Göi Itre Icasikeu Ne La Huliwa

Koi 11 Maac Me Wiik Cili

Nyima 2

10 men: Itre ithuemacany koi së. Iëne jë la Itre Hna Amekötiin qa hnine la Huliwa Ne Baselaia.

15 men: Tune Kaa La Aqane Tro Ni a Kuca Matre Tro Ni a Huliwa Hnyawa Ngöne La Hna Ini? Tro la ketre qatre thup me föe i angeic, maine ketre drikona me föe i angeic a ithanata memine la nekö i nyidro ka co nge ka ini hë. Kola hnehengazo hnei nyidro, pine laka thaa kuca kö nyën la itre qa i nyën hna hamën hnei ka ini nyën. Angatr a ce goeën hmaca la itre eamo hna hamën ngöne la itus Les jeunes s’interrogent, mekene 18, me ce ithanatan la itre hna ajan hnene la nekönatr matre troa ini hnyawa. Tro la kem me thin a amaman hnyawa la enyipi ewekën troa hetreny la trepen ka loi ngöne la hna ini, matre troa huliwan hnyawa ej ngöne la huliwa ne cainöj.

20 men: “Loi e Tro Sa ‘Mana Ngöne La Nöjei Huliwa Ka Loi.’ ”a Troa kuca hnene la atre thupën la huliwa ne cainöj. Ithuecatre jë kowe la itre trejine asë troa catre xom la huliwa ne cainöj matre troa hnëkë kowe la Drai Ne Amekunën e 28 Maac. Ithanatane jë la aqane troa huliwan hnyawa la itre pepa ne ihë. Sipone jë kowe la itretre cainöj troa qaja la aqane kuca hnei angatr matre hane sin hnene la itre sinee i angatr, me itre ka lapa ezin, me itre hnainin, me itre xane ju kö ka ajan, lo Drai Ne Amekunën ne la macatre ka ase hë me hane qaja la madrin hna kapa qa ngöne lai. Xatuane asë jë la itre trejin ka ijij troa xom la huliwa ne pionie ka ixatua e Eiperem, me upi angatre troa nyialien la pepa ne sipo thupen la icasikeu.

Nyima 82 me thith ne nyipun.

Koi 18 Maac Me Wiik Cili

Nyima 7

15 men: Itre ithuemacany koi së. Troa cile fë la hna ithingë. Ce ithanatane jë la “Itre Nyine Amekunën Göi Drai Ne Amekunën.” Xatuane asë jë la itre trejin troa trongën la porogaram ne e Tusi Hmitrötr thatraqan la Drai Ne Amekunën hna athip koi 23 uti hë 28 Maac, tune la hna amekötine hë hnine la topik ne la drai, Examinons les Écritures chaque jour—2002. Xome jë la itre mekun nyine ixatua ngöne la götrane 8, kuca jë la lue iamacany ngöne la aqane troa tro fë la zonal, La Tour de Garde ne 15 Maac, me Réveillez-vous ! ne 22 Maac. Isa amamane jë ngöne lue ej, la isa aqane troa sa thenge la hnying hna hape, “Thaa ajange kö.”—Wange ju la itus, Comment raisonner, götrane 16.

12 men: Catre Pi Së Itre Keresiano Troa Kötren La Fen. Cainöj hna troa kuca hnene la ketre qatre thup ka maca. Kola hlemu catr enehila la hnimi nöj ngöne la itre hna ini, me ngöne la hna huliwa, me thene la itre atr ka lapa ezi së. Ame kowe la itre xaa ka sajuën la aqane mel cili, tre, aqane angatre lai a thel troa cil kowe la itre ewekë ka ngazo me itre jol ka traqa nge hna xouen ngöne la nöj. Ngacama easë fe a akötr hnene la itre ewekë ka ngazo ka traqa ngöne la fen hnengödrai, easë a trotrohnin la mekune ka sisitria, ene a musi ka tru i Akötresie, nge hna akeukawanyi së hnene la maca ne Baselaia. Ame ngöne la easë a qejepengöne hnyawa kowe la itre xan la kepin matre thaa easë kö a hane kuca la itre huliwa ka sajuën la isi pi nöj, loi e tro fe së a hane ce thawa memin la atr la keukawa memin la mejiun qa hnin la Wesi Ula i Akötresie. Maine tro së a xötrethenge la tulu i Iesu, haawe, tro hë së a kötren la kuci polotik, me itre ewekë ka azikozikone la aqane mele ne la itre atren la nöj. Ngo tune kaa la aqane tro sa kötren la fen, ngöne la hne së hna huliwa? Xome jë la hna cinyihan hna hape, Kola Sa La Itre Hnyinge i Nyipunie ngöne la Huliwa Ne Baselaia ne Semitrepa 1975, götrane 8. Qaja atrune jë la enyipiewekën la troa thili hmekuje koi Iehova, me troa metrötrën la nöjei atr asë memine fe la itre musi ne fen.

