Göi Itre Icasikeu Ne La Huliwa

Koi 9 Juun Me Wiike Cili

Nyima 81

10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 8, nge troa kuca la lue iamacany ngöne la aqane troa tro fë la zonal La Tour de Garde ne 1 Juun me Réveillez-vous ! ne 8 Juun. Loi e troa ce hamën la lue zonal ngöne la kola isa kuca la lue iamacany, ngacama caasi hi la zonal hna amaman. Xome jë la isa caa xötre ne la Tusi Hmitrötr thatraqane lai lue iamacany.

15 men: “Huliwa Ne Cainöj Ne La Keresiano—Hnëqa Ka Sisitria.”a Xatuane jë la itre thöth troa wangatrun la itre manathith hnei angatr hna kapa, e tro angatr a hane cainöje ngöne la mele i angatre ka pexej. Xome jë fe la itre ixatua qa hnine la itre mekun hnine la zonal, La Tour de Garde ne 1 Nofeba 2000, götrane 19-20, fene la hna cinyihan hna hape, “ Quand tradition locale et conscience divergent ” (Ngöne la kola isazikeu la qene nöj memine la mekuthethew).

20 men: “Reteret—Ketre Jëne Troa Akökötren La Huliwa Ne Cainöj?”b Maine ijij, tre, pane ithanata jë memine la ketre trejine ka reteret nge ka akökötren la aqane huliwa i angeic koi Iehova. Hnyingëne jë la itre ewekë hnei angeic hna sazen ngöne la mele i angeic matre troa xome la huliwa ne cainöj, memine fe la itre manathithi hnei angeice hna kapa qa ngöne lai.

Nyima 190 me thithi ne nyipun.

Koi 16 Juun Me Wiike Cili

Nyima 55

8 men: Itre ithuemacanyi koi së. Troa cile fë la hna ithingë.

12 men: Itre ihaji koi së.

25 men: “Catre Pi Së Troa ‘Anyipicin.’ ”c Xome jë la itre hnying. Thupene la hna ithanatan la itre paragarafe 5 me 6, kuca jë la ketre iamacany ngöne la aqane troa cainöj ngöne la nöjei ijine ka ijij kowe la ketre atr ka cilë setroa, nge troa hamën lo tarak hna hape, Ajane Kö Nyipunie Troa Atre Hnyawa La Tusi Hmitrötr? Qëmekene troa ithanatan la itre paragarafe 7 me 8, loi e troa pane e catrëne itre ej. Ame hë la kola nyipun, troa e me ithanatan la itre mekune hna eköhagen hna hape, “The Thëthëhmi Nyudrene Kö!”

Nyima 131 me thithi ne nyipun.

Koi 23 Juun Me Wiike Cili

Nyima 95

10 men: Itre ithuemacanyi koi së. Xome jë la itre mekune nyine ixatua ngöne la götrane 8, troa kuca la lue iamacany ngöne la aqane troa tro fë la zonal La Tour de Garde ne 15 Juun me Réveillez-vous ! ne 22 Juun. Ngöne lai lue iamacany, maine caa zonale hi hna amaman, ngo troa ce hamën lue ej. Ame ngöne la ketre iamacany, amamane jë la aqane cainöj ngöne la nöjei ijine ka ijij hnene la ketre atre cainöj.

20 men: Nemen La Nyine Troa Kuca Kowe La Itre Atr Ka Nanazij? Cainöj nge troa ce ithanatan la itre mekun hna hamën hnine la zonal La Tour de Garde ne 15 Nofeba 1999, götrane 28-9, uti hë ngöne la itre mekune hna cinyihane acon hna hape, “ L’importance de garder un bon état d’esprit ” (Enyipiewekën la troa goeëne aloin la itre ewekë). Wange hmaca ju la itre mekune ka lolo nyine ixatua cememine la itre eamo qa ngöne la itre xötre ne la Tusi Hmitrötr. Canga wange jë matre troa qejepengöne hnene la caas maine lue trejine la ka xatua nyidroti matre hetre madrine i nyidroti pala hi troa cainöj.

15 men: “Cainöje Jë Ngöne La Fene Ka Saze Lapaa.”d Ame ngöne la kola ithanatan la itre paragarafe 2-3, sipone jë kowe la itre atren la icasikeu, la itre ewekë ka hlemu nyine troa xome matre troa nyiqaane ithanata memine la itre atr ngöne la teritoar. Ame ngöne la kola ithanatan la paragarafe 4, troa pane kuca la ketre iamacany, me xome la itre aqane nyiqaane ithanata hna hamëne hë.

Nyima 15 me thithi ne nyipun.

