Göi Itre Icasikeu Ne La Huliwa
Koi 10 Eipereme Me Wiike Cili
Nyima 122
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. The tro kö a thëthëhmine la cainöje koi nöjei atr e 16 eiperem hna nyi tane ka hape “Pine nemene matre nyipi ewekë catre la thupene mele kowe la nöjei atr.” Xatuane asë jë la itre trejine troa xötrethenge hnyawa la porogarame ne e Tusi Hmitrötre thatraqane la Drai ne Amekunëne la meci Keriso qaane 14 uti hë 19 eiperem, hna fejane hnine la sine boroshüre Scrutons les Écritures chaque jour — 2000. Wange hmaca ju la hna cinyihane hna hape “Göi Drai Ne Amekunën,” götrane 4 ne la sine trongen.
15 men: “Hapeu Easë Kö a Hane Madrine La Ihnimi Keriso?” Thaa tro kö a sasaithe la caa menetre ne nyiqaan, nge thupene lai troa ce ithahnatan. Xome jë la zonal La Tour de Garde ne 1 mei 1998, nge qaja jë la itre hnepe mekune qa hnine la götrane 16-17, paragarafe 12-13. Xatuane jë la itre trejine asë troa kuci trenge catre göi troa könëne la itre atr kowe la Drai ne Amekunën.
20 men : “Eiperem—Hneijine Ne Troa Kuca La Itre Huliwa Ka Loi!” Troa ce ithahnatan. Troa ce ithahnatane la hne së hna ajane troa kuca e eiperem. Xome jë la köni menetre maine foa troa wange la hna cinyihane hna hape “Ajane Atraqatre Ka Aciane La Ikucanyi Ne La Ka Ala Nyim.”
Nyima 199 me thithi ne nyipun.
Koi 17 Eipereme Me Wiike Cili
Nyima 25
13 men: Itre Ithuemacanyi koi së. Itre hna ithingë. Lue wiike pe hi matre ase pi la treu eiperem, haawe xatuane asë la itre trejine troa catre cainöje qëmekene troa traqa kowe la pune la treu. Kuca jë la ketre iamacanyi ka amamane la tro fë la itre zonale hna xötrei kapa, thaa tro kö a aqean. Maine easë a troa sa kowe la itre atr ka ajane tro së a caasi me angatre ngöne la itre hna majemine göi paseka, wange hmaca ju la hna qaja ngöne la itus Comment raisonner, götrane 165-66.
16 men: “Hapeu Hetrenyi Fe Kö The Së La Ajane Troa Hujëne La Mele Së?” Troa ce ithahnatan. Nyipi ewekë tro së amë panëne la itre ewekë ka sisitria. Nyipi ewekë tro së a isa catre me ketre sipu xomehnöthe la itre aja së matre troa kuca pala hi la itre ewekë ngöne la ua, ka troa hetre thangane ka loi koi së. Qeje pengöne jë la hne së hna inine qa ngöne la tulu i Iesu.—Wange ju la itus Perspicacité, Volume 2, götrane 32, par. 5 koi götrane 33, par. 1, 2.
16 men: Tro fë jë la itre zonale ka ijije troa ketr la hni ne la itre atr. Cainöj, nge troa ce ithahnatan. Wange ju la itre mekune qa hnine la Réveillez-vous! ne 8 januare 1995, götrane 22-4. Qaja jë la kepine matre loi e troa thele la itre atr ka troa kapa hnyawa la itre taane mekune ka ihmeku memine la aja i angatre hna qeje pengöne ngöne la itre zonal. Wange ju la itre zonale ka hekö, me mekune la itre atr, me pengöne huliwa hna kuca, me itre organizasio hna qeje pengöne hnene la itre taane mekun. Sipone jë kowe la itre atrene la icasikeu troa qeje pengöne la itre hna melëne ka amamane la aqane troa kapa la itre thangane ka loi qa ngöne la aqane huliwa celë.
Nyima 71 me thithi ne nyipun.
Koi 24 Eipereme Me Wiike Cili
Nyima 137
10 men: Itre Ithuemacanyi koi së. Ithuemacanyine jë la etrune la itre ka sine la Drai ne Amekunën. Sipone jë kowe la itre atrene la ekalesia troa qeje pengöne la itre hnaewekë hna majemine qaja kowe la itre ka xötrei hane sine la icasikeu cili.
17 men: Xatuane jë la itre ka xötrei hane sine la itre icasikeu. Cainöje hna nyi trepene hnene itus Atrehmekune, götrane 161-3, par. 5-8. Thupene la hna pane nango etid memine la itre atr, ke, nyipi ewekë troa nyiqaane tro kowe la itre icasikeu hnei angatr. Ketre jole ka tru koi angatre troa sine itre ej. Nemene la nyine tro së a kuca matre troa hamë ajane koi angatr? Ame la itre ka trene etid, ke loi e tro angatre ami traeme göi troa wange hmaca memine la itre hnainine la itre mekune cili ngöne la itus Atrehmekune, nge ce wange ju me angatre göi troa ce sine me easë ngöne la nyipi hmi.
18 men: “Hapeu, Epuni Kö La Ketre Atre Cainöje Lapaa?” Cainöje hna troa kuca hnene la seketere, nge troa ce ithahnatan. Qaja jë la kepine matre tro së a hamëne la rapore së. Wange ju la itus Notre ministère, götrane 101-2.) Qaja jë la itre xaa jole ka traqa maine thaa hne së kö hna canga hamëne la rapore së. Sipone jë kowe la itre trejine troa qaja la hnei angatre hna kuca matre troa xecie koi angatre laka ase hë angatre hamëne la rapore ngöne la drai hna sa. Amamane jë la aqane tro la itre ka xomiujine la Ini Tus ne la ekalesia a hamë ixatua. Caa mecixeni pe hi me sabath e eiperem, qaja atrune jë la enyipi ewekëne kowe la trejine asë troa cainöj, me hamëne la rapore e pune treu.
Nyima 200 me thithi ne nyipun.
Koi 1 Mei Me Wiike Cili
Nyima 213
12 men: Itre ithuemacanyi koi së. Amekunëne la itre trejine asë troa hamëne la itre rapore ne eiperem. Tro la itre ka xomiujine la Ini Tus ne la ekalesia a wange hnyawa laka hna hamëne la itre rapore hnene la itre trejine asë ne la gurup matre troa iupi fë itre eje e 6 Mei. Wange ju la hna cinyihane ka hape Kola Sa La Itre Hnyinge i Nyipunie, nge qaja jë la itre mekune ka ihmeku memine la götrane hne së hna mele ngön.
15 men: Itre ihaji koi së.
18 men: “Loi e Troa Xecie Koi Së Laka Tro Së a Bëeke Hmaca!” Troa ce ithahnatan. Wange ju la itre kepine matre thaa kuca kö së la itre vizit. Qaja jë la kepine matre nyipi ewekë catre troa xomi not, me hetre ajane troa bëeke hmaca. Qaja jë la eloine troa ami ijine e nöjei wiike göi troa kuci vizit. Wange hmaca ju la hna qaja ngöne la itus Notre ministère, götrane 88-9. Qeje pengöne jë la hna melëne ngöne la itus Annuaire 1995, götrane 45.—1 Kor. 3:6, 7.
Nyima 68 me thithi ne nyipun.