Göi Itre Icasikeu Ne La Huliwa Ne Treu Ogas
Koi 2 Ogas Me Wiike Cili
Nyima 39
10 men: Itre ithuemacanyi koi së. Xome jë la itre mekune qa ngöne la Itre Hna Amekötiin hnine la Huliwa ne Baselaia. Qaja jë la rapore ne huliwa ne cainöj ne treu eiperem, ngöne la nöj, me ngöne la ekalesia. Ithuecatre jë kowe la itretre cainöje asë, troa tro fë la maca ka loi ngöne la treu Ogas.
17 men: “Loi e Tro Së a Wangatrune La Atresiwa i Iehova Ka Lolo.” Troa nyiqaane jëne la itre hnepe mekun, ngo thaa tro kö a sasaithe la caa menetr, nge thupene lai, troa ce ithahnatan. Amamane jë la enyipi ewekëne la itre xötre hna fejan.—Wange ju la itus, Vivez éternellement, götrane 184-5.
18 men: “Ini Mus Me Itre Aja Ngöne La Götrane La Ua.” Kola ithanatane la itre mekune hnene la keme memine nekö i nyidrë, trahmanyi maine jajiny. Angatre a ce wange hmaca lo itre mekune ka eje ngöne la Réveillez-vous! ne 22 Diseba 1995, götrane 7-11.
Nyima 148 me thithi ne nyipun.
Koi 9 Ogas Me Wiike Cili
Nyima 138
8 men: Itre ithuemacanyi koi së. Kola cile fë la hna ithingë.
12 men: Itre Pionie a Ixatua—Nemene la ewekë ka lolo hna kuca ha hnei angatr? Cainöje hna troa kuca hnene la atre thupëne la huliwa ne cainöj, nge troa hnyinge kowe la itre xaa trejin. Wange hmaca ju la mekune hna hamëne ngöne la Huliwa ne Baselaia ne semitrepa 1998, götrane 4. Qaja jë la aqane eköthe la huliwa cili hnine la ekalesia, nge qaja jë fe la aqane kökötre ne la itre hna xatuane hnene la itre pionie. Ithahnata jë memine la caas, maine lue pionie me itre xaa ka cainöj, ka kapa la ixatua cili. Ithuecatre jë kowe pena ha la itre xan, matre hetre thangane ka loi hnei angatre hna troa hane kapa qa ngöne la huliwa cili.
25 men: “Hapeu Ijije Kö Tro Nyipunieti a Hane Xome Enehila La Huliwa Ne Pionie?” Troa kuca hnene la ketre qatre thup, nge troa ce ithahnatan. Amamane hnyawa jë la itre ewekë ka ijije troa kuca hnene la itre trejin, matre troa hane pionie. Hnyingëne jë kowe la itre pionie matre tro angatre a hane qaja la aqane xome angatre la huliwa, memine la aqane atreine angatre cile kowe la itre jol. Wai pengöne ju la “Itre Programme ka lolo Thatraqane La Itre Pionie Lapa,” amamane jë la eloine la troa hnëkë hnyawa, matre ijije troa eatrëne la itre hawa hna amekötin. Thuemacane jë la itre trejin, ka hape, ame koi itre trejine ka ajane troa saene troa pionie, atreine hi troa isa hamë pepa ne sipo i angatr, thupene la hna icasikeu.
Nyima 202 me thithi ne nyipun.
Koi 16 Ogas Me Wiike Cili
Nyima 131
10 men: Itre ithuemacanyi koi së. Lue mecixeni pe hi me lue sabath ngöne la treu ogas, haawe, xatuane asë jë la itre trejine matre troa catre cainöje qëmekene la pune treu. Wange ju la “Porogarame Ka Hnyipixe Ne La Asabele Ka Ketre Pengöne Ka Caa Drain.”
15 men: Itre ihaji koi së.
20 men: Hane Kö Nyipunie Inine La Itre Atr? Troa ce ithahnatan. Nyipici laka, tru catre la itre itusi hne së hna hamëne kowe la itre atr, ngo ame la aja së, ke, ene la troa nyiqaane inine la Tusi Hmitrötre me angatr; ketre, matre tro së a xatua angatre troa kepe thangane ka loi qa ngöne la itre itusi cili. Troa qaja hnene la itre trejin, la itre ewekë ka ajolë angatre troa xomiujine la itre etid ka nyimutre: (1) Jole catre e troa öhne la itre atr ka ajane troa inine la Tusi Hmitrötr. (2) Hetrenyi la itre atr ka drenge la maca ka loi, ngo öni angatre ka hape, tru catre pala ha la itre jole i angatr, matre pëkö ijine troa etid. (3) Thupene la hna nyiqaane inine la Tusi Hmitrötr memine la ketre atr, maine jë troa jole troa sisedrëne la etid, pine laka, paatre kö lai atr. Haawe, hanawange cahu itre aqane mekun, maine jë ka troa lapane la he ne la itretre cainöje göi troa inine la Tusi Hmitrötr kowe la itre atr: (1) ‘Thatreine jë kö ni troa hamëne la ini.’ (2) ‘Pëkö traemenge troa kuca la etid ngöne la nöjei wiik.’ (3) ‘Pëkö hni ne ajane i eni troa wange la ketre atr pena ha.’ (4) ‘Hetre madrinenge kö kowe la ketre götrane la huliwa ne cainöj.’ Hamëne jë la itre ixatua ka lolo ngöne la aqane troa cile kowe la itre mekune celë ka sewe së troa ketre isa inine la itre atr matre tro angatre a hane itretre drei i Iesu. Tro la itre trejine ka öhnyi thangane ka loi qa ngöne la hna cainöj, a amamane la madrine hnei angatre hna kapa qa ngöne la itre etid hnei angatre hna kuca.—Wange ju la sinecetrone la Huliwa ne Baselaia ne eiperem 1998, paragarafe 3-8, 15.
