Göi Itre Icasikeu Ne La Huliwa Ne Treu Okotropa
Koi 5 Okotropa Me Wiike Cili
Nyima 199
10 men: Itre ithuemacanyi koi së. Iëne jë la itre ithuemacanyi qa hnine la Huliwa ne Baselaia.
15 men: “Hetre Manathithi Hne Së Hna Kapa Qa Ngöne Lo Itre Kovasio, Hna Hape, ‘Jëne Mel Qa Thei Akötesie.’” Troa ce ithahnatan. Xome jë la itusi ka hnyipixe, memine la boroshür, nge amamane jë la itre aqane troa huliwane hnyawa lue ej.
20 men: “ ‘Trane Jë La Itre Itine Feja Ne La Baselaia’ Thene La Itre Ka Majemine Kapa La Itre Zonal.” Troa ce ithahnatan. Troa qeje pengöne hnene la itre xaa trejine la aqane nyiqaane angatre me kuca lapaane la ketre gojenyi zonal. Thupene lai, iamacanyine jë la aqane troa wange hmaca la ketre atr hne së hna hamë zonale hë kow, nge hne së hna ahnithe kow laka, easë a troa traqa fë la itre zonale ka hnyipixe. Amamane jë fe la aqane troa kuca thenge la inamacan, göi ahnahna hna troa kapa thatraqane lai zonale hna hamën.
Nyima 133 me thithi ne nyipun.
Koi 12 Okotropa Me Wiike Cili
Nyima 42
5 men: Itre ithuemacanyi koi së. Troa cile fë la hna ithingë.
10 men: “Kola Elemekene La Huliwa Hnene La Itre Atre Thup—Seketere.” Cainöj hna troa kuca hnene la seketere ne la ekalesia, kola troa ce wange hmaca la itre hnëqa i angeice hnine la ekalesia. Angeice fe a qaja hnyawa la eloine e tro asë hi la itre atrene la ekalesia a ce huliwa; troa mama ngöne la kola canga hamëne la itre rapore ne hna cainöje trootro e nöjei treu.
10 men: Hetre hni ne ajane i angatre troa pionie. Cainöje hna troa eköthe hune la itre mekune hna xome qa hnine la Annuaire 1998 götrane 104-7. Qaja jë la kepine matre nyimutre catre la itre pionie e Zapo, nge nemene la ka aijijë angatre troa amë panëne la itre aja ngöne la götrane la ua, nemene la aqane isa melëne lai hnene la itre pinonie, nge drei lai itre trejine ka ala nyimu ka xome la huliwa ne pionie. Amamane jë jëne la ketre ceitun, la aqane troa hetre thangane ka loi, e hna pionie hnene la itre keme me thin. Qaja hnyawa jë la ewekë ka troa xecie hnyawa koi së, ngöne la easë a mekune la nyine troa kuca matre troa hane pionie. Xatuane asë jë la itre trejine troa mekune hnyawa ngöne la thith, la aqane tro angatre a goeëne hmaca la itre aja i angatr, matre troa hane pionie.
20 men: “Hapeu, Epuni Kö a Hane e La Itre Zonal?” Troa ce ithahnatan. Wange hmaca ju la itre mekune ka lolo nyine ixatua, göi porogarame ne e tus, hna hamëne hnine la itus, Manuel pour l’École, ini 4, paragarafe 5-6.
Nyima 107 me thithi ne nyipun.
Koi 19 Okotropa Me Wiike Cili
Nyima 16
10 men: Itre ithuemacanyi koi së. Wange hmaca jë la itre mekune ka tru hna xome qa hnine la itre zonale hna xötrei kapa. Qaja jë la itre ewekë hna melëne hnene la itre trejine e cailo fen, a hna hamëne hnine la Annuaire 1997, götrane 45, me Réveillez-vous! ne 22 okotropa 1996, götrane 32. Xatuane jë la itre trejine asë, troa tro fë la itre zonale e mecixeni me sabath.
15 men: Itre ihaji koi së.
