Göi Itre Icasikeu Ne La Huliwa

Koi 12 Nofeba Me Wiik Cili

Nyima 170

8 men: Itre ithuemacanyi koi së. Iëne jë la Itre Hna Amekötiin qa hnin la Huliwa Ne Baselaia.

22 men: “Akökötrene Jë La Aqane Tro Së a Waiewekë.”a Troa cile fë hnene la ketre qatre thup la itre mekune ka tru ne la asabele ka ketre pengöne ka caa drain, hna kuca lo macatre ka ase hë.

15 men: “Loi e Troa Tro Xom Pala Hi La Itre Huliwa i Akötresie Ngöne La Hneijin Ne Hedredrei.” Troa cile fë hnene la ketre qatre thup. Amamane jë la enyipiewekën tro la itre nyipi keresiano a thupën matre thaa tro kö a wangacon la itre huliwa i Akötresie, tune la troa sin la itre icasikeu ne la ekalesia, me cainöj trootro, me inin pala hi la Tusi Hmitrötr cememin pala hi la itre atren la hnepe lapa, ngacama angatr a tro troa mano ngöne la ketre nöj. Loi e troa xecie koi angatr laka, troa canga hamën la itre rapor ne hna cainöj trootro kowe la seketere, angatre ju hë ngöne la hnalapa maine e cili pena ngöne la nöj hna tro ngön.

Nyima 191 me thith ne nyipun.

Koi 19 Nofeba Me Wiik Cili

Nyima 172

10 men: Itre ithuemacany koi së. E jë la hna ithingë. Iamacanyine jë la lue aqan nyiqaan ithanata, me xom la itre mekun hna eköhagen hna hape “Troa Qeje Nemen Gön La Itre Zonal.” Troa amaman la aqane troa tro fë hnene la ketre atre cainöj la zonal, La Tour de Garde ne 15 Nofeba, nge tro ketre a tro fë la Réveillez-vous ! ne 22 Nofeba.

15 men: “Mejiune Jë Kowe La Trenge Catr Qaathei Iehova.”b Hamëne jë la itre xaa hnepe mekun hna xom qa ngön la zonal, La Tour de Garde ne 1 Okotropa 1999, g. 18-19, §§ 6-8.

20 men: Itre ihaji koi së.

Nyima 195 me thith ne nyipun.

Koi 26 Nofeba Me Wiik Cili

Nyima 177

8 men: Itre ithuemacanyi koi së. Amekunëne jë la itre trejin troa hamën la itre rapor ne hna cainöj ne Nofeba.

17 men: “Matre Tro Sa Thele Ijin Ekaa?” Cainöj nge troa ce ithanatan. Xome ju fe la itre mekun ka tru qa ngöne la zonal, La Tour de Garde ne 1 Okotropa 2000, g. 20-1, §§ 9-10, ngöne la hna cinyihan ka hape “Tune Kaa La Aqane Öhnyi Traeme Hnei Itre Xan Troa Isa Inine La Tusi Hmitrötr.” Sipone jë kowe la itre trejin troa qaja la itre xaa aqan kuca angatr, matre troa hetre traem kowe la itre huliwa ka nyipi ewekë, nge hna nango amë pë hë thupen la itre xaa huliwa ka thaa nyipi ijije kö kowe la mel. Qaja hnyawa jë la enyipi ewekën la troa ami ijin troa ketre isa inin maine ce wang pala hi memin la hnepe lapa la Tusi Hmitrötr, me troa hane sin la itre icasikeu, me cainöj trootro, me troa e pala hi ngöne la nöjei drai la Tusi Hmitrötr.

