Göi Itre Icasikeu Ne La Huliwa

ITHUEMACANY: Troa hnëkën hnene la Huliwa Ne Baselaia Ia itre Icasikeu Ne La Huliwa thatraqane la itre wiik ngöne lo lai itre ijine kovasio. Troa wang me amekötin hmaca lo porogaram ne Icasikeu Ne La Huliwa hnene la itre ekalesia, pine laka kola troa sin lo kovasio ne distrik, hna hape, “Itretre Catre Cainöjën La Baselaia.” Maine ijij, ngöne la Icasikeu Ne La Huliwa tixenuë qëmeken la kovasio, xome jë la 15 lao menetr matre troa ce wang la itre eamo ka tru hna xom qa hnin la sine trongen la Huliwa Ne Baselaia ne Julai. Ame ngöne la treu Okotropa, troa ce ithanatane hmaca ngöne la ketre ijine Icasikeu Ne La Huliwa, la itre mekune ka tru hna kapa qa ngöne la asabele. Qa ngöne lai, nyipi ewekë tro sa xome la itre mekune ka tru ngöne la ijine asabele, ketre tune mina fe la itre mekun hne së hna ajan troa trongën ngöne la mele së, maine ngöne la hna cainöje trootro. Thupene lai, tro hë së a qejepengön la aqane trongëne së la itre mekune nyine ixatua cili, thupene lo lai asabele. Tro hë së a ithuecatrekeu me acatren la lapaune së, ngöne la easë a ce amexeje hmaca la itre manathith hne së hna kapa qa ngöne la ini ka sisitria hna hamëne koi së.

Koi 12 Ogas Me Wiik Cili

Nyima 76

13 men: Itre Ithuemacanyi koi së. Iëne jë la Itre Hna Amekötiin qa hnin la Huliwa Ne Baselaia. Xome jë la itre mekune nyine ixatua ngöne götrane 8, troa kuca la lue iamacany ngöne la aqane troa tro fë la zonal, La Tour de Garde ne 1 Ogas me Réveillez-vous ! ne 8 Ogas. Isa amamane jë ngöne la lue iamacanyi cili, la lue aqane troa sa kowe la itre atr ka hnyinge koi së ka hape, “Pine nemen matre epuni pala hi a wange la itre atr?” —Wange ju la itus Comment raisonner götrane 20.

20 men: “Loi e Tro Sa Ahnith Amë La Itre Aja Së Ngöne La Ua.”a Ame ngöne la kola ithanatan la paragarafe 5, qaja jë la itre xaa mekun nyine ithuecatr troa pionie lapaa, me troa mesinare, me troa huliwa hnine la Bethela, itre mekune lai ka eje hnine la itus Notre ministère, götrane 114-16.

12 men: Itre ewekë hna melën hnene la itre trejin ngöne la nöj. Sipone jë kowe la ekalesia troa qaja la itre ewekë hna melën hnei angatr, ngöne la angatr a tro fë lo tarak hna hape, Ajane Kö Nyipunie Troa Atre Hnyawa La Tusi Hmitrötr? Hapeu hetre etidi kö hna nyiqaan? Maine hetreny, haawe, qaja jë la aqane xejë lai itre etid, maine pena troa kuca la caas maine lue iamacany. Wange hmaca ju la itre mekun hna eköhagen, hna hape, “Itre Ijin Troa Tro Fë La Tarak” e hnine lo Huliwa Ne Baselaia ne Diseba 2001, götrane 4.

Nyima 123 me thith ne nyipun.

Koi 19 Ogas Me Wiik Cili

Nyima 182

12 men: Itre Ithuemacanyi koi së. Troa cile fë la hna ithingë. Ithanatane jë la “Porogaram Ka Hnyipixe Ne La Asabele Ka Ketre Pengön Ka Caa Drain.” Ithuemacanyine jë la drai ne asabele ka troa xulu, nge xatuane asë jë la itre trejin troa canga traqa, me troa drenge la porogaram. Xatuane jë la itretre cainöj troa hën la ka xötrei atre la nyipici, memine la itre hnainin.

15 men: Nemen La Ka Sewe Angatr Troa Ce Ithanatan Me Easë La Itre Hnei Angatr Hna Mejiune Kow? Troa ce ithanatan, nge troa kuca la ketre iamacany. Ame ngöne la hna cainöje trootro, hne së pala hi hna iöhnyi memine la itre atr ka cile hnö troa hane qaja la itre ini hnei angatr hna kapa. Celë hi ketre jole lai ka troa sewe së troa ce thawa me angatr la maca ne la Baselaia. Maine tro sa atrehmekun la kepin matre kola cile hnö la ketre atr, haawe, tro lai a xatua së troa thele la aqane tro sa nyiqaane ithanata matre troa ajan troa porotrik me easë hnene la itre atr. Ithanatane jë la aqane tro sa iën la itre aqane nyiqaane ithanata, ngöne la easë a cainöj kowe la itre atr ka isa pengöne aqane ujë: (1) Itre ka pëkö caa hni ne ajan kowe la hmi, goi kowe fe la sipu hmi i angatr. (2) Itre ka fedre catr kowe la itre hmi ne la hnepe lapa i angatr me itre xötrapane i angatr. (3) Itre ka nango cil troa qaja la itre ini hnei angatr hna mejiune kow, pine laka, thatre hnyawa kö angatr la Tusi Hmitrötr. (4) Itre atr ka qaja angazo së pine laka angatr a hane dreng la itre trenga thoi ka iamenu, a hna qaja hnene la itre ka icilekeu me easë. Cinyihane wengëne jë la itre aqane ujë ne la itre atr ngöne la nöje së, itre aqane ujë hne së hna majemine öhne thene la itre atr. Kuca jë fe la ketre iamacany, me amaman la aqane troa eatrongën lai atr matre troa hane ithanatan la itre mekun qa hnine la Tusi Hmitrötr.

