Göi Itre Icasikeu Ne La Huliwa
Koi 12 Juun Me Wiike Cili
Nyima 136
8 men: Itre ithuemacanyi koi së. Iëne jë la Itre Hna Amekötine qa hnine la Huliwa Ne Baselaia.
15 men: “Tha Gufa Kö La Huliwa i Nyipunie.” Thaa tro ju kö a caa menetre ne nyiqaan, nge thupene lai, troa ce ithahnatan. Xome jë fe la itre hna melëne ngöne la hna cainöj, hna hamëne ngöne la zonal, La Tour de Garde ne 15 Juun 1996, götrane 32.
22 men: Nyiqaane etid jë ngöne la boroshür Thele. Cainöj, ce wange ju la hna cinyihane ngöne la Huliwa Ne Baselaia ne Januare 1999, götrane 6. Iamacanyine jë la aqane tro fë ithahnata ngöne paragarafe 6. Troa pane qaja hnene la caa trejine maine luetre la aqane atreine i nyidroti troa nyiqaane la itre etid, me amexeje la aqane nyiqaane kuca itre ej, me aqane kuca nyidroti matre thaa tro kö a triane la etid ngöne la nöjei wiik.
Nyima 209 me thithi ne nyipun.
Koi 19 Juun Me Wiike Cili
Nyima 14
12 men: Itre ithuemacanyi koi së. Troa cile fë la hna ithingë, nge ithuemacanyi göi itre ahnahna hna kuiëne hë ngöne la köni treu ka ase hë. Maine hetrenyi pala kö hnine la ekalesia la itre itus, Les jeunes s’interrogent maine itre xane pena hna hape, Jeunesse; iamacanyine jë la aqane tro angatre a tro fë hnyawa itre eje kowe la itre thöthi ngöne la hna cainöj.
8 men: Kola Sa La Itre Hnyinge i Nyipunie. Cainöje ne la ketre qatre thup.
25 men: “Tro Ni a Ate Tune Ka e Pëkö Ate Troa Amekötine Koi Ni?” Troa ce ithahnatane memine la atre thupëne la huliwa ne cainöj. Troa e la itre paragarafe asë, memine la itre xötre ngöne la paragarafe 3, 4, me 7. Ame ngöne la kola ce wange la paragarafe 6, qaja jë la hnëqa ne la atre thupëne la huliwa ne cainöj, ngöne la kola troa thele ewekë, maine ijij, maine thaa ijije pena troa ce wange la ketre itusi memine la ketre atr hna bapataisone hë. Wange ju la Huliwa Ne Baselaia ne Nofeba 1998, ngöne la hna cinyihane hna hape, Kola Sa La Itre Hnyinge i Nyipunie.
Nyima 89 me thithi ne nyipun.
Koi 26 Juun Me Wiike Cili
Nyima 39
10 men: Itre ithuemacanyi koi së. Amekunëne jë la itre trejine troa hamëne la rapore ne hna cainöje ngöne la treu Juun. Wange hmaca ju la itus göi treu julai. Amamane jë lo itre boroshüre hna kapa hë ekö ngöne la nöj, nge qaja ju la itre xaa hnepe mekune qa hnine itre ej. Iamacanyine jë la aqane troa tro fë itre eje ngöne hna cainöje trootro.
17 men: “Troa Ham, Me Loi Qanathane.” Troa ce ithahnatan. Xome jë fe la zonal, La Tour de Garde ne 1 Nofeba 1996 götrane 29-30, nge ce wange ju lo foa lao kepine ngöne la hna cinyihan, hna hape, “Pine Nemene Matre Easë a Hamën.”
18 men: Loi e Troa Atre La Aqane Sa La Itre Hnying. (Kol. 4:6) Cainöje nge troa ce ithahnatan. Nemene la nyine tro sa kuca ngöne la kola hnyingëne koi së hnene la ketre atr, la aliene la ketre mekune ka thaa ihmeku kö memine la ini qa hnine la Tusi Hmitrötr? Kola xatua së hnene la itus, Comment raisonner, me hamë së la itre mekune ka lolo ngöne la aqane troa sa hnyawa la itre hnying. Hanawange la ketre ceitun, easë a trotrohnine laka, meci la ithupëjia hna troa apaatrene hnene la thupene mele i Keriso, ame itre xan, angatre a mejiune laka, troa trije la mekune cili, nge angatre pe a lapaune kowe la mekune ka ngazo hna hape ketre mele pena ha thene la atr ngöne la angeice a mec. Ithahnatane jë la itre mekune nyine sa hna hamëne hnine la itus, Comment raisonner, ngöne la hna hape “Maine Kola Qaja Hnene La Ketre Atr Ka Hape—” ngöne la götrane 258-9 me 309. Xatuane jë la itre trejine troa xometrongëne pala hi la itusi cili ngöne la hna cainöje trootro.
Nyima 44 me thithi ne nyipun.
Koi 3 Julai Me Wiike Cili
Nyima 213
10 men: Itre ithuemacanyi koi së, nge sipone jë kowe la itre xaa trejine troa qaja la aqane nyiqaane angatre troa etid memine la itre atr ngöne la boroshür, Thele.
15 men: Itre Ihaji koi së.
20 men: Troa Acatrene La Mele Ne La Itre Hnepe Lapa Hnene La Itre Trepene Meköt. Troa ce ithahnatane hnene la lue trejine la eitre lao mekune e hnine la itus, Comment raisonner, götrane 253-4. Qaja jë la enyipi ewekëne la troa xatuane la itre hnainin, matre tro angatre a atre laka, troa mele madrine e hnine la hnepe lapa, e hna trotrohnine me trongëne la itre trepene meköti qa hnine la Wesi Ula i Akötresie. Xome jë la boroshür, Thele, ngöne la ini 8, nge iamacanyine jë la aqane troa traqa kowe lai. Maine tro la itre hnepe lapa a drenge la itre eamo hna hamëne hnei Tusi Hmitrötr, haawe, tro hë angatre a atreine ce mele hnyawa, nge tro la itre otrene la ihnimi me caasi a akökötrene la madrine ka eje thei angatr. Qaja jë la ketre tulu ne mel, hna hamëne hnine la itus, Jëne Madrine Kowe La Fami, mekene 13, paragarafe 1, 21-2.
Nyima 51 me thithi ne nyipun.