Göi Itre Icasikeu Ne La Huliwa

Koi 10 Diseba Me Wiik Cili

Nyima 205

10 men: Itre ithuemacany koi së. Iëne jë la Itre Hna Amekötiin qa hnin la Huliwa Ne Baselaia. Loi e tro asë hi së a goeën la video, Jusqu’aux extrémités de la terre matre troa hnëkën la icasikeu ne la Icasikeu Ne La Huliwa ne 24 Diseba.

15 men: Itre ihaji koi së.

20 men: “Itre Manathith Hna Kapa Qa Ngön La Ole Së Kowe La Ihnimi Iehova—Götran 2.” Ame ngöne la kola ithanatan la itre paragaraf 2 koi 6, sipone jë kowe la ekalesia troa qaja la itre xaa hnepe aqane tro xom hnyawa angatr la huliwa ne cainöj, ngöne la kola hamën la itre trenge ewekë nyine iakeukawany, me hamë mejiun kowe la itre atr ka hleuhleu, maine hna akötrën pena hnene la ketre hulö, tune la itre sa maine itre ewekë ka tune lai, memin la itre ethan itre ej kowe la mel. Tupathe jë troa canga wang la caas maine luetre.

Nyima 222 me thith ne nyipun.

Koi 17 Diseba Me Wiik Cili

Nyima 211

10 men: Itre ithuemacany koi së. Troa e la hna ithingë. Ami trepene jë la cainöj hna troa kuca e 25 Diseba me 1 Januare. Xome jë la itre mekun nyine ixatua ngöne la g. 8, iamacanyine jë la aqane troa tro fë la zonal (1) La Tour de Garde ne 15 Diseba me (2) Réveillez -vous ! ne 22 Diseba.

20 men: “Loi e Troa Atreine Thawa Hnyawa La Wesi Ula i Akötresie.”a Kuca jë la ketre iamacany ka lolo hna hneatrepen ngöne la paragaraf 4. Iamacanyine jë la ketre aqane nyiqaan ithanata hna majemine xome ngöne la nöj, matre troa xatuan maine aupun la itre atr hna akötrën hnene la itre ejolen la fen. Sipone jë kowe la itre atren la icasikeu troa hamë mekun ngöne la kepin matre angatr a mekun laka, ka hetre thangane catre kö la troa eë la Tusi Hmitrötr ngöne la kola cainöj trootro.

15 men: ‘Hetrenyi Thei Nyipunie La Sipu Tusi Hmitrötre i Nyipunie.’ Troa ce ithanatan xötreith la itre mekun ka eje hnin la itus Comment raisonner, g. 411. Maine kola nango sixel la itre atr troa drei së qa ngöne laka easë a xome la Traduction du monde nouveau, haawe, nemen la nyine tro së a qaja? Canga ce wange jë memin la itretre cainöj, matre tro angatr a ketre isa kuca la hnei angatr hna atrein troa qaja me sa thenge la itre hnying.

Nyima 225 me thith ne nyipun.

Koi 24 Diseba Me Wiik Cili

Nyima 218

8 men: Itre ithuemacany koi së. Cile fë jë la itus hna troa tro fë ngöne la treu Januare me hane qaja la itre itus hna hetreny e hnin la ekalesia.

12 men: “Ini Ne Cainöj Trootro Qaathei Akötresie Göi Macatre 2002.” Cainöj hna troa cile fë hnene la atre thupën la Ini. Xatuane jë la itre trejin asë troa kuca pala hi la itre xötreqa hna athipe koi angatr.

25 men: “Anyipicine Jë—Uti Hë La Can La Fene Hnengödrai.” Troa ce ithanatan. Xatuane jë la itre trejin asë troa mekune hnyawa la aqane tro angatr a thele troa tro fë la maca ka loi kowe la itre atr, ngöne la nöj, maine ngöne pena la ketre götran gaa hetre aja ixatua. Wange ju la Huliwa Ne Baselaia ne Julai 2001, g. 4. Ame ngöne la treu Febuare, tro sa ce wange hmaca la video hna hape, Noé : il marchait avec Dieu.

Nyima 24 me thith ne nyipun.

