Göi Itre Icasikeu Ne La Huliwa

Koi 13 Mei Me Wiik Cili

Nyima 37

12 men: Itre ithuemacany koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekun nyine ixatua ngöne la götrane 8, me kuca la itre iamacany ngöne la aqane troa tro fë la zonal, La Tour de Garde ne 15 Mei, me Réveillez-vous ! ne 22 Mei. Amamane jë ngöne la lue iamacany cili, la ketre aqane troa sa la ketre mekun hna hape, “Tru catr hnei jolenge la.”—Wange ju la itus, Comment raisonner, götrane 19-20. Ithuemacanyi jë göi troa cainöj e 20 Mei.

18 men: Itre Thöth—Loi e Tro Epuni a Atreine Waiewekë Ngöne La Kola Ami Trepen La Ini Epun. Kola troa ithanata hnene la ketre qatre thup kowe la itre keme me thin memin la itre nekö i angatre thöth, ngöne la ketre ini nyine troa hamën matre troa nyixan la ini hnei angatr hna kapa. Kola xomiujin la porotrik hnene la qatre thup, me ithanatan la zonal, La Tour de Garde ne 1 Semitrepa 1999 götrane 16-17, §§ 11-13, me amamane hnyawa la itre kepin matre nyipi ewekë troa amë panën la huliwa ne cainöj ngöne la drai ka pexej ne huliwa ne cainöj, ngöne la itre ewekë hnei angatr hna mekun troa amë panën. (La Tour de Garde ne 1 Diseba 1996, götrane 18-19, §§ 13-15) Thupene lai tro la gurup a ce wange hmaca la eamo hna hamën hnine la Réveillez-vous ! ne 8 Maac 1998, götrane 20-1, me amaman la enyipiewekën la troa hetrenyi la atreine waiewekë ngöne la troa waipengön la itre manathith, memin la itre hnepe ejolen la troa nyixan la ini; ketre, troa ami ifegone ej, matre tro hi a xom la ka ijij troa xatua së troa eatrën la itre hnëqa së thatraqan la mel, nge hetre ijine së kö troa xome pala hi la huliwa ne cainöje së. Ka caasi asë hi angatr troa xötrethenge la itre eamo hna hamën hnei Iesu, ene la troa amë panën la itre ewekë ne la Baselaia.—Mat. 6:33.

15 men: Itre ihaji koi së.

Nyima 115 me thith ne nyipun.

Koi 20 Mei Me Wiik Cili

Nyima 13

15 men: Itre ithuemacany koi së. Troa cile fë la hna ithingë. Kola Sa La Itre Hnyinge i Nyipunie.

15 men: Troa Kepe Thangan Tune Kaa La Annuaire? Cainöj, nge troa ce ithanatan. Ame la hnapan, amamane hnyawa jë la itre mekune ka tru ngöne la “Tusi Qathei Collège Central” ngöne götrane 3-5. Thupene lai, sipone jë kowe la itre atren la icasikeu troa qaja la itre xaa hna melën hnene la itre trejin ngöne la Annuaire, a ka troa ithuecatr me acatren la lapaune së. Xatuane asë jë la itre trejin troa e asë la Annuaire, me xom ej matre troa ce ithanatan memin la itre hnainin, matre majemi angatr kowe la organizasio i Iehova.

15 men: Ka Macaj La Atr Atreine Atrehmekun La Itre Trepene Meköt. Cainöj ne la ketre qatre thup, hna troa nyitrepen hnene la zonal, La Tour de Garde ne 15 Okotropa 1997, götrane 28-30.

Nyima 169 me thith ne nyipun.

Koi 27 Mei Me Wiik Cili

Nyima 208

12 men: Itre ithuemacany koi së. Amekunëne jë la itretre cainöj troa hamën la itre rapor ne hna cainöj ngöne la treu Mei. Xome jë la itre mekun nyine ixatua ngöne la götrane 8, nge tro la ketre trejin ka qatre hë a iamacanyin la aqane troa tro fë la zonal, La Tour de Garde ne 1 Juun, nge tro la ketre trejine thöth a amaman la aqane troa tro fë la Réveillez-vous ! ne 8 Juun. Thupen la ketre iamacany, ithanatane ju la hna kuca ka hmaloi, matre ijij troa xom la ketre xötr ngöne lai aqane nyiqaane ithanata cili.

