Göi Itre Icasikeu Ne La Huliwa
Koi 13 Nofeba Me Wiike Cili
Nyima 4
10 men: Itre Ithuemacanyi koi së. Iëne jë la itre hna amekötiine qa hnine la Huliwa Ne Baselaia.
13 men: Kola Sa La Itre Hnyinge i Nyipunie. Cainöje hna kuca hnene la qatre thup.
22 men: “Catre Pi Së Troa Akökötrene La Aja Ne La Itre Atr Hna Ketr Hnene La Itre Ithuemacanyi Ne La Baselaia Na. 36.” Troa ce ithahnatane la itre paragarafe 1-5. Qaja jë fe la itre hna amekötine matre troa kuca asë la itre teritoare hna thaa huliwane pala kö. Wange hmaca ju la itre aqane nyiqaane ithahnata ngöne la itre paragarafe 7 me 8 matre troa iwai hmaca, nge isa kuci iamacanyi ju ngöne lue ej. Qaja jë la enyipi ewekëne la troa xatuane pala hi la itre atr asë ka drei së, me thele troa nyiqaane etid me angatr. Nyipune ju me ce ithahnatane la paragarafe 9 memine la itre xötre hna hamën.
Nyima 63 me thithi ne nyipun.
Koi 20 Nofeba Me Wiike Cili
Nyima 111
10 men: Itre Ithuemacanyi koi së. Troa e la hna ithingë.
15 men: Itre hna melëne ngöne la kola tro fë la Itre Ithuemacanyi Ne La Baselaia Na. 36. Qaja jë la eloine la aqane kuca la itre teritoar. Hapeu, kolo petre hi a hane nyiqaane cainöje hnene la itre xan? Qaja jë la itre mekune ka lolo hna hamëne hnene la itre atr. Hetre etidi kö hna nyiqaane xejë hnene la itretre cainöj? Maine hetreny, troa nue angatre troa qejepengöne la aqane nyiqaane itre ej, maine pena tro hi a qaja mekötine hmaca la aqane kuca angatr. Amekunëne jë la itre trejine troa akökötrene la aja ka eje thene la itre atr hna ithahnata memin.
20 men: “Catre Pi Së Troa Cainöj!” Cainöj nge troa hnying. Ame la itre xaa trejine ke, hnei angatre hna caasi memine la organizasio i Iehova, me catre cainöje ngöne mele i angatre ka pexej. Nge qa ngöne laka lolo la aqane waiewekë i angatr, haawe, atraqatre la madrine i angatre troa huliwa. (Wange ju la itus, Atrehmekune, g. 179, par. 20, me La Tour de Garde ne 1 Mei 1992, g. 21-2, par. 14-15.) Sipone jë kowe la ketre temoë ka cainöje a nyimu macatre hë enehila, troa qaja la itre kepine matre hnei angeice hna catre ngöne la huliwa ne cainöj.
Nyima 141 me thithi ne nyipun.
Koi 27 Nofeba Me Wiike Cili
Nyima 153
10 men: Itre Ithuemacanyi koi së. Amekunëne jë la itre trejine troa hamëne la itre rapore ne Nofeba. Ame la itusi nyine troa tro fë e Diseba, ke, Atrehmekune memine la Traduction du monde nouveau, maine pena la itus, Le plus grand homme de tous les temps. Qaja jë la elolone la aqane huliwa ne la Itretre Anyipici Iehova, ngöne la troa ujëne la Tusi Hmitrötre ngöne nyimu qene hlapa.—Wange ju la La Tour de Garde ne 15 Okotropa 1997, g. 11-12.
20 men: Huliwane Hnyawane Jë La Itus Comment raisonner. Troa ce ithahnatane la g. 7-8. Amamane jë la aqane kuca hnyawa la itusi cili nyine troa xatua së troa hnëkë hnyawa, matre troa hetre thangane ka lolo la huliwa ne cainöje së. Qaja jë la aqane troa huliwane la itus, ngöne la easë a cainöje jëne telefon. Kuca jë la ketre iamacanyi göne la aqane troa thele la itre mekune ka sa hmekune la hnyinge ne la ketre atr. Xatuane jë la itre trejine asë troa atrepengöne hnyawa la itusi cili, xometrongëne jë ngöne la easë a cainöj, nge loi e troa xome lapaane ej ngöne la easë a troa ithahnata memine la itre atr.
15 men: Tune Kaa La Aqane Tro Ni a Xomihnine La Pi Wai Televizio Theng? Kola ithahnata hnene la ketre qatre thupe kowe la ketre trejine thöth, ka xome la itre hawa ka nyimutre ngöne la drai, troa wai televizio. Ame ngöne la xötrei, kola qaja catrëne hnene la trejine ka hape, pëkö engazon. Öni angeice ka hape, celë hi ketre aqane troa mano, nge ka pëkö ethane ej. Tro la qatre thupe a wange hmaca me angeice la itre mekune ka tru qa hnine la mekene 36 ne la itus, Les jeunes s’interrogent. Kola qaja hnene la qatre thupe ka hape, maine tro sa sasaithi tulu la aqane tro sa wai televizio, eje hi laka, troa aluuzine la traeme ka sisitria ne troa isa inine la Tusi Hmitrötr, me tro troa cainöj, me ixatua göi itre hna ajane hnene la ekalesia. Kola amamane hnene la trejine thöth, la madrine i angeice kowe la ihaji, me qaja ka hape, tro hë angeice a saze la itre hnei angeice hna majemine göi wai televizio, matre troa hetre thangane ka loi koi angeice ngöne la götrane la ua.
Nyima 175 me thithi ne nyipun.
Koi 4 Diseba Me Wiike Cili
Nyima 189
10 men: Itre Ithuemacanyi koi së. “Nemene La Aqane Tro Nyipunie a Sa Kowe La Répondeur Téléphonique?”
15 men: Itre ihaji koi së.
20 men: “Trenge Ewekë Hna Qaja Ngöne La Ijin’ Ej.” Troa ce ithahnatan, nge itre iamacany. Nyimutre la itre trejine ka luelue troa nyiqaane ithahnata memine la itre atr, ke angatre a mekune ka hape, thatreine kö angatr, nge ketre kola mekune menune ka hape, ma loi e troa hetrenyi la ketre atreine ka ketre pengöne kö matre troa hetre thangane ka loi hna kapa qa ngön. Qaja jë la aqane tro së asë, memine fe la itre ka xötrei cainöj, me itre thöth, a nyiqaane la itre porotrik, thenge la hne së hna atrein. Wange hmaca ju la itre aqane nyiqaane ithahnata, amamane jë laka, ka hmaloi itre ej, nge troa iamacanyine itre eje hnene la luetre maine köni trejin. Wange ju la Huliwa Ne Baselaia, ne Maac 1998, g. 8, göi troa nyixane la itre aqane nyiqaane ithahnata hna troa xom. Xatuane asë jë la itre trejine troa wangaloine la huliwa ne cainöj, matre troa hetre thangane ka loi me madrine ka tru, hne së hna kapa qa ngön.
Nyima 218 me thithi ne nyipun.