Koi 31 Diseba Me Wiik Cili

Nyima 140

10 men: Itre ithuemacany koi së. Amekunëne jë la itre trejin troa hamën la itre rapor ne Diseba. Maine kola troa saze drai me hawa ne icasikeu la ekalesia i epun, xatuane jë cememin la hni ka menyik la itre trejin matre troa sine pala hi la itre icasikeu ngöne la hawa hna hnyipi sa. Loi e troa xecie hnyawa koi së laka, atre asë hi la itre atr la itre hawa cili, ene la itre ka hetre hni ne ajan, memin la itre xan ka thaa cainöj hmaca kö.

15 men: Metrötrëne Jë La Itre Qatre Thup Pine La Hnëqa i Angatr. Troa ithanatan hnene la luetre maine köni drikona la zonal, La Tour de Garde ne 1 Juun 1999, g. 18-19. Angatr a ce ithanatan la itre hnëqa ka nyimutre hna xom hnene la itre qatre thup, tun la troa huliwa i maseta, itre hnëqa e hnin la fami, memin la itre qa qaathei Akötresie. Wange ju la itre aqane tro së a hane xatua angatr, me hane ahmaloeën la ehnefe i angatr, me xötrethenge pala hi la itre hnei angatr hna amekötin. Caasi hi la mekun ne la itre hlue i Akötresie laka, lolo catr la aqane xom hnene la itre qatre thup la hnëqa i angatr, nge loi e troa wangatruny angatr me “anyipi ewekën’ ataqate.”—1 Thes. 5:12, 13.

20 men: “Hetre Jiane Huliwa Së Ka Hnyipixe Thatraqan La Itre Etid!” Troa ce ithanatan memin la atre thupën la huliwa ne cainöj. Loi e troa hamën kowe la nöjei atren la icasikeu la caa tarak ka hnyipixe, hna hape, Aimeriez-vous en savoir plus sur la Bible ? Hamëne jë fe la itre iamacany qa ngöne la lue aqane troa tro fë cainöj hna hnëkën hnyawa, nge troa xom la itre mekun nyine ixatua qa hnine la itre mekun hna eköhagen hna hape, “Troa Qeje Nemen Gön La Itre Zonal.” Kola amaman hnene la ketre trejin la zonal, La Tour de Garde ne 1 Januare, nge tro ketre a xom la Réveillez-vous ! ne 8 Januare. Ngöne la lue iamacanyi cili, kola nyipun hnene la trejin, me liin la tarak, Aimeriez -vous en savoir plus sur la Bible ? kowe lai atr—kowe la ketre atr ka thaa kapa kö la zonal me kowe la ketre ka kapa. Xatuane jë la itre trejin asë troa hamën la tarak ka hnyipixe kowe la nöjei atr asë hna troa cainöje kow.

Nyima 219 me thith ne nyipun.

Koi 7 Januare Me Wiik Cili

Nyima 20

10 men: Itre ithuemacany koi së.

20 men: Thele Loi Jë Thatraqan La Mele i Nyipunie. Tro la itre atren la fami a ce ithanatan la itre mekun ngöne la zonal, La Tour de Garde ne 15 Ogas 1998, g. 8-9. Kola ajan hnene la hene la fami tro la itre atren a sisedrën la gojeny ka troa hamë madrin koi angatr, ngo thaa hleuhleu kö. Angatr a wange hmaca la itre eamo qa hnin la Tusi Hmitrötr, kola meköl ngöne la ketre hna cinyihan, a kola amaman la aqan troa hetreny la manathith, qa ngöne la enyipiewekën la atreine waiewekë, ene itre nyipi aja, memin la troa catre lapaun koi Iehova. Angatr a thel la itre nyine troa saze e hnin la fami, matre troa kepe thangan ka loi hnene la itre atren asë.

15 men: Thupëne Hnyawa Pala Hi Së La Uma Ne Baselaia Së. Cainöj hna troa kuca hnene la ketre qatre thup. Goeëne jë la pengön la Uma ne Baselaia. Nemen la itre hna hnëkën göi nyihnyawa uma ngöne lo ijine Drai Ne Amekunën? Nemen la itre nyine troa canga kuca qëmeken la ijine cili? Qaja jë la aqane troa ixatua hnene la ekalesia. Amamane jë la enyipiewekën koi së, troa isa mekun hnyawa la hnë hmi së, laka, loi e tro ej a iahnuene pala hi la emingömingön memin la ehmitrötren la uma i Iehova.—Sal. 84:1.

Nyima 126 me thith ne nyipun.

[Ithuemacany]