Göi Itre Icasikeu Ne La Huliwa
Koi 11 Ogas Me Wiike Cili
Nyima 101
10 men: Itre ithuemacanyi koi së. Iëne jë la Itre Hna Amekötiin qa hnin la Hulliwa Ne Baselaia. Xome jë la itre mekune nyine ixatua ngöne götrane 8, nge troa kuca la lue iamacany ngöne la aqane troa tro fë la zonal, La Tour de Garde ne 15 Ogas me Réveillez-vous ! ne 22 Ogas. Loi e troa ce hamën la lue zonal ngöne la kola isa kuca la lue iamacany, ngacama caasi hi la zonal hna amaman. Troa amaman ngöne la caa iamacany la aqane troa cil kowe la mekune ne la ketre atr, kola hape, “ Je suis occupé. ” (Tru la joleng)—Wange ju la itus, Comment raisonner ngöne götrane 19.
15 men: “Xötrethenge Jë Së La Thiina Ka Loi i Iehova.”a Sipone jë kowe la itre atren la icasikeu troa qaja la itre hnepe hnei angatr hna melën, ka amamane la aqane fe gojenyi angatr hnene la thiina ka lolo, matre troa anyipicin kowe la ketre atr. Qaja aloine jë la ekalesia qa ngöne la hna catre xatuan la itre trejine ngöne la götrane la ua.
20 men: “Itre Manathith Qa Ngöne La Hna Pionie.”b Xome jë la itre hnyinge hna hamëne hë. Sipone jë kowe la caas maine lue pionie troa qaja la itre thangane ka loi hnei nyidroti hna kapa qa ngöne la hna xome la huliwa ne pionie. Qaja jë ka hape ame koi itre ka ajan troa pionie, tre ijije hi troa xome la itre pepa thatraqane lai thene la seketere.
Nyima 11 me thithi ne nyipun.
Koi 18 Ogas Me Wiike Cili
Nyima 82
12 men: Itre ithuemacanyi koi së. Troa cile fë la hna ithingë. Ithanatane jë la “Porogaram Ka Hnyipixe Ne La Asabele Ka Ketre Pengön Ka Caa Drain.” Ithuemacanyine jë la drai ne asabele, nge ithuecatre jë troa sin lai asabele ka caa drain. Maine easenyi la ijine asabele, loi e tro la itre atr ka ajan troa xome la bapataiso a thuemacan la atre thup perezida.
15 men: “Ketre Huliwa Ka Iakeukawany.”c Canga wange ju la luetre maine köni trejine matre troa qaja la aqane akeukawan la mele i angatr hnene la huliwa ne cainöj ne la Keresiano.
18 men: “Loi e Tro Sa Nyihnyawane Pala Hi La Hnë Hmi Së.”d (Paragaraf 1-5) Xome jë la itre hnying hna hamëne hë. Ame ngöne la kola ithanatan la itre paragaraf 3 me 4, wange hmaca ju la itre hna amekötin göi troa nyidrawane la Uma Ne Baselaia. Loi e troa ithanatan la itre ewekë nyine troa pane ce wang. Qaja aloine jë la ekalesia ngöne la trenge catr hna kuca matre troa thupëne hnyawa la göhnë thatraqane la nyipi hmi.
Nyima 114 me thithi ne nyipun.
Koi 25 Ogas Me Wiike Cili
Nyima 175
10 men: Itre ithuemacanyi koi së. Xome jë la itre mekune nyine ixatua ngöne götrane 8, nge troa kuca la lue iamacany ngöne la aqane troa tro fë la zonal, La Tour de Garde ne 1 Semitrepa me Réveillez-vous ! ne 8 Semitrepa. Loi e troa ce hamën la lue zonal ngöne la kola isa kuca la lue iamacany, ngacama caasi hi la zonal hna amaman. Ame ngöne lai lue iamacany, troa amaman la aqane troa tro fë la itre zonal hnene la keme maine thin me nekö i nyidro thöth trahmanyi maine jajiny. Tro hmaca angatr a ce wang la hnei angatr hna troa isa qaja nge inamacane hmaca jë.
15 men: Itre ihaji koi së.