18 men: “Mele Nyipici Jë Ngöne La Kola Upetrij La Ketre Sinee Së.”b (Paragaraf 1-8) Troa kuca hnene la ketre qatre thup ka maca troa ini, nge troa xome la itre hnying hna hamën. Troa e la itre paragarafe asë, hnene la ketre trejin ka atreine e tusi hnyawa.

Nyima 136 me thith ne nyipun.

Koi 26 Ogas Me Wiik Cili

Nyima 189

10 men: Itre Ithuemacanyi koi së. Troa xome la itre mekun nyine ixatua ngöne la götrane 8, nge troa iamacanyin hnene la ketre pionie lapaa maine ketre pionie ka ixatua, la aqane troa tro fë la zonal, La Tour de Garde ne 15 Ogas, nge thupene lai, tro la ketre trejin a amaman la aqane troa tro fë la Réveillez-vous ! ne 22 Ogas. Xatuane jë la itretre cainöje asë troa xome la caa xötr ne la Tusi Hmitrötr, ngöne la nöjei angatr a troa ithanata memine la itre atr.

17 men: “Loi e Tro Sa Itre Ka Ithuemacany!”* Ame la kola nyipun, xatuane jë la itretre cainöj troa wange hmaca la meken hna hape, “Nemen La Aqane Troa Aloin La Aqane tro Sa Atreine Ithanata” hnine la itus, Tirez profit de l’École du ministère théocratique, götranes 62-5.

18 men: “Mele Nyipici Jë Ngöne La Kola Upetrij La Ketre Sinee Së.”c (Paragaraf 9- 14) Troa kuca hnene la ketre qatre thup ka maca troa ini, troa xome la itre hnying hna hamën. Troa e la itre paragarafe asë hnene la ketre trejin ka atreine e tusi hnyawa.

Nyima 125 me thith ne nyipun.

Koi 2 Semitrepa Me Wiik Cili

Nyima 84

10 men: Itre Ithuemacanyi koi së. Amekunëne jë la itretre cainöj troa hamën la itre rapor ne cainöj ne la treu Ogas. Troa qaja atrune la itre hnepe mekun qa ngöne la hna cinyihan hna hape, “Ce e Jë Memine La Itre Nekö i Epun Ka Co,” ngöne zonal, La Tour de Garde ne 1 Mei 1999, götrane 25.

20 men: Hnëkë Jë Qëmekene Troa Tro. Troa ce ithanatan, nge troa iamacanyin. Troa hetre thangan ka loi la huliwa ne cainöje së, e hne së hna hnëkë hnyawa. Qa ngöne lai, loi e tro sa canga: (1) Xom la itre itus hne së hna ajan troa tro fë. (2) Loi e tro pala hi a hetrenyi the së la itre pepa ne xomi not, me peen. (3) Maine pëkö loto së, loi e tro sa thele aqane tro sa tro kowe la itre atr hne së hna troa wang. (4) Troa mekune fe la itre vizit hne së hna mekun troa wang. (5) Hnëkëne jë la nyine tro epuni a qaja. Maine easë la ka troa xomiujin la icasikeu thatraqane la huliwa ne cainöj, loi e troa ijij la etrun la teritoar. Troa ce ithanatan memine la ekalesia la luetre maine köni aqane troa tro fë la itus Création, ngöne la ijine kola cainöj e Semitrepa. Troa kuca la caasi ngöne la itre iamacany, nge xome jë fe la ketre xötr ne la Tusi Hmitrötr ngöne la kola ithanata. —Wange ju la itre mekun nyine ixatua hnine la Huliwa Ne Baselaia ne Semitrepa 1996, götrane 8, me Juun 1995, götrane 4.

15 men: Itre ihaji koi së. Maine sipone jë kowe la ekalesia troa qaja la itre ewekë hnei angatr hna melën ngöne la kola cainöj ngöne la nöjei ijin, maine jë ngöne la kola qaja la maca ka loi kowe la itre atr ngöne la hna xeen la itre loto, ngöne hna treqe kar, ngöne itre park, ngöne itre magazë ka tru, me ngöne la hnë acili kamio, me ngöne la itre xaa götrane gaa tru atr. Kuca jë la caas maine lue iamacany.

Nyima 99 me thith ne nyipun.

[Ithuemacany]