Göi Itre Icasikeu Ne La Huliwa

Koi 13 Semitrepa Me Wiike Cili

Nyima 43

12 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Maine ijije hi troa hane xom la itre mekune nyine ixatua hna hamën ngöne la götrane 4, thatraqane la teritoar ne la ekalesia së, haawe, xome jë itre ej matre troa iamacanyin la aqane troa tro fë la itre zonal, La Tour de Garde ne 15 Semitrepa me Réveillez-vous ! ne 22 Semitrepa, maine pëkö, tre xome jë lo itre hna xötrei kapa. Ijije hi troa thele la itre xaa aqane troa nyiqaane ithanata. Thupene la isa iamacany, qaja hnyawa jë la ketre eloine lai aqane nyiqaane ithanata.

15 men: “Loi e Maca La Alameke Së.”a Xome jë la itre hnying hna hamëne hë. Maine ijije la traem, amamane hnyawa jë la aliene la itre xötr ne la Tusi Hmitrötr hna hamën.

18 men: Itretre Anyipicin La Itre Huliwa Së Ka Loi. (1 Pet. 2⁠:12) Cainöj nge troa ce ithanatan la itre mekun hna xome qa hnine la zonal La Tour de Garde ne 1 Nofeba 2002 götrane 12-14, paragaraf 14-20. Sipone jë kowe la itre atren la icasikeu troa hamë mekun ngöne la aqane ketr la itre atr ne la nöje së hnene la itre huliwa së ka loi.

Nyima 162 me thithi ne nyipun.

Koi 20 Semitrepa Me Wiike Cili

Nyima 88

10 men: Itre ithuemacanyi koi së. Wange hmaca ju la tusi sasaiatri ka eje ngöne la pane götrane ne la Huliwa Ne Baselaia celë. Qaja jë la ketre hna amekötin göi cainöj e 24 Semitrepa.

15 men: Nemene La Hne Së Hna Kuca Ngöne Lo Macatre Hnapan? Cainöj hna troa kuca hnene la ketre qatre thup, hna eköthe hune la huliwa ne cainöj ne la ekalesia hna kuca ngöne la macatre ne huliwa 2004. Amamane jë la itre götran ka lolo ne la rapor, nge qaja aloine jë la ekalesia qa ngöne la itre ewekë ka lolo hna kuca hnene ej. Amamane hnyawa jë la aqane catre huliwa la itre pionie. Qaja jë la caas maine lue götrane nyine tro la ekalesia a pane wange hnyawa ngöne la macatre ka troa xulu.

20 men: Catre Pi Së Ngöne La Itre Huliwa Ka Loi. (Gal. 6⁠:10) Ithanata jë memine la luetre maine köni trejin ka xome la huliwa ne pionie lapa maine pionie ka ixatua ngöne la itre xaa ijin. Nemene la itre jol hnei angatr hna cile kow ngöne la huliwa i angatr koi Iehova, nge tune kaa la aqane senge angatr la itre jole cili? Nemene la ka xatua angatr troa catre kuca la loi kowe la itre xaa atr? Tune kaa la aqane kepe thangane angatr memine fe la itre xan, la trenge catr hnei angatr hna kuca ngöne la huliwa ne cainöj? Maine ijij, tre xome jë la itre xaa mekun ngöne la hna kuca ngöne la nöj matre tro la maca ka loi a ketr la itre ka qaja la itre xaa qene hlapa. Qaja aloine jë la itre trejine asë, pine la ‘lapaune i angatr, memine la huliwa ngöne la ihnim, memine la xomi hni’ angatr.—1 Thes. 1⁠:​2, 3.

Nyima 103 me thithi ne nyipun.

Koi 27 Semitrepa Me Wiike Cili

Nyima 221

15 men: Itre ithuemacanyi koi së. Troa cile fë la hna ithingë. Amekunëne jë la itretre cainöj troa hamën la rapor ne hna cainöj ngöne la treu Semitrepa. Iamacanyine jë la aqane troa hamën la zonal La Tour de Garde ne 1 Okotropa, me Réveillez-vous ! ne 8 Okotropa. (maine pëkö, xome jë lo itre hna xötrei kapa).

10 men: Ka Mel La Trenge Ewekë i Iehova. Cainöj. Hetre ixatua hna hamë së matre tro sa kepe thangane hnyawa la wiik ne e Tusi Hmitrötr hna hnëkëne ngöne lo Ini Ne Cainöj Qaathei Akötresie; ene la itre hna cinyihan ka mama ha ngöne la zonal La Tour de Garde, nge ame la taan itre ej, tre hna hape, “Ka Mele La Trenge Ewekë i Iehova.” Ame ngöne la easë a xome la zonal La Tour de Garde ne 15 Semitrepa 2004, götrane 24-7, amamane hnyawa jë la aliene la itre hna cinyihane cili. Thupene la hna pane acaa goeën asë la hna cinyihan, kola hamën hnene la götran hna hape “Kola Sa Hnei Tusi Hmitrötr La Itre Hnying” la ketre aqane qejepengöne la itre xaa xötr ne la Tusi Hmitrötr ka jol e troa trotrohnin. Kola amamane hnyawa koi së hnene la itre mekun hna hamën fene la hna cinyihan hna hape, “Itre Ini Thatraqa Së” la enyipiewekën la ithuemacany ngöne la easë a e. Xome jë la itre xaa hnepe ceitune ka ijij, matre troa amamane la aqane troa xatua së hnene la itre hna cinyihane cili troa hetrenyi la trotrohnin ne la Wesi Ula i Akötresie. Xatuane asë jë la itre trejin troa xome hnyawa la hna hnëkëne cili, ngöne la kola nyiqaane e la tusi Deuteronomi ngöne la wiike hnapin.

20 men: “Loi e Troa Atreine Eë Hnyawa La Tusi Hmitrötr.”b Xome jë la itre hnying hna hamën. Loi e troa nyiqaan hnene la itre mekun hna hamën hnine la itus École du ministère, götrane 145, paragarafe 2-3. Xome jë la lue hnepe iamacany, caas ngöne la kola xötrei ithanata memine la ketre atr, nge ketre ngöne la kola iwai hmaca; kola amaman jëne la lue iamacanyi cili la aqane troa trongën la itre mekune hna hamën.

Nyima 38 me thithi ne nyipun.

Koi 4 Okotropa Me Wiike Cili

Nyima 5

10 men: Itre ithuemacanyi koi së.

20 men: Itre ihaji koi së.

15 men: “Aqane Troa Thele Troa Porotrike Hnyawa Memine La Itre Atr.”c Tro la itre xaa trejine ka melëne hnyawa la nyipici, a qaja la hnei angatr hna kuca ha, maine hna kuca pena hnene la itre xan, ngöne la eloine la aqane nyiqaane ithanata i angatr me thipetrije la itre aqane nyiqaane ithanata ka ngazo. Loi e troa canga iëne la itre hna troa hnyinge kow.

Nyima 99 me thithi ne nyipun.

[Ithuemacany]