Göi Itre Icasikeu Ne La Huliwa
Ithuemacany: Troa hnëkën hnene la Huliwa Ne Baselaia Ia itre Icasikeu Ne La Huliwa thatraqane la itre wiik ngöne lo lai itre treu Ogas me Semitrepa. Troa wang me amekötine hmaca lo porogaram ne Icasikeu Ne La Huliwa hnene la itre ekalesia, pine laka kola troa sin lo kovasio ne distrik hna hape, “Ce Tro Jë Me Akötresie.” Maine ijij, ngöne la Icasikeu Ne La Huliwa tixenuë qëmeken la kovasio, xome jë la 15 lao menetr matre troa ce wang la itre eamo ka tru hna xom qa hnin la sine trongen la Huliwa Ne Baselaia ne la treu celë. Ame ngöne la treu Okotropa, troa ce ithanatane hmaca ngöne la ketre ijine Icasikeu Ne La Huliwa, la itre mekune ka tru hna kapa qa ngöne la asabele. Qa ngöne lai, nyipi ewekë tro sa cinyihane la itre mekune ka tru ngöne la ijine asabele, ketre tune mina fe la itre mekun hne së hna ajan troa trongën ngöne la mele së, maine ngöne la hna cainöje trootro. Thupene lai, tro hë së a qejepengön la aqane trongëne së la itre mekune nyine ixatua cili qaane lo lai asabele.
Koi 12 Julai Me Wiike Cili
Nyima 108
12 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 4, iamacanyine jë la aqane troa tro fë la zonal La Tour de Garde ne 15 Julai memine la Réveillez-vous ! ne 22 Julai, maine paatre pala kö la itre zonale cili, xome jë la itre hna xötrei kapa. Ame ngöne la kola tro fë la ketre, iamacanyine jë la aqane troa amamane kowe la ketre atr ka thaa qaja hnyawa kö la qene hlapa së.
18 men: “Loi e Tro Sa Xötrethenge La Meköt i Iehova.”a Maine ijije la traem, sipone jë kowe la itre atrene la icasikeu troa hamë mekun ngöne la itre xötr hna cinyihan.
15 men: Tusi Hmitrötr—Ketre Itus Ka Perofeta, Nge Nyine Mejiune Kow. Cainöj, troa ce ithanatan, nge hna nyitrepene lai hune la boroshüre hna hape, Un livre pour tous, götrane 27-9. Ame ngöne la huliwa ne cainöje së, hne së hna ithanata memine la itre atr ka kukehnine la itre drai elany. Kola hamëne la ithuemacanyi nyine mejiune kow hnene la Tusi Hmitrötr, me qaja atrune la elolone la itre drai elany kowe la nöjei atr ka drengethenge. Ce wange jë la itre xaa hna perofetane hnene la Tusi Hmitrötr, ka troa acatrene la lapaune së kowe la itre hna ahnith nge ka troa eatr ngöne la itre drai ka troa xulu. Tro la ketre trejin a kuca la ketre iamacany, thaa tro pe a aqean, me amamane me xome la itre ewekë ka traqa hnine la Tusi Hmitrötr matre troa xatuane la ketre atr ka hni ne ajan troa acatrene la lapaune i angeice kowe la Tusi Hmitrötr.
Nyima 16 me thithi ne nyipun.
Koi 19 Julai Me Wiike Cili
Nyima 83
8 men: Itre ithuemacanyi koi së.
20 men: “Loi e Tro Sa Ce Atrune La Ëje i Nyidrë.”b Troa cile fë hnene la seketere ne la ekalesia, me xome la itre hnyinge hna hamëne hë. Qaja jë la kovasio nyine tro la ekalesia a sin. Hna cinyihane la itre hawa ne la porogarame ne la asabele ngöne la sinetrongene la Huliwa Ne Baselaia ne Eiperem 2004. Maine ijij, troa qaja atrune la itre xaa mekune qa hnine la sinetrongene cili.
17 men: “Aqane Troa Eatrongëne La Itre Etid Ka Kökötr—Paatr 1.” Cainöje hna troa cile fë hnene la atre thupëne la huliwa ne cainöj. Nue pi la itre atrene la icasikeu troa qaja la itre mekune qa hnine la itus Prédicateurs, götrane 572-4, me amamane la aqane kökötre la huliwa ne cainöje ngöne la hnedrai së enehila. Thele jë troa eköthe la madrine i angatr kowe la itre hna cinyihane ngöne la itre xaa Huliwa Ne Baselaia ka troa xulu. Ame ngöne la itre mekune hna troa ce wang, tre, ene la aqane troa hnëkë matre troa xomiujine la etid, me aqane troa xatuane la hnainin troa hnëkë, me itre mekune nyine troa ce wang, me aqane troa xome hnyawa la itre xötr, me aqane troa eköth la itre mekun ka sa la itre hnyinge ne la hnainin, me aqane troa nyiqaane hnene la thith, me aqane troa eatrongëne la hnainine kowe la organizasio. Xatuane asë jë la itre trejine troa trongëne la itre mekune nyine ixatua hna hamën, me troa thupëne hnyawa la itre hna cinyihane cili matre goeëne hmaca itre eje elany.
