Göi Itre Icasikeu Ne La Huliwa

Koi 8 Julai Me Wiik Cili

Nyima 201

15 men: Itre Ithuemacany koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekune nyine ixatua hna hamën ngöne la götrane 6, nge troa kuca la lue iamacany ngöne la aqane troa tro fë la zonal, La Tour de Garde ne 15 Julai, memine la Réveillez-vous ! ne 22 Julai. Ngöne lai isa iamacany hna troa kuca, amamane jë la ketre aqane troa sa la itre mekun ka iajolë, kola hape, “Itre keresiano fe hë huni la.”—Wange ju la itus, Comment raisonner, götrane 19.

10 men: Kola Sa La Itre Hnyinge i Nyipunie. Cainöj ne la ketre qatre thup, kola hamën la itre mekun me wang la aqane troa trongën itre ej ngöne la nöj.

20 men: Hnëkë Hnyawa Jë Së Troa Cainöj Ngöne La Nöjei Ijin. Troa ce ithanatan la itre mekun qa hnine la itus Notre ministère, götrane 93-4. Xome jë la itre mekune nyine ixatua ngöne la pane götrane ne la sine ce trone la Huliwa Ne Baselaia ne Januare 2002, nge kuca la luetre maine köni iamacany, ngöne la aqane troa cainöj ngöne la nöjei ijin, kowe la ketre trehnyiwa, me ketre atr ka lapa ezi së, maine ketre sinee së, maine ketre atr hne së hna atre.

Nyima 139 me thith ne nyipun.

Koi 15 Julai Me Wiik Cili

Nyima 144

10 men: Itre Ithuemacany koi së. Kola cile fë la hna ithingë.

15 men: Itre ihaji koi së.

20 men: Itre Nyipi Kepin Ka Upi Së Troa Huliwan La Tusi Hmitrötr Ngöne La Hna Cainöj. Cainöj nge troa ce ithanatan. Atre hi Iesu la itre xötre ne la Tusi Hmitrötr, nge nyidrëti a xome pala hi itre ej ngöne la nyidrëti a inine la itre atr. (Luka 24:27, 44-47) Thaa sipu mekuna i nyidrëti kö la itre ini hnei nyidrëti hna hamën. (Ioane 7:16-18) Nyipi ewekë mina fe tro së a xome la Wesi Ula i Akötresie. Tru catre kö la emenen ej, hune la itre hne së hna troa qaja. (Ioane 12:49, 50; Heb. 4:12) Kola xatuan la itre atr ka menyik me e angatr hnene la itre keukawa memine la mejiun hna kapa qa ngöne la itre xötre ne la Tusi Hmitrötr. Loi e tro pala hi së mekun troa e la caa xötre ne la Tusi Hmitrötr, ngöne la nöjei ijin easë a ithanata memine la ketre atr. Amamane jë laka, hna amë fe e hnine lo itre aqane nyiqaane ithanata hna hnëkën thatraqane la treu, la itre xötre ne la Tusi Hmitrötre cili. Sipone Jë kowe la itre atren la icasikeu troa qaja la aqane kuca angatr matre troa xome la Tusi Hmitrötr ngöne la hna cainöje trootro, memine la thangan lai thei angatr, me thene la itre atr hnei angatr hna cainöje kow.

Nyima 215 me thith ne nyipun.

Koi 22 Julai Me Wiik Cili

Nyima 47

12 men: Itre Ithuemacany koi së. Kola ce cainöj hnene la keme maine thin memine la nekö i angeic, nyidroti a iamacanyin la aqane troa xom la itre mekun nyine ixatua ngöne la götrane 4 matre troa hamën la itre zonal ne 1 Ogas, me 8 Ogas. Troa tro fë hnei ketre la zonal, La Tour de Garde, nge Réveillez-vous ! hnei ketre. Xatuane jë la itre keme me thin matre tro angatr a inin trongën la itre nekö i angatr troa cainöje trootro.

18 men: “Ketre Aqane Iakeukawany.” Cainöj. Ithuecatre jë göi troa hane sin la kovasio ne distrik. Xatuane jë la itre trejin troa sin la itre ijine icasikeu asë, qaan e hmakanyi ne drai ka tru uti hë e sabathi hnaipajö.

15 men: Atreine Itrotrohni—Kii Ne La Hni Ka Menyik Memine La Utipin. Cainöj hna troa kuca hnene la ketre qatre thup ngöne la zonal, La Tour de Garde ne 15 Eiprem 2002 götrane 24-27.

Nyima 61 me thith ne nyipun.

Koi 29 Julai Me Wiik Cili

Nyima 54

10 men: Itre Ithuemacany koi së. Amekunëne ju la itre trejin göi rapor ne hna cainöj ne treu Julai.

10 men: “Porogaram Ne Asabele Ne Sirkoskripsio Ka Hnyipixe.” Cainöj. Ithuemacanyine jë la ijine asabele ne sirkoskripsio. Xatuane asë jë la itre trejin troa sin la asabele, me drenge hnyawa la porogaram. Xatuane jë fe la itretre cainöj hna thaa bapataisone petre kö, troa mekune hnyawa, maine ijiji angatre jë fe hë troa hane xome la bapataiso. Thele jë troa hane könën la itre hnainin troa hane sin lai asabele.

25 men: “Loi e Tro Asë Hi Së a Caas.”a Ame ngöne la kola ithanatan la paragaraf 3, hamëne ju fe la itre mekun hna xom qa hnine la zonal, Réveillez-vous ! ne 22 Eiperem 2000, götrane 9-10. Ame ngöne paragaraf 4, xome jë la itre mekun qa hnine la zonal, La Tour de Garde ne 1 Eiperem 1995 götrane 16-17, paragaraf 4-6.

Nyima 81 me thith ne nyipun.

Koi 5 Ogas Me Wiik Cili

Nyima 38

12 men: Itre Ithuemacany koi së. Qaja jë la ketre hna amekötin göi cainöj e 15 Ogas.

18 men:“Loi e Tro Së a Aejën La Itre Aja Së Ngöne La Ua.” Cainöj, nge troa ce ithanatan. Troa wang la itre kepin matre loi e tro asë hi së a wangatrun la porogaram ne kovasio. Amamane jë la enyipiewekëne la troa trongën la hne së hna inin, ngo thaa tro hmekuje kö a dreng ju hi. Tro sa ce wange fe la ithuemacany ngöne la hna hnëkën göi Icasikeu Ne La Huliwa ne treu Okotropa, ngöne la kola troa ce wange hmaca la itre mekune ka tru ne la kovasio ne distrik. Xatuane asë jë la itre trejin troa xomi not. Sipone jë kowe la itre trejin troa qaja la itre thangane ka loi hnei angatr hna kapa qa ngöne lo porogaram ne lo macatre hnapan.

15 men: “Loi e Troa Metrötr La Aqane Troa Heetr Me Isej.”b Troa kuca hnene la ketre qatre thup, nge tro nyidrëti a e la itre paragaraf thupene la hna isa ithanatane itre ej. Xatuane asë jë la itre trejin, matre tro angatr a wangatrun la enyipiewekëne e troa metrötr ngöne la aqane tro sa heetr, me isej, me ujë ngöne la itre götran gaa tru atr.

Nyima 184 me thith ne nyipun.

[Ithuemacany]