20 men: Catre Pi Troa Cainöj. (1 Thes. 2:2) Cainöj nge troa ce ithanatan. Qaja jë la kepine matre nyimutre la itre trejine ka cile hnö troa cainöjën la maca ne Baselaia kowe la itre xan. Eje mina fe la ewekë cili thene la itre trejine ka nyimu macatre ne cainöje hë. Qaja jë la itre xaa ewekë hna melën hnene la itre xaa trejine ngöne la zonal La Tour de Garde ne 1 Diseba 1999, götrane 25, me 15 Diseba 1999, götrane 25; me La Tour de Garde ne 1 Eiperem 1996, götrane 31. Sipone jë kowe la itre atren la icasikeu troa qaja la aqane atreine i angatr troa catre cainöjën la maca ka loi ngöne la nöjei ijin, ngacama hetrenyi la hnepe xou thei angatr. Troa nyipun me hamën la ketre ithuecatr ngöne la aqane troa kapa la ketre ixatua ka tru qaathei Iehova, hna nyitrepen hnene la zonal La Tour de Garde ne 15 Diseba 1999, götrane 23-4.
Nyima 125 me thithi ne nyipun.
Koi 1 Semitrepa Me Wiike Cili
Nyima 84
10 men: Itre ithuemacanyi koi së. Amekunëne ju la itre trejin troa hamën la itre rapor ne hna cainöje ngöne la treu Ogas. Qaja jë la itus hna troa tro fë ngöne la treu Semitrepa. Troa canga wang matre tro la caas maine lue trejin a qaja la itre ewekë hnei nyidroti hna melën, ngöne la nyidroti a cainöj ngöne la nöjei ijin hmekune lo kovasio ne distrik, me ngöne lo ijine mano.
15 men: Easë Kö a Eatrëne La Hne Së Hna Isa Pui? Cainöj nge troa ce ithanatan la itre mekun hna xome qa hnine la zonal La Tour de Garde ne 15 Semitrepa 1999, götrane 10-11, fene lo hna cinyihan hna hape, “ Autres manières de tenir ses promesses ” (Itre Xaa Aqane Troa Kuca La Itre Hna Ahnith). Ame ngöne la easë a iöhnyi memine la itre atr ka drei së ngöne la hne së hna cainöj, easë a thele troa isa pui me angeic matre troa sisedrën la porotrik ngöne pena ha la ketre ijin. Hapeu, bëeke hmaca ju kö së tune lo hne së hna isa pui? Wange hmaca ju la itre trepene meköti qa hnine la Tusi Hmitrötr, ka troa upi së troa eatrën la hne së hna isa pui. Sipone jë kowe la itre atren la icasikeu troa qaja la hnei angatr hna melën, ka amamane la aqane kepe thangane ka loi angatr qa ngöne la hnei angatr hna canga bëeke hmaca troa iwai.
20 men: “Loi e Tro Sa Nyihnyawane Pala Hi La Hnë Hmi Së.”e (Paragaraf 6-12) Xome jë la itre hnying hna hamëne hë. Qaja jë la enyipiewekën la troa thupëne hnyawa la Uma Ne Baselaia, nge amamane hnyawa jë la itre mekune hna eköhagen ngöne götrane 5. Qaja jë la pengöne la Uma Ne Baselaia së, nge amexeje jë la itre hna mekune troa kuca matre troa nyihnyawane ej, maine troa kuca aloine la itre ewekë ngön.
Nyima 41 me thithi ne nyipun.
[Ithuemacany]
a Thaa tro kö a sasaith la caa menetr ne nyiqaan, nge thupene lai, troa ce ithanatan.
b Thaa tro kö a sasaith la caa menetr ne nyiqaan, nge thupene lai, troa ce ithanatan.
c Thaa tro kö a sasaith la caa menetr ne nyiqaan, nge thupene lai, troa ce ithanatan.
d Thaa tro kö a sasaith la caa menetr ne nyiqaan, nge thupene lai, troa ce ithanatan.
e Thaa tro kö a sasaith la caa menetr ne nyiqaan, nge thupene lai, troa ce ithanatan.