Itre Hna Amekötiin

◼ Itre itus hna troa tro fë e treu Januare: Itre itus hna fejan qëmekene lo macatre 1988 ka hetrenyi ngöne la ekalesia. Maine pëkö ke wange ju thene la itre ekalesia ka easeny maine hetrenyi thei angatr. Ame koi itre ekalesia ka pëkö lo lai itre itusi cili, maine tro pë hë angatr a tro fë la itus L’humanité à la recherche de Dieu. Febuare: Approchez-vous de Jéhovah. Maine pëkö la itusi celë, xome jë pena la itus La vie : comment est-elle apparue ? Évolution ou création ? La Révélation : le grand dénouement est proche! Maac: Atrehmekune Ka Eatrongë Nyipunie Kowe La Mele Ka Pë Pun. Troa catre thel troa nyiqaane inin la Tusi Hmitrötr memine la itre atr. Maine hetrenyi hë la itre atr la itusi cili, hamëne ju pena la itus Prêtons attention à la prophétie de Daniel. Eiperem: Tro fë jë la lue zonal La Tour de Garde me Réveillez-vous ! Ame ngöne la easë a wange hmaca la itre atr ka drei së, loi e tro fe a hane wange la itre ka sin la Drai Ne Amekunën maine itre xaa huliwa i Akötresieti pena ngo thaa ka ce caasi kö memine la organizasio i Iehova. Loi e troa catre thel troa tro fë la itus Adorez Dieu. Loi e tro mina fe a eje e kuhu hni së la ajan troa nyiqaane inine la Tusi Hmitrötr memine lo itre xaa atr, ene mina fe lo itre ka etidi hë ngöne la itus Atrehmekune memine la boroshür Thele.

◼ Kola troa nyiqaane ce wang ngöne la itre Ini Tus Ne La Ekalesia lo itus Approchez-vous de Jéhovah, qaane e 15 Maac 2004.

◼ Qaane e 7 Maac, ke kola troa hamën la cainöj koi nöjei atr hnene la itretre thupën la sirkoskripsio, hna hape “Drei La Atrekë Nyin La Itre Ewekë Ka Tru Alameken Hne Së Hna Hnim?”

◼ Loi e troa canga hnëkë hnene la itre ekalesia matre troa atrun la Drai Ne Amekunën ne la macatre celë, e drai sabath 4 Eiperem, thupene la hna lö la jö. Maine troa canga kuca la cainöj, ngo ame koi itre areto, thaa tro kö a tro fë itre eje nge thaa lö petre kö la jö. Wange ju la meteo matre troa atre la hawa ne lö la jö ngöne la götran hnei epuni hna lapa ngön. Maine itre icasikeu hmekuje hi göi troa cainöje trootro la hna troa hnen ngöne la ijine cili, loi e troa thele troa kuca pë hë ngöne la ketre drai la ini tus ne la zonal La Tour de Garde. Loi e troa waipengöne hnene la itretre thupëne la sirkoskripsio ka wange trongën la itre ekalesia, la aqane tro angatr a eköth la porogaram ne iwai trootro i angatr, matre thaa tro kö a ce ijin memine lai Drai Ne Amekunën. Maine nyipici laka ka loi kö e troa isa atrun hnene la isa ekalesia la Drai Ne Amekunën, ngo maine jë thaa tro pë hë a ijije koi itre xan pine laka tru la itre ekalesia. Haawe, maine nango ala nyimu la itre ekalesia ka ce thawa la caa Uma Ne Baselaia, maine jë tro pë hë itre xan a icasikeu hnine la ketre uma ngöne la heji cili. Maine ijij, loi e tro sa xom la 40 menetr akawan la itre ijine icasikeu matre tro asë hi së a kepe thangane hnyawa la icasikeu cili. Loi e tro mina fe a canga wang la itre ejolen göi troa acili loto, ketre troa thupëne fe la aqane troa itrothei me iautiny ngöne la ijine cili, matre loi e troa hnëkë hnyawa thatraqane lai. Loi e troa xecie hnyawa kowe la collège ne la itre qatre thup laka, lolo hnyawa ha la itre ewekë hna hnëkën ngöne la nöj.