Göi Itre Icasikeu Ne La Huliwa Ne Treu Juun
Koi 7 Juun Me Wiike Cili
Nyima 45
10 men: Itre ithuemacanyi koi së. Iëne jë la Itre Hna Amekötine qa hnine la Huliwa ne Baselaia. Itre Ithuemacanyi Akötresie.
15 men: “Hna Ini Së Hnei Iehova.” Troa fe la itre hnepe mekune nyine nyiqaan, maine caasi hi la menetre thatraqane lai; nge thupene lai, troa ce ithahnatane la hna cinyihan. Troa sipone kowe la itre atrene la icasikeu, matre tro angatre a qaja la itre manathithi hnei angatre hna kapa qa ngöne la Ini Ne Cainöje Trootro Qa thei Akötresie, Ini Ne Cainöje Thatraqane La Itre Pionie, Ini Thatraqane La Itre Qatre Thup, me itre xane ju kö. Amamane jë la aqane xatuane la nöje i Iehova hnene la itre ini cili, troa kökötre hnyawa pala hi ngöne la huliwa ne cainöj.
20 men: “Loi e Tro Së a Huliwane Hnyawa La Traeme Së.” Troa ce ithahnatane hnene la itretre xomiujine la itre Ini Tus, cememine la caasi maine lue xaa ka atreine cainöje hnyawa; kola troa ithahnatane la aqane atreine angatre thele ijine troa hane cainöje trootro. Angatre a qaja la enyipiewekëne la programme ne huliwa, nge loi e troa isa hetrenyi së la programme cili. Angatre fe a qaja la aqane troa thupëne wanga troa aluzi traem, qa ngöne laka, huli hmitre troa nyiqaane cainöj, maine thaa hna canga hnëkë hnyawa kö, maine tru pena la hna porotrike trootro ngöne la huliwa ne cainöj. Thenge la aqane mele ngöne la nöj, hamëne jë la itre mekune nyine ixatua ka lolo, ngöne la aqane troa nyipi ewekëne la traem.
Nyima 48 me thithi ne nyipun.
Koi 14 Juun Me Wiike Cili
Nyima 63
10 men: Itre ithuemacanyi koi së. Troa cile fë la hna ithingë.
15 men: Itre ihaji koi së.
20 men: “Ijije Kö Tro Së a Hane Hamë Ixatua?” Troa kuca hnene la ketre qatre thupe me ce ithahnatane memine la ekalesia. Hamëne jë la itre mekune nyine ixatua hna xome qa hnine la Réveillez-vous! ne 8 Okotropa 1995, götrane 8-9, matre troa xatuane la itre trahmanyi maine föe ka hiane caasine pe la itre nekö i angatr. Sipone jë kowe la itre xane matre tro angatre a amamane la ole i angatre kowe la ihnimi me ixatua hnei angatre hna kapa qa thene la itre xaa trejine hnine la ekalesia.
Nyima 53 me thithi ne nyipun.
Koi 21 Juun Me Wiike Cili
Nyima 72
8 men: Itre ithuemacanyi koi së.
17 men: Loi e troa huliwane hnyawa la itre Kaset video, me itre kaset ne Drame. Ijije kö troa huliwane hnyawa lo 9 lao kaset video nge 7 lao kaset ne Drame, hna kuca hnei Sasaiatri? Hane kö epuni me hnepe lapa i epuni goeëne me drenge itre ej? Wange hmaca ju la itre taan ka nyimutre, ka amamane hnyawa la aqane tro itre eje a acatrene la mekune the së troa e la Tusi Hmitrötre së, memine la aqane anyipicine hnyawa itre eje la nyipici. Pane amë jë la luetre, maine köni kaset ne Drame. Hnyingëne jë kowe la itre atrene la icasikeu troa qaja la Kaset video, maine Kaset ne Drame ka hamë ixatua ka lolo kowe la hnepe lapa i angatr, maine ka eatrongëne pena la itre atr kowe la organizasio. Qaja jë la itre hna kuca ha hnene la itre trejin, a ka hetre thangane ka loi koi angatr. (Wange ju la Annuaire 1999, götrane 51-2.) Ithuecatre jë kowe la itre trejine asë troa huliwane hnyawa la itre Kaset video, me itre Kaset ne Drame.