Nyima 100 me thithi ne nyipun.
Koi 23 Ogas Me Wiike Cili
Nyima 94
10 men: Itre ithuemacanyi koi së.
17 men: Xatuane Jë La Itre Atr Ka Xötrei Atre La Nyipici Troa Nyipi Ewekëne La Ehmitrötrene La Faipoipo. Troa ce ithahnatane hnene la qatre thup, memine la itre atrene la icasikeu, la itre mekune hna xome qa hnine la itus, Comment Raisonner, götrane 248-50. Easë a öhne la itre nekö trahmanyi me jajinyi ka kapa la maca ne Baselaia, ngo hmitre troa kökötre ngöne la nyipici, pine laka, kola ce lapa ngo thaa ka faipoipo pala kö ngöne mus. Ithahnatane jë la aqane troa xatua angatre troa trotrohnine la kepine matre nyipi ewekë tro la itre Keresiano a wangatrune la ehmitrötrene la faipoipo. (Wange ju la zonal, Réveillez-vous! ne 8 januare 1992, götrane 26-7.) Hamëne jë la itre mekune nyine ixatua ngöne la ewekë ka ijije nyine tro së a qaja hnyawa, matre troa xatuane la itre atr ka mele tune lai, troa trotrohnine la kepine matre thaa ijije kö tro angatre a hane sine la ekalesia, e thaa hnei angatre kö hna pane faipoipo ngöne mus.
18 men: Qaja Jë La Kepine Matre Easë a Mejiun. Kola ithahnata hnene la ketre qatre thup, memine la caas, maine lue thöthi ka ini thei mus. Angatre pala hi a cile kowe la itre aqane mele ne la itre thöthi ka thaa hmi kö, nge ka ajane troa atre la kepine matre thaa hane kö la itre nekö së ce kuca me angatre la itre huliwa i angatr. Nyipi ewekë troa catre la lapaune ne la itre nekö së thöth, ngöne la angatre a thele troa qeje pengöne kowe la itre sine ce ini me angatr, la itre trepene meköti hnei angatre hna mejiune kow. Haawe, matre kola troa ce ithahnatane hnei angatre la aqane troa thipën, ngöne la kola ithue sixa i angatre maine drogue pena. Wange hmaca ju la itre mekune ka lolo hna xome qa hnine la itus, Les jeunes s’interrogent, götrane 277-81. Qaja jë la aqane troa catre fë la mekune ka eje thei angatr, ene la troa kuca la thiina ka meköt, matre nyine thupë angatr, me hamëne la ketre tulu ka lolo nyine anyipicin.
Nyima 133 me thithi ne nyipun.
Koi 30 Ogas Me Wiike Cili
Nyima 99
10 men: Itre ithuemacanyi koi së. Amekunëne hmaca jë la itre trejine troa hamëne la itre rapore ne hna cainöje ne ogas. Loi e troa wange hnyawa hnene la itre ka xomiujine asë la itre Ini Tus, matre sikisi semitrepa pë hë nge ase asë hë la itre atrene la gurupe i angatr, hamëne asë la itre rapore ne la macatre ne huliwa.
17 men: “Nemene La Nyine Tro Së a Qaja Kowe La Atr Ka Hmi Bouddhiste?” Troa ce ithahnatan. Easë a lapaa ihnyingënekeune la nyine troa qaja ngöne la kola öhne la itre atr ngöne la götrane së, ka thaa hmine kö la itre hmi ka qeje Keriso, ngo isa hetrenyi pe la itre aqane mekun, me aqane ujë, me itre aqane hmi ka isa pengöne me easë. Faifi lao hna cinyihane ka troa qeje pengöne la topike celë, easë a troa nyiqaane enehila. Iamacanyine jë la aqane troa tro fë hnyawa la ketre aqane nyiqaane ithahnata. Maine easë a aja ithuemacanyi ngöne la hmi Bouddhisme, wange ju la sinecetrone la Huliwa ne Baselaia ne febuare 1998; me itus Comment Raisonner, götrane 21; me L’humanité à la recherche de Dieu, mekene 6.
18 men: Easë a Hnime La Itre Trejine Me Easë. Cainöje hna troa kuca hnene la ketre qatre thup, nge troa ce ithahnatane la itre mekune hna xome qa hnine la zonal, La Tour de Garde ne 1 diseba 1995, götrane 15-17, paragarafe 7-11. Amamane hnyawa jë la itre thangane ka loi hna ce kapa, qa ngöne laka, easë a thele troa atre hnyawa la itre trejine me easë, me ithuecatrekeu, me ixatuanekeune la itre jol matre troa atreine cile kowe la itre itupath. Qaja jë la aqane troa akökötrene hnyawa pala hi la thiina cili. Sipone jë kowe la itre atrene la icasikeu, matre tro angatre qaja la aqane akeukawane me acatrene la lapaune i angatr, hnene la ixatua hna hamëne hnei itre xane cememine la ihnim.
Nyima 129 me thithi ne nyipun.