Göi Itre Icasikeu Ne La Huliwa
Koi 10 Maac Me Wiike Cili
Nyima 5
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekun nyine ixatua ngöne la götrane 8, nge troa kuca la ketre iamacany ngöne la aqane troa tro fë la zonal, La Tour de Garde ne 1 Maac, me Réveillez-vous ! ne 8 Maac. Loi e troa ce hamën la lue zonal ngöne la kola isa kuca la lue iamacany, ngacama caasi hi la zonal hna amaman.
15 men: Cilëgöline Jë La Nyipici Ngöne La Hna Ini. Cainöj nge troa ithanatan memine la caas maine lue thöth ka cainöj, nge ka lö hmaca troa ini, nge ka öhne la enyipiewekën la troa tuluth la aqane ce tro i nyidro memine la itre sine ce ini me nyidro ka thaa hmi kö. Nemen la itre ewekë hnei angatr hna hnëkën matre troa cil kowe la itre itupath hna hamën hnene la itre fia hna hnëkën hnei uma ne ini, me itre icasikeu ne la itre sine ini, me kuci elo e tröne la ijine ini, me thiina ka sis? Qaja jë fe la itre mekun ngöne la aqane hnëkën angatr troa cainöj kowe la itre sine ini angatr ngöne la uma ne ini.
20 men: “Catre Jë Së Kuca La Loi!”a (Paragaraf 1-12) Thupene la hna ce ithanatan la paragarafe 6, kuca jë la ketre iamacany, thaa tro kö a aqean, tro la ketre atre cainöj a könën kowe la Drai Ne Amekunën la ketre sinee i angeic, maine atre lapa easenyi angeic, maine sine ini angeic, maine sine huliwa i angeic, troa hamën lo pepa ne ihë. Maine thaa ase kö hamë së la itre pepa ne ihë thatraqan la Drai Ne Amekunën, loi e troa hetrenyi itre ej ngöne la icasikeu thupen.
Nyima 19 me thithi ne nyipun.
Koi 17 Maac Me Wiike Cili
Nyima 34
10 men: Itre ithuemacanyi koi së. E jë la hna ithingë.
15 men: Loi e Troa Inamacan Ngöne La Aqane Iëne Nyipunie La Itre Sine Ce Elo i Nyipunie. Cainöj hna troa kuca hnene la ketre qatre thup, nge hna nyitrepen hnene la Réveillez-vous ! ne 22 Febuare 1997, götrane 13, memine la itre mekun hna xom qa hnine la hna cinyihan atrun hna hape “ Les mauvaises compagnies ” (Itre sine ce elo ka ngazo) ngöne la götrane 192 hnine la itus Comment raisonner. Amamane jë la enyipiewekën la itre trepene meköti kowe la itre thöth memine la itre thupëtresij. Qaja atrune jë la itre manathith hna kapa qa ngöne la hna iën la itre sine ce elo, ene la itre ka hnimi Iehova, nge ka amaman laka angatr a catr troa melën la itre trepene meköti Nyidrë ngöne la mele i angatr.
20 men: “Catre Jë Së Kuca La Loi!”b (Paragaraf 13-26) Troa cile fë hnene la atre thup perezida. Ame la kola ce wang la paragaraf 14, troa kuca la ketre iamacany hnene la ketre qatre thup ka vizitën me xatuan la ketre trejin trahmany ka sine atr, me qejepengön hnyawa kowe la trejin trahmany la aqane tro angeic a akökötren la huliwa ne cainöje i angeic ngöne la hneijine meci Keriso.
Nyima 53 me thithi ne nyipun.
Koi 24 Maac Me Wiike Cili
Nyima 72
10 men: Itre ithuemacanyi koi së. Xome jë la itre mekun nyine ixatua ngöne la götran 8, nge iamacanyine jë la aqane troa tro fë La Tour de Garde ne 15 Maac me Réveillez-vous ! ne 22 Maac.
15 men: Itre ihaji koi së.