20 men: Itre Thöth a Atrunyi Iehova. Troa ce ithanatan. Nyimutre la itre thöth hnin la itre ekalesia, angatr a hane cainöjën la maca ka loi. Nyipi ewekë fe koi angatr troa hane kuca la huliwa cili, ngacama kola mekun ka hape ame la troa cainöj, tre, thatraqai itre ka tru. (Sal. 148:12, 13; Mat. 21:15, 16) Maine tro la itre kem me thin memin la itre xaa ka cainöj a hamë ini me ithuecatr kowe la itre thöth, eje hi lai laka, tro hë angatr a hetreny la hni ne ajan me madrin atraqatr troa hane cainöj trootro. Sipone jë la itre atren la icasikeu troa hamën la itre xaa mekun nyine ixatua ngöne la aqan troa ce tro memin la itre thöth troa cainöj ngöne itre hnalapa trootro, me troa iwai hmaca. Sipone jë kowe la itre keme me thin la hnei angatr hna kuca matre troa xatuan la itre nekö i angatr ka co troa inin la aqan troa tro fë la itre zonal, me troa xom la Tusi Hmitrötr ngöne la itre aqane tro angatr a nyiqaan ithanata, me troa thaa xou troa ithanata kowe la itre atr hna iöhny memin. Amamane jë la itre manathith hna troa kapa hnene la itre nekö së ka co, e hne së hna qaja aloiny angatr pala hi. Pane porotrike jë memin la caas maine lue thöth ka hane hë cainöj, me nue nyidro troa hane qaja la ewekë ka amadrinë nyidro ngöne la hna cainöj, memin la kepine lai.

Nyima 198 me thith ne nyipun.

Koi 3 Diseba Me Wiik Cili

Nyima 179

10 men: Itre ithuemacany koi së. Troa xom la itre mekun nyine ixatua ngöne la götran hna hape “Troa Qeje Nemen Gön La Itre Zonal,” me iamacanyin la lue aqane troa nyiqaan tro fë hnyawa lue ej—Caas ngöne la zonal, La Tour de Garde ne 1 Diseba nge ketre ngöne Réveillez-vous ! ne 8 Diseba. Thupene lai, qaja jë la aqane troa xom la ketre aqane troa tro fë la itus Le plus grand homme de tous les temps, maine ketre itus pena hna amekötin kowe la treu Diseba. Goeëne jë ngöne la Index des publications de la Société Watch Tower, ngöne la hna cinyihan ka hape, “Présentation” memin la itre mekun fene la hna cinyihan ka hape, “Liste par publication.” Hamëne ju la ketre ceitun.

15 men: Itre götran ne la itus Comment raisonner. Troa ce ithanatan. Hane cahu itre xaa mekun ka isa pengön hna xom qa hnin la itus, ka lolo catr troa xom matre troa qeje pengön hnyawa la itre ini qa hnin la Tusi Hmitrötr: Alien la itre hnëewekë, tune la “Baselaia” (g. 335) maine “ua” (g. 135); atreine hi troa wang la isa aqan qeje pengön itre ej hnene la itre xaa Tusi Hmitrötr, nge amamane jë fe la hnen me aqan xom la ëje i Akötresie e hnin la Tusi Hmitrötr (g. 195-6) maine nyipici ngöne la ifereno (g. 1123-24); itre ini hna amë wengën a ka aisapengönyi së memin la itre xaa hmi (g. 393-96) maine kola amaman la aqane tro la ketre atr a atrehmekun la nyipi hmi (g. 316-18); kola amaman mina fe la aqane trongene la itre ewekë matre fetra jë la feetë Noel (g. 161-4) maine aqane thaa hane sin hnene la itre pane Keresiano la fen (g. 2267-69; kola anyipicin hnei Sias, laka, hna xup la ihnadro (g. 73-4) maine troa amaman pena la engazon la itre dorog, ene la marijuana memin la ufi sixa (g. 114-17). Xatuane jë la itretre cainöj troa xom lai jia ne huliwa ka lolo cili, matre tro sa ce ithanatan la itre mekun e hnin ej ngöne la easë a cainöje trootro e traqa jë hnying koi së.

20 men: “Itre Manathith Hne Së Hna Kapa Qa Ngöne La Ole Së Kowe La Ihnimi Iehova—Götrane 1.” Ame ngöne la easë a ithanatan la §§ 3-6, sipone jë kowe la ekalesia troa qaja la itre ewekë hna melën hnene la itre trejin ngöne la hna cainöj ngöne itre hnalapa trootro, e cahu gojeny, me iwai trootro, me ngöne la kola ini tus memin la itre atr.

Nyima 200 me thith ne nyipun.

[Ithueamacany]