Koi 30 Juun Me Wiike Cili

Nyima 3

10 men: Itre ithuemacanyi koi së. Amekunëne jë la itretre cainöj troa hamën la rapor ne hna cainöj ngöne la treu Juun. Wange hmaca ju la itus hna troa tro fë ngöne la itre treu Julai me Ogas. Qaja amamane jë ka hape hetrenyi la lue boroshür e hnine la ekalesia. Loi e troa kuca la itre iamacany ngöne la aqane tro fë itre eje ngöne la cainöje trootro. Ame koi itre aqane troa nyiqane ithanata, goeëne ju la Huliwa Ne Baselaia ne Julai 1998, götrane 8. Hetrenyi la itre xaa aqane nyiqane ithanata e hnine la Index des publications de la Société Watch Tower, fene la itre mekune hna hape, “ Présentations ” (Itre aqane nyiqane ithanata) me fene la itre hna cinyihane acon hna hape “ Liste par publications ” (Hna amë wengën thenge la itre itus).

15 men: “Sinatr—Ngo Ame Pe Ka Wa Wene Pala Hi.”e Xome jë la itre mekune ngöne la aqane troa ixatua hnene la itre xan, itre mekun ka eje e hnine la Réveillez-vous ! ne 22 Ogas 1990, götrane 22-3, fene la hna cinyihan hna hape, “ Quelle aide apporter ? ” (Nemene ixatua nyine troa hamën?)

20 men: Xome Hnyawa Jë La Wesi Ula i Akötresie Matre Troa Cainöjën La Baselaia. Troa ce ithanatan, nge troa cile fë hnene la atre thupën la huliwa ne cainöj. Ame la easë a ithanata memine la itre atr ngöne la hne së hna cainöj, easë a thele troa hane ce thawa me angatr la itre xaa xötr qa hnine la Tusi Hmitrötr ngöne la Baselaia. Ngo thaa ene hmekuje kö la troa e la itre xötr ne la Tusi Hmitrötr. Nyipi ewekë tro sa qejepengön, me hamën la itre ceitun, me thele la itre ini nyine troa xome qa ngöne itre ej. Amamane jë la aqane troa kuca lai, me xome nyine ceitun la itre xaa xötr hna hamën hnine la itus Comment raisonner, götrane 175-6, fene la hna cinyihane acon hna hape, “ Les gouvernements humains ne subviennent pas aux besoins urgents de l’humanité ” (Thaa kolo kö a thele hnene la itre musi enehila la itre ewekë hna ajan hnene la itre atr). Ame ngöne la kola sisedrën la ithanata, troa hnëkë hnyawa hnene la atre cainöj matre troa iamacanyin la aqane troa xome la ketre xötr ne la Tusi Hmitrötr matre troa iwai hmaca, me qejepengöne hnyawa, me hamë ceitun, me hamen la ini ka amaman kowe lai atr la aqane tro angeic a kepe thangane la musi ne la Baselaia. Nyiqane jë la iamacany hnene la hna pane e la ketre xötr ne la Tusi Hmitrötr hnene la atre cainöj. Thupene lai, wange hmaca ju la aqane qejepengöne lai xötr, me aqane hamë ceitun, me aqane hamë ini hmekune lai. Xatuane asë jë la itre trejine troa akökötren la aqane tro angatr a xome hnyawa la Wesi Ula i Akötresie.

Nyima 171 me thithi ne nyipun.

Koi 7 Julai Me Wiike Cili

Nyima 165

5 men: Itre ithuemacanyi koi së. Ithuemacanyine jë la hna amekötin göi cainöj ngöne lo ijine mano e 14 Julai.

15 men: Itre ewekë hna melëne hë ngöne la nöje së. Qaja jë la itre ewekë hna melën hnene la itre trejin ngöne la nöje së, ngöne la angatr a (1) cainöj kowe la nöjei pengöne atr maine kowe la itre ka ketre qene hlapa kö, maine (2) cainöj ngo thaa ngöne itre hnalapa trootro kö me e cahu gojeny. Xatuane asë jë la itre trejin troa huliwane hnyawa la sine tus hna hape, Une bonne nouvelle pour toutes les nations memine la pepa hna hape Suivre l’intérêt (S-43) ngöne la angatr a iöhnyi memine la itre atr ka ketre qene hlapa kö.—Wange ju la Huliwa Ne Baselaia ne Semitrepa 1999, götrane 2, ngöne lo Itre Hna Amekötiin.

25 men: “Loi e Troa Atre Hnene La Itre Atr La Ëje i Akötresie.”f Xome jë la itre hnying. Ame ngöne la kola ce wange la paragarafe 4, xome jë la itre mekune hna hamën hnine la itre mekune hna eköhagen hna hape, “ Faisons connaître le nom de Dieu ” (Loi e troa atre hnene la itre atr la ëje i Akötresie) ngöne la götrane 124 ne la itus Prédicateurs. Tro la ketre trejine a iamacanyin la aqane troa iwai hmaca. Xome jë la luetre maine köni xötr ne la Tusi Hmitrötr qa hnine la itus Comment raisonner, götrane 200-1, nge amamane jë la kepin matre nyipiewekë troa atre me troa xome la sipu ëje i Akötresie.

Nyima 197 me thithi ne nyipun.

[Ithuemacany]