Göi Itre Icasikeu Ne La Huliwa

Koi 13 Juun Me Wiike Cili

Nyima 198

10 men: Itre ithuemacanyi koi së. Iëne jë la itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 8 (maine ka ihmeku memine la teritoare i epun) matre troa iamacanyine la aqane troa tro fë la zonale La Tour de Garde ne 15 Juun me Réveillez-vous ! maine pëkö, tre, xome jë lo lue hna kapa pinën. Maine jë troa hane xome fe la itre xaa aqane troa nyiqaane ithanata. Ame ngöne la ketre iamacany, tro fë jë la itre zonal ngöne la nöjei ijine ka ijij.

15 men: Xatuane Jë La Itre Atr Troa Hane Itretre Cainöje Hna Thaa Bapataisone Petre Kö. Cainöj hna cile fë hnene la ketre qatre thup, nge troa ce ithanatan la itus Organisés pour faire la volonté de Jéhovah, götrane 79-​81. Ce ithanatane ju fe la itre hna amekötin göi troa wange hnyawa maine kola melëne hnyawa hnene la hnainin, la itre hna thele thei angeice hnei Tusi Hmitrötr, matre aijijë angeic troa hane cainöje trootro memine la ekalesia. Ame wiike ka troa xulu, tro sa ce wang la aqane tro sa inine la itre hnainin ka ijij troa itretre cainöje hna thaa bapataisone petre kö, matre troa hane nyiqaane cainöje trootro ngöne la itre hnalapa.

20 men: “Ixatua La Troa Cainöj Matre Troa Xomihniahoeany.”a Könëne jë la itre atren la ekalesia troa qeje mekune ngöne la itre xötr hna fejan, e ijije la traem.

Nyima 149 me thithi ne nyipun.

Koi 20 Juun Me Wiike Cili

Nyima 206

10 men: Itre ithuemacanyi koi së. Ce wange hmaca jë la itre mekun ka tru qa hnine la Huliwa Ne Baselaia ne Julai 2003, götrane 6. Qejepengöne jë la aqane tro la itretre cainöj a kapa la itre itus, ngöne la itre xaa qene hlapa. Ce ithanatane jë la aqane troa trongën la ithuemacanyi celë ngöne la nöje së. Loi e troa komadën la itre xaa itus ngöne la itre xaa qene hlapa thene la atrekë hnëqane lai, ngacama caasi hi la itus, matre ijije troa kapa itre ej ngöne la ijine ka ijij.

15 men: Ka Mene La Wesi Ula i Akötresie. (Heb. 4:​12) Cainöj hna nyitrepen hnene la zonal La Tour de Garde ne 15 Nofeba 2003, götrane 11, paragaraf 13-​17. Qaja jë la itre hna melën ka amaman la aqane upe la itre atr troa saze la aqane mele i angatr, jëne la ini hna hamën hnei Tusi Hmitrötr. (w00 1/1 g. 3-5) Xatuan asë jë la itre trejin troa huliwane hnyawan la Tusi Hmitrötre ngöne la nöjei götrane la huliwa ne cainöj.

20 men: “Aqane Troa Eatrongëne La Itre Etid Ka Kökötr​—Paatr 10.”b Kuca jë la ketre iamacanyi ka amamane la kola elone la ketre aqane cainöj. Ame ngöne la kola amacan hnene la hnainin la ketre aqane nyiqaane ithanata, tro la ka hamë ini a qaja la ketre mekun ka isazikeu memine la maca ka loi, ke, angeic a elone la atr hna cainöje kow. Nge maine thaa nyipi mama kö kowe la hnainin la nyine troa qaja, haawe, qejepengöne jë koi angeic la aqane troa sa lai mekune cili. Ketre, canga wange ju la caas maine lue trejin matre tro nyidroti a qejepengöne la ini hnei nyidro hna kapa ngöne la nyidroti a nyiqaane cainöj ngöne la itre hnalapa trootro.

Nyima 208 me thithi ne nyipun.

Koi 27 Juun Me Wiike Cili

Nyima 113

10 men: Itre ithuemacanyi koi së. Amekunëne jë la itretre cainöj troa hamën la itre rapor ne hna cainöje ngöne la treu Juun. E jë la itre hna ithingë, memine la itre xaa ahnahna. Xome jë la itre mekun nyine ixatua ngöne la götrane 8 (maine ka ihmeku memine la teritoare i epun), iamacanyine jë la aqane troa tro fë la zonal La Tour de Garde ne 1 Julai maine Réveillez-vous ! ne 8 Julai (maine pëkö, ke, hamëne ju lo lue hna kapa pinën). Ijije troa hane xome fe la ketre aqane nyiqaane ithanata. Thupene la iamacany, amexeje jë la itre mekun hna qaja panën, lo hna xom matre troa ahlën la aja ne la atr.

15 men: Itre ihaji koi së.

20 men: Troa Tro Fë La Itre Broshür e Treu Julai Me Ogas. Cainöj nge troa ce ithanatan la sinetrongen. Qejepengöne jë la aqane troa xome la sinetrongen, thaa tro pe a aqean, me qaja atrune la itre mekun hna eköhagen ngöne la götrane 3 memine la itre mekune ka tru qa hnine la Huliwa Ne Baselaia ne Januare 2005, götrane 8. Ce ithanatane jë la itre mekun nyine ixatua ka ihmeku memine la nöj, göi troa tro fë la itre boroshür ngöne la xötrei iöhny. Iamacanyine jë la luetre maine köni iamacany. Tro la ketre thöth ka cainöj a kuca lai ketre.

Nyima 196 me thithi ne nyipun.

Koi 4 Julai Me Wiike Cili

Nyima 70

10 men: itre ithuemacanyi koi së. Qaja jë la ketre hna amekötin göi cainöj e 14 Julai.

15 men: Epuni Kö a Kepe Thangane La Ketre Porogarame Ne Fami? Wange hmaca ju la itre mekun nyine ixatua ngöne la sinetrongene la Huliwa Ne Baselaia ne Mei 2005, nge könëne jë la itre atren la icasikeu troa qaja la itre trenge catr hna kuca hnei angatr matre troa trongën la itre mekun nyine ixatua me itre manathithi hna kapa qa ngön.

20 men: “Cainöj Ngöne La Itre Göhnë Gaa Tru Atr.”c Wange ju la aqane troa trongën ngöne la teritoare së. Amekunëne jë la itretre cainöj troa xome la pepa hna hape, Veuillez suivre l’intérêt (S-43) e maine ijij.​—Wange ju la Huliwa Ne Baselaia ne Febuare 2005, g. 6.

Nyima 120 me thithi ne nyipun.

[Ithuemacany]