Nyima 10 me thithi ne nyipun.
Koi 26 Julai Me Wiike Cili
Nyima 216
12 men: Itre ithuemacanyi koi së. E jë la hna ithingë. Amekunëne jë la itre trejine troa hamëne la rapore ne hna cainöj ngöne la treu Julai. Xome jë la itre mekune nyine ixatua ngöne la götrane 4, nge iamacanyine jë la aqane troa tro fë la zonal La Tour de Garde ne 1 Ogas me Réveillez-vous ! ne 8 Ogas, maine paatre pala kö la itre zonale cili, xome jë la itre hna xötrei kapa. Isa amamane jë ngöne la lue iamacanyi cili, la lue aqane troa sa kowe la itre ka hnyinge koi së ka hape, “Pine nemen matre epuni pala hi a wange la itre atr?”—Wange ju la itus Comment raisonner götrane 20.
8 men: Kola Sa La Itre Hnyinge i Nyipunie. Troa cile fë hnene la ketre qatre thup. E jë me ce ithanatane la hna cinyihane asë.
25 men: “Troa Cainöje Tune Kaa Ngöne La Itre Götrane Hna Salemë Ewekë.”c Qaja jë la itre hna amekötin thatraqane la huliwa ne cainöj ngöne la itre götrane gaa salem. Troa iamacanyine la lue aqane tro fë ngöne la itre paragarafe 4-5 maine pena ketre aqane tro fë ka hetre thangane ka loi ngöne la teritoare së. Maine ijije la traem, sipone jë kowe la itre atrene la icasikeu troa ce thawa me qaja la itre hnei angatr hna melën ka ixatua, ngöne la angatr a cainöje ngöne la teritoare gaa salem.
Nyima 173 me thithi ne nyipun.
Koi 2 Ogas Me Wiike Cili
Nyima 60
7 men: Itre ithuemacanyi koi së.
18 men: Hetre Kepine Kö Hnei Epuni Hna Hamën? Cainöj, nge troa ce ithanatan, hna nyitrepene hnene la itus École du ministère, götrane 254, paragarafe 1-2. Ame la easa qejepengön me trongëne la itre xötre ngöne la huliwa ne cainöj, me qa ngöne la ita ne cainöj, tre, troa hetre thangane ka loi la ini hne së hna hamën, e hne së hna hamë kepine la hne së hna qaja hune la tro hi a qaja la itre mekun. Maine epuni a xome la itre ceitun qa hnine la itus Comment raisonner maine ketre itusi pena ka ihmeku memine la teritoare i epun, amamane jë la aqane troa (1) iëne me qejepengöne la ketre xötr ne la Tusi Hmitrötr, (2) eköth hnene la itre xaa mekune qa hnine la itre xötre ka lapa xötreith lai xötr maine pena qa ngöne la ketre xötr ka ithanatane lai mekun, (3) xome la ketre ceitun matre troa amamane la emekötine la hnei epuni hna qaja, me (4) xome la itre hnyinge nyine xatuane la itre ka drenge troa thele kepine lai mekun. Qaja atrune jë la itre manathithi hna kapa qa ngöne la hna xome la ketre aqane nyiqaane ithanata ka thele ewekë.
20 men: “Xeni Ne La Ua Ngöne La Ijine Ka Ijij.”d Xome jë la itre hnying hna hamën. Ame la kola ithanatane la paragarafe 2, tro la caas maine lue trejine a hamë mekun ngöne lo kovasio hnei nyidroti hna sin. Troa nyipune me ithuecatre kowe la nöjei atrene la icasikeu troa xomi not hnyawa ngöne la ijine kovasio—Goeëne ju e caha hun la Ithuemacany.
Nyima 32 me thith ne nyipun.
[Ithuemacany]
a Thaa tro kö a sasaith la caa menetr ne nyiqaan, nge thupene lai troa ce ithanatan.
b Thaa tro kö a sasaith la caa menetr ne nyiqaan, nge thupene lai troa ce ithanatan.
c Thaa tro kö a sasaith la caa menetr ne nyiqaan, nge thupene lai troa ce ithanatan.
d Thaa tro kö a sasaith la caa menetr ne nyiqaan, nge thupene lai troa ce ithanatan.