18 men: “Loi e Caasi Së Me Madrin Ceme Iehova Memin La Hupuna i Nyidrë.” Cainöj ka ithuecatr hna troa kuca hnene la ketre qatre thup, nge hna nyitrepen hnene la Tusi Hmitrötr. Xatuane jë la itre trejin asë troa catre hën la itre atr ka ala nyim qaan enehila uti hë e 28 Maac, matre troa hane ce sin me easë la Drai Ne Amekunën.

Nyima 45 me thith ne nyipun.

Koi 25 Maac Me Wiik Cili

Nyima 12

14 men: Itre ithuemacany koi së. Qaja jë ka hape, ijije petre kö troa saen troa hane pionie ka ixatua e Eiperem. Ithuemacanyi jë göi troa cainöj e 1 eiperem.

15 men: Xome Jë La Itus Comment raisonner, Matre Troa Hamë Ixatua. Troa ce ithanatan. Easë asë hi a aja ixatua ngöne la itre xaa drai. Qa ngöne lai, loi e tro asë hi së a ajan troa “hajin” la itre xan, ene mina fe lo itre ka akötr hne së hna iöhnyi memin ngöne la hna cainöje trootro. (1 Thes. 5:14) Ame ngöne la easë a xom la itus Comment raisonner, sipone jë la itre atren la icasikeu troa qaja la itre xötr ne la Tusi Hmitrötr nyine ixatua, hnei angatr hna xom matre troa hamën kowe la ketre atr ka cil kowe la ketre jol hna qaja hnine la itus ngöne götran 117-21. Tupathe jë troa xatuan la itre atr ngöne la angatr a qëmek kowe la itre jol.—Gal. 6:10.

16 men: Itre ihaji koi së.

Nyima 131 me thith ne nyipun.

Koi 1 Eiperem Me Wiik Cili

Nyima 27

7 men: Itre ithuemacany koi së. Amekunëne jë la itre trejin troa hamën la itre rapor ne treu Maac.

18 men: “Itre Atr Nyine Ahnahna” Angetre Thupën Hnyawa La Hna Axö Mamoe i Akötresie.” Cainöj hna troa kuca hnene la ketre qatre thup, hna nyitrepen hnene la sinecetron la Huliwa Ne Baselaia. Ithanatane jë la itre xötr hna hamën. Amamane jë la itre eloin la hna wange hmaca la itre trejin ka thaa cainöje hmaca kö, memin la aqane xatuan la itre ka wezipo troa kuca la hnei angatr hna atrein. Kola amaman hnene la itre qatre thup ka ihnim la madrine i angatr kowe la aqane catre huliwa ne la itre trejin ngöne la huliwa i Iehova.

20 men: “Loi e Kökötr La Madrine Së Troa Cainöj.”b Ame ngöne la kola ithanatan la paragaraf 5, sipone jë kowe la itre trejin troa hamën la itre mekun nyine ixatua ngöne la aqane troa kuca hnyawa la huliwa ne cainöj ngöne la teritoare së. Ame ngöne la kola xom la itre mekun nyine ixatua ne la götran 8, kuca jë la caas maine lue iamacanyi ngöne la aqan tro sa ketre sipu thel troa cainöj kowe la ketre atr. Kola tro fë hnene la ketre qatre thup la zonal, La Tour de Garde ne 1 Eiperem, nge tro la ketre thöth a amaman la aqane troa tro fë la Réveillez-vous ! ne 8 Eiperem. Thupene la ketre iamacany hna kuca, amamane hnyawa jë la itre eloin la aqane tro fë hnyawa la zonal. Xatuane jë la trejin troa thele ijin troa cainöj ngöne la wiik celë.

Nyima 15 me thith ne nyipun.

[Ithuemacany]