20 men: “Hapeu Easë Hmekuje Hi a Goeëne La Ka Mama Koi Lue Mek?” Cainöj, nge tro fe a ce ithahnatan. Amamane jë la itre kepine matre thaa loi kö e tro së a canga mekune menune la hna troa kuca hnene la itre atr hne së hna troa cainöje kow. Pane wange ju lo ihaji hnei Iehova hna hamëne koi Iona, pine laka, hnei angeice hna wangangazone la itre atr ne Nineve, me xomeceitu angatre me itre ka ngazo. (Wange ju la zonal, La Tour de Garde ne 15 Ogas 1997, götrane 21-2, paragarafe 17-19.) Sipone jë kowe la itre atrene la icasikeu troa qaja la aqane wangatrune asë angatre la nöjei atr, me nue Iehova troa ameköti angatr.
Nyima 77 me thithi ne nyipun.
Koi 28 Juun Me Wiike Cili
Nyima 85
12 men: Itre ithuemacanyi koi së. Loi e troa hamëne la itre rapore ne huliwa ne cainöje ne Juun. Wange ju la itre itusi nyine troa hamëne e treu Julai. Amamane jë la itre boroshüre ka ijije troa tro fë ngöne la götrane hne së hna cainöje ngön, nge ithahnatane jë la caas, maine lue mekune hna xome qa hnin hne së hna troa amamane hnyawa ngöne la itre aqane tro së a nyiqaane ithahnata. Kuca jë fe la ketre iamacanyi hna hnëkëne hnyawa.
13 men: Pine Nemene Matre Iehova a Nue Troa Akötrëne La Nöje i Nyidrë? Cainöje hna kuca hnene la ketre qatre thup, hna nyitrepene hnene la itus, Les Témoins de Jéhovah : Prédicateurs du Royaume, götrane 676-7. Tune la hna perofetane hnei Iesu, ‘tro ha methinë së hnene la nöjei atr asëjëihë.’ (Mat. 24:9) Maine jë tro së a qëmeke kowe la icilekeu, ngöne la easë a cainöje trootro, maine ngöne la easë memine la itre sinee së ka thaa hmi kö, maine ngöne la hna huliwa maine hna ini pena. Loi e troa qeje pengöne hnyawa hnene la ka cile fë la cainöj, la kepine matre Iehova a nue la icilekeu memine la iakötrë; nge kola qaja mina fe laka, maine tro së a atreine xomihni ahoeany, haawe, troa hetre pune ka lolo, ene laka, itre manathithi hna troa kapa.
20 men: Tro Jë Kowe La Itre Götran hne së Hna Troa Öhne La Itre Atr Ngön! Cainöje hna nyitrepene hnene la Annuaire 1997, götrane 42-8. Pine laka, easë a sisedrëne pala hi la huliwa së, loi e tro së a thupëne la itre ijine troa cainöje ngöne la nöjei ijin—nöjei hawa, me nöjei götran. Qaja jë la itre ewekë hna melëne hnene la itre trejin, hna cinyihane hnine la itus, Annuaire, ka amamane la aqane hetre thangane ka loi la cainöje i angatr, ngöne la angatre a xomi babikar, me tro ngöne la itre gojenyi ka tru, maine ngöne la hnangöni, me cainöje pena ngöne la itre hna acili loto, me jëne telefon, me cinyanyi pena. Maine ijije hi göi traem, sipone jë la itre atrene la icasikeu, troa qaja la itre ewekë hnei angatre hna melëne ngöne la angatre a cainöj. Xatuane asë jë la itre trejine matre troa xome asë la nöjei ijine ka aijijë angatre troa cainöje ngöne la itre götrane angatre a öhne la ketre atr.
Nyima 75 me thithi ne nyipun.