna cinyihane hnine la Coran, a hna fejane ngöne la boroshüre celë.” Fe jë la boroshüre Direction venant de Dieu ngöne la götrane 9, nge e jë la mekune hna cinyihane atrun. Maine kola drei së, sisedrëne jë la porotrik, me ce ithahnatane la itre paragarafe 7 koi 9 ngöne la ketre götran. Hamëne jë la boroshür, nge wange ju matre troa iwai hmaca.—km 11/99 g. 8.
Nos problèmes — Qui nous aidera à les résoudre ?
Qaja jë kowe la ketre thöth Hindu, ka hape:
“Nyipici, epuni a lapaune koi Akötresie. Hapeue fe la mekuna i epun, ngöne la aja i Akötresieti koi së?” Nue pi troa sa. Thupene lai, e jë la Genese 1:28, nge qaja jë ka hape: “Nyimutre la itre götrane ne la fene hna jilapane menune pala ha, nge tru catre mina fe hnei jol. Hapeue la mekune i epun, hetre ajane kö la Atre xupi së troa xatua së troa cile kowe la itre jole së?” Ase hë angeice sa la hnyinge së, hamëne ju la boroshür.—km 9/99 g. 8.
Pourquoi adorer Dieu en amour et en vérité?
Kowe la atr hmi Hindu trene fami la mekune celë:
“Eni a wange hmaca la itre atr ka hnehengazone la aqane trongene la mele ne la itre hnepe lapa, ngöne la itre nöje ka nyimutre enehila. Nemene la ewekë hnei epuni hna mekun, ka troa xatuane la itre hnepe lapa matre tro pala hi la itre atrene a caas? [Nue pi troa sa.] Hetrenyi la itre atr ka atre la hna qaja hnene la itre tusi ne la itre Hindou ngöne la hnepe lapa, ngo thaa hane kö angatre aceitunëne lai memine la hna qaja hnei Tusi Hmitrötr. Haawe, eni a ajane troa ce thawa me nyipë la mekune celë. [Kolose 3:12-14.]” Kola amamane hnene la boroshüre celë la itre hna cinyihane ka hmitrötr qaa Ëëd memine la Tusi Hmitrötr.”—km 9/99 g. 8
“ Voici, je fais toutes choses nouvelles ”
Qaja jë kowe la ketre qatr ka hmi Budis, ka hape:
“Maine jë easë asë hi a hnehengazone la emanane la itre mekune ka ngazo, me itre ethane itre eje thene la itre nekö së. Pine nemene matre kola elë nyimenyime la kuci ngazo enehila, thene la itre thöth? [Nue pi troa sa.] Atre fe kö epuni laka, hna perofetane petre kö lai ekö hnine la ketre itusi hna nyiqaane cihnyihane hë, qëmekene troa mama la hmi Musulman, me hmi Keresiano, me hmi i itre Hindous? [E jë la 2 Timoteo 3:1-3.] Kola mama laka, ngacama kola elë la inamacane ne la atr, ngo kolo pala hi a ngazo catre la itre ewekë hna ahnithe hë hnei Tusi Hmitrötr. [E jë la xötre 7.] Hetre ixatua hnenge hna kapa jëne la itusi celë, matre eni a trotrohnine hnyawa la nyipici, ewekë hna thatre hnene la itre atr ka ala nyim. Hapeu, epuni kö a hane ajane troa e ej?” —km 8/99 g. 8.