Revizio Ne La Ini Ne Cainöje Trootro Qaathei Akötresie
Troa ce ithanatane cahu itre hnying ngöne la ijine Ini ne Cainöje Trootro Qa thei Akötresie, e 30 Juun 2003 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 5 Mei koi 30 Juun 2003. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Pine nemen matre nyipi ewekë troa thupën la hne nyinawa ngöne la easë a cile fë la ketre cainöj, nge tune kaa la aqane troa eatrëne lai? [be g. 111 hna eköhagen; g. 112 hna eköhagen]
2. Maine ka mejiune la ka cile fë cainöj kowe la itre hnei angeic hna qaja, nge tru la ihnimi angeic koi Iehova, pine nemene kö matre troa pë hatrene madrin ngöne la cainöje i angeic? [be g. 115 par. 3-4; g. 116 par. 1]
3. Nemen la ka troa xatuan la ketre atr troa amaman la hni ka keukawa me itre aliene hni ngöne la angeic a cainöj, nge pine nemen matre nyipi ewekë lai? [be g. 119 par. 1-4]
4. Nemen la ka troa xatuan la ketre atr troa amaman la hni ka keukawa me itre aliene hni ngöne la angeic a cainöj? [be g. 120 par. 2-5]
5. Nyipici Maine Thoi: Thaa ka nyipi ewekë kö la troa köja maine troa enijën la ialameke së, maine thaa kolo kö a goeë së hnene la itre atr ka drei së. Qeje pengöne jë. [be g. 121 par. 3]
HNËQA NABA 1
6. Ngacama ngazo la mele i Iosea ekö la angeic a nekönatr, ngo nemen la ka upi angeic troa iën la gojenyi ka loi? (2 A. l. Ite jo. 34:1, 2) [w01 15/4 g. 27 par. 1-6; g. 28 par. 4]
7. Nemen la alien la Ite Edomë 9:7, 8a, nge tune kaa la aqane tro sa trongëne lai ngöne la hna cainöje trootro? [w01 15/5 g. 29 par. 4-5]
8. Nemen la nyine troa trotrohnin ngöne lo Iehova a qaja koi Isaraela ka hape, ‘Thaa tro kö eö a thëthëhmin,’ nge tune kaa la aqane tro sa kuca matre thaa tro kö a thëthëhmin? (Deu. 4:9; 8:11) [be g. 20 par. 1-3]
9. Ame ngöne Salamo 32:1, 5 me ngöne Salamo 51:10, 15, nemen la aqane amaman hnene la itre trenge ewekë ka menyik hna qaja hnei Davita laka, thaa tro kö la ketre atr ka kuca la ketre ngazo ka sis a mekune ka hape ka gufa pala pë hë la mele i angeic, ohea, loi pe tro angeic a ietra cememine la hni ka nyipici? [w01 1/6 g. 30 par. 1-3]
10. Nemen la hne së hna kapa qa ngöne la itre ini hna hamën hnei Paulo ngöne 1 Timoteo 5:3-16, ngöne la troa xatuan la itre atr ka aja ixatua? [w01 15/6 g. 11 par. 1]
E TUSI HMITRÖTR NGÖNE LA WIIK
11. Ame ngöne Ioane 3:3, nemen la hnei Iesu hna mekune ngöne lo nyidrëti a qaja la trenge ewekë celë hna hape, “hna hnahone hmaca”? [w95 1/7 g. 9-10 par. 4-5]
12. Tune kaa la aqane hamëne Iesu la ini hnei nyidrë hna kapa, nge nemen la ini ka nyipi ewekë nyine tro sa xom qa ngön? (Ioane 7:15-18) [w96 1/2 g. 9-10 par. 4-7]
13. Pine nemen matre thaa hna amë kö la Ioane 7:53–8:11 ngöne la xötr ka tru ne la Traduction du monde nouveau ?
14. Ngöne nemen la kola qaja ka hape hnei Iesu hna “traqa hmaca tune lo” nyidrëti elë hnengödrai eë? (Ite Huliwa 1:11) [w90 1/6 g. 11 par. 5]
15. Hna tune kaa matre “thaa acatrei hni la ketre ate troa ce me [itretre dreng],” tune la hna qaja ngöne Ite Huliwa 5:13?