15 men: “Hapeu Ka Tru La Teritoar Ne La Ekalesia i Epun?” Cainöj hna troa kuca hnene la atre thupën la huliwa ne cainöj, nge troa ce ithanatan. (Ame la itre ekalesia ka öhne laka co hi la itre teritoare i angatr, tro angatr a wange hmaca la hna cinyihan hna hape, “Loi e Tro Së a Huliwane Hnyawa La Traeme Së,” ngöne la Huliwa Ne Baselaia ne Juun 1999.) Amamane jë la etrun la teritoar ne la ekalesia, nge ijetre la etrun la hna kuca ngöne la macatre ka ase hë. Qejepengöne jë la aqane troa trongën ngöne la nöje së, la itre mekun nyine ixatua hna hamën. Wange hmaca ju la itre teritoar hna hnëkën thatraqan la itre götran thaa hna majemine cainöje kö ngön, matre troa hane kuca itre ej ngöne la itre drai ka calemi.

18 men: “Hane Kö Epuni Xom La Boroshür Thele Troa Nyiqaane Ini Tus?” (Loi e tro asë hi së a xome lo sinecetron la Huliwa Ne Baselaia ne Januare 2002, matre troa ce ithanatan.) Tro la ketre trejin ka hnëkë hnyawa a amacan la aqane troa nyiqaan la ketre etid, me xom la ceitun ngöne la paragaraf 3. Thupene lai, qaja jë la itre mekun ka tru ne la boroshür, me qejepengön la eloine ej göi troa nyiqaane la itre etid. Amamane jë la enyipiewekën la troa wange hmaca la itre aqane nyiqaane ithanata nyine ixatua hna hamën ngöne la sinecetron la Huliwa Ne Baselaia ne Januare 2002. Sipone jë kowe la itre atren la icasikeu troa qaja la itre mekun nyine ixatua hnei angatr hna öhn ka hetre thangan ka loi koi angatr. Nyipune ju, me amexeje hmaca caha iamacany.

Nyima 93 me thith ne nyipun.

Koi 3 Juun Me Wiik Cilli

Nyima 178

15 men: Itre ithuemacany koi së. Wange ju matre tro la itre trejin a qaja la itre manathith hnei angatr hna kapa qa ngöne la hnei angatr hna pionie ka ixatua me pionie lapaa, ngöne la treu Maac me Eiperem, maine Mei.

15 men: Nemen La Aqane Xome Hnene La Itus Comment raisonner La Itre Xaa Tusi Hmitrötr. Cainöj ka thaa qea menu kö, nge troa ce ithanatan. E jë la itus Comment raisonner, ngöne paragaraf 2, götrane 8, nge qaja ju la kepin memine la aqane troa xom la Tusi Hmitrötr ngöne la hne së hna cainöj. Amamane jë la ëjen la itre tusi ne la Tusi Hmitrötr, hna ahopatren, ngöne la götrane 6, me qaja la kepin matre easë a xom la itre xötr ngöne la itre xaa Tusi Hmitrötr. Ithanatane jë la itre ewekë hna amekunë së hna amaman ngöne la zonal, Tour de Garde ne 1 Okotropa 1997, götrane 16, paragaraf 2, me götrane 20, paragaraf 15. Xome jë la itre topik hna hape, “ Succession apostolique ” (Hna i itre Aposetolo), “ Images ” (iatr), me “ Trinité ” (Tirinite) hnine la itus Comment raisonner, sipone jë kowe la itre atren la icasikeu troa amaman la aqane isa ujën la itre hnëewekë hnene la itre Tusi Hmitrötr, matre troa xatua së troa inin hnyawa la nyipici.

15 men: “Lapaun a Upi Së Troa Kuca La Itre Huliwa Ka Loi.”a Ame ngöne la kola wang la paragaraf 2, pane ithanata ju memine la ketre trejin ka catre cainöj. Tro la ketre trejin a amaman la aqane acatren la lapaune i angeic, hnene la hna cainöj koi itre xan.

Nyima 56 me thith ne nyipun.

[Ithuemacany]