20 men: Nemene la aqane troa hnëkë thatraqane la ini ngöne la zonal, La Tour de Garde. Troa ce ithahnatan; troa kuca la hnëqa celë hnene la atre xomiujine la ini ngöne la zonal, La Tour de Garde; Troa xome la itre mekune qa hnine la zonal, La Tour de Garde ne 15 mei 1986, götrane 19-20, paragarafe 16-18 me Manuel pour l’École, ini 7, paragarafe 11, me ini 18, paragarafe 4-6. Sipone jë kowe la itre trejine troa isa qeje mekune ngöne la itre hnyinge celë: (1) Pine nemene matre nyipi ewekë troa hetre thangane ka lolo catr, e hne së hna wangatrune la nöjei zonal, La Tour de Garde hne së hna kapa? (2) Nemene la nyine tro sa kuca ngöne la easë a kapa la ketre zonale ka hnyipixe? (3) Nemene la aqane troa hnëkëne la ini ngöne la zonal, La Tour de Garde? (4) Nemene la aqane troa goeëne la itre xötre ne la Tusi Hmitrötre hna hamëne hnine lai zonal, memine la taan? (5) Nemene la aqane tro së a wange hmaca la itre ini hne së hna kapa? (6) Nemene la itre ini ka tru nyine tro së a mekune hnyawa, ngöne la easë a fenesi hna hnëkëne la zonale së, La Tour de Garde? (7) Nemene la aqane tro së a hnëkë mekune nyine troa qaja ngöne la ijine icasikeu? (8) Nemene la aqane troa anyimu pengönëne la itre mekune hna troa hamëne ngöne la hnyinge ka caas? Sipone jë kowe la itre xaa trejine troa qaja la itre hnei angatre hna kuca, matre troa kepe thangane hnyawa la ini ne la zonal, La Tour de Garde.—Wange ju fe la itus, Organisés pour bien remplir notre ministère, götrane 67-9.
Nyima 95 me thithi ne nyipun.
Koi 26 Okotropa Me Wiike Cili
Nyima 98
10 men: Itre ithuemacanyi koi së. Troa cile fë la itre etrune la itre itusi ka hekö hë, ka hetrenyi petre kö ngöne la ekalesia, nge ka ijije troa tro fë ngöne la hna cainöje trootro. Pine laka, easë a easenyi trootro kowe la treu nofeba me diseba, itre ijine mano ka tru i itre ka ini, haawe, loi e tro la itre thöthi ka bapataiso hë me itre xane ju kö, a wangatrune hnyawa la huliwa ne pionie ka ixatua.
20 men: Aqane Troa Drenge Thenge Hnine La Hnepe Lapa Gaa Isa Hmi Kö. Cainöje hna xome qa hnine la zonal, La Tour de Garde ne 1 juun 1995, götrane 26-9. Troa hamëne la itre ihaji me itre eamo ka menyik, nyine troa xatuane la itre ka faipoipo, trene föe hmunë trahmanyi maine föe ka thaa ce hmi kö me angatr, troa hetrenyi pala hi la mekune ka loi, nge troa catre caasi pala hi memine la ekalesia.
15 men: Loi e troa canga traqa ngöne la itre ijine icasikeu. Troa ce ithahnatane hnene la luetre maine itre trejine ka xomiujine la köni Ini Tusi ne la ekalesia, maine itre drikona pena, la jole ka eje ngöne la itre ijine icasikeu, ala nyimu catre la itre ka traqa hmitr. Angatre a wangatrehmekune hnyawa laka, hetrenyi la itre ewekë ka ajolëne la itre trejine matre kola ahmitrë angatre kowe la itre hna icasikeu; maine hnene la ketre ewekë nyine troa kuca nyimenyimën, maine ngazo pena la drai, maine tru la loto, me itre xaa jole ju kö. Ngo ame itre xane ke, ka majemine traqa hmitre pala hi angatr. Thaa tro kö a qaja angazone lai, ngo tro pe la gurupe a ithahnatane hnyawa me amamane jëne la itre ceitune la aqane troa kuca matre, tro pala hi a canga traqa kowe la itre hna icasikeu: (1) Loi e troa hetrenyi la hni ne ole kowe la itre lolo hne së hna kapa, ene la troa hane sine la itre icasikeu, me troa kapa la xeni ne la ua, me troa ce memine la itre trejine ngöne la itre ijine icasikeu, (2) Loi e troa canga hnëkëne hnyawa pala hi la itre ewekë nyine troa kuca, (3) loi e troa ixatuanekeune la itre jol, hnene la itre atrene la fami, (4) troa canga tro kowe la itre hna icasikeu, me nue ijine pë hë kowe la itre hnepe ewekë ka traqa, nge (5) tro mina fe a lapa hnyawa ngöne la itre ijine icasikeu, ngo thaa tro kö a ajolëne la itre xane troa drenge la itre hna qaja. Easë asë hi a kapa la mekune laka, ngacama ketre jole la traqa hmitr, ngo atreine asë hi së troa kuca matre, troa canga traqa pala hi kowe la itre hna icasikeu.
Nyima 86 me thithi ne nyipun.