20 men: Itretre Anyipici Iehova—Hetre Thangan Ka Lolo Kowe La Nöj. Cainöj, nge troa ce ithanatan. Ame itre xaa ijin ka ijij, tre, kola aijijë së troa qaja atrun la aqane kepe thangan hnene la nöj, la huliwa ne cainöje së memine la tulu hne së hna hamën. Könëne jë la itre atren la icasikeu troa qeje mekun ngöne la itre ewekë celë: (1) Easa inin la itre atr troa melën la itre hna amekötin ka sisitria göi thiina hna hamën hnei Tusi Hmitrötr. (2) Easa ini angatr troa thiina ka meköt me metrötrën la mus hna acil. (3) Easa inin la itre atr troa caas ngacama isa hane ngönetrei kö, maine isa nöje pena, maine isa aqane mele kö. (4) Easa xatuan la itre xan troa lolo la aqane mele i angatr e hnine la fami, ene la troa xatua angatr troa trongën la itre trepene meköt qa hnine la Tusi Hmitrötr. (5) Hne së hna inine fe la itre atr, itre thauzan la etrun, matre tro angatr a atreine e tus me cinyany. (6) Easa catr troa xatuan la itre xan ngöne la itre ijine kola traqa la itre hulö koi angatr. (7) Hne së hna catre isin matre thaa tro kö a hnöth la itre atr troa isa ië hna ajan göi hmi.—Wange ju la itus Prédicateurs, götrane 699.
Nyima 121 me thithi ne nyipun.
Koi 31 Maac Me Wiike Cili
Nyima 130
12 men: Itre ithuemacanyi koi së. Amekunëne jë la nöjei trejin troa hamën la itre rapor ne cainöje i angatr. Qaja jë la itus nyine troa tro fë e treu Eiperem. Ce wange jë la hna cinyihan ka hape “Xome Jë La Itus Adorez Dieu Matre Troa Xomiujin La Itre Etid.” Ce ithanatane jë la itre mekun ka tru ngöne la hna cinyihan hna hape “Itre Nyine Amekunën Göi Drai Ne Amekunën.”
13 men: Itre hna melën ngöne la ekalesia. Sipone jë kowe la ekalesia troa qaja la hnei angatr hna melën ngöne la treu Maac, treu ne angatr a akökötren la huliwa ne cainöje i angatr. Qaja aloine jë la trenge catr hna kuca hnei angatr, nge xatua angatr asë jë troa catr cainöj e ijiji angatr ngöne la treu Eiperem.
20 men: “Iehova La Nyine Troa Nyipi Atrun.”c Amamane jë la enyipiewekën la Drai Ne Amekunën. Amamane jë la aqane tro la nöjei trejin a xatuan la itre xaa atr troa hane sin la drai cili. Qaja jë la nyine troa kuca matre troa wang la itre ka nanazij me ahlëne hmaca la aja thei angatr. Könëne jë la itre atren la icasikeu matre troa qaja, la itre hna melën ka ithuecatr qa ngöne lo Drai Ne Amekunën ne lo macatre hnapan.
Nyima 173 me thithi ne nyipun.
Koi 7 Eiperem Me Wiike Cili
Nyima 191
10 men: Itre ithuemacanyi koi së.
15 men: Troa Thele Mekune Tune Kaa Qa Hnine La Tusi Hmitrötr. Troa ce ithanatan. Tro sa atreine thele mekune tune kaa memine la itre atr ngöne la hna cainöje trootro, matre tro angatr a trotrohnin hnyawa la itre ini hne së hna tro fë? (1) Troa hetrenyi la nyipi atrehmekune qa hnine la Tusi Hmitrötr e hne së hna isa inin pala hi la Tusi Hmitrötr me sine la itre icasikeu. (2) Troa lapa mekune la hnei epuni hna inin, me waipengön la itre nyipici qa ngöne la itre götran ka nyimutre. (3) The xome hmekuje kö la itre mekun ka qejepengön la itre xötr, ngo loi e tro fe a xom la itre kepin ne la itre hna qejepengöne cili qa hnine la Tusi Hmitrötr. (4) Wange ju la aqane tro epuni a qejepengön la Tusi Hmitrötr kowe la nöjei pengöne atr. (5) Wange ju la aqane troa thele ceitun matre troa qejepengön la itre xaa mekun.
20 men: “Hnene La Nyipici Hna Nuamaca Së Tune Kaa.”d Xome jë la itre mekun hna qaja ngöne la hna eköhagen, götrane 6 ne La Tour de Garde ne 1 Okotropa 1998. Könëne jë la itre atren la icasikeu troa qejepengön la aqane nuamacanyi angatr hnene la itre nyipici qa hnine la Wesi Ula i Akötresie.
Nyima 217 me thithi ne nyipun.
[Ithuemacany]
a Thaa tro kö a sasaith la caa menetr ne nyiqaan, nge thupene lai, troa ce ithanatan.
b Thaa tro kö a sasaith la caa menetr ne nyiqaan, nge thupene lai, troa ce ithanatan.
c Thaa tro kö a sasaith la caa menetr ne nyiqaan, nge thupene lai, troa ce ithanatan.
d Thaa tro kö a sasaith la caa menetr ne nyiqaan, nge thupene lai, troa ce ithanatan.