Nemene La Nyine Tro Ni a Qaja?

Nyipici laka, ame la easë a iöhnyi memine la itre atr ka drei së ngöne la hna cainöje trootro, easë a canga thele hmaca troa wai angatre troa hamëne la itre xaa ithuemacanyi ju kö. Ngo easë a nango luelue pine laka, thatrepengöne hnyawa kö së la nyine troa qaja matre troa ahlëne la aja ne la atr ngöne la kola troa iwai hmaca. Ijije hi tro epuni a kuca tune la: Qaja jë la ketre hnying, nge thupene lai, fe jë la itus Comment raisonner matre troa amamane la itre mekune qa hnine la Tusi Hmitrötr, ka sa la hnyinge cili. Troa ketre ixatua ka tru koi së, e hne së hna hnëkëne la nyimu hnying, nge easë a iëne jë la caasi hne së hna öhn, ka hmaloi troa sa hnyawa, thatraqane la ketre ijine kola troa iwai hmaca. Hane cahu itre hnying, hna xome qa hnine la itus Comment raisonner; hetrenyi la itre numero, celë hi itre götrane la itusi lai ka troa ee së troa xome la itre mekune ka sa la isa hnyinge cili:

◼ Hapeu, nyipici laka, tro la atr a elë hnengödraieë, matre troa kapa la nyipi manathith? (62)

◼ Hapeu, hetrenyi kö la itre nyipi kepine troa lapaune koi Akötresie? (106)

◼ Hapeu, Akötresieti kö a hane wangatrune la itre ewekë ka traqa koi së itre atr? (107)

◼ Pine nemene matre nyipi ewekë catre troa atre, me qaja la ëje i Akötresie, ene Iehova? (200)

◼ Pine nemene matre kola elë menu la ngazo enehila? (237)

◼ Pine nemene matre easë a qatre trootro me mec? (253)

◼ Pine nemene matre nyimutre catre hnei hmi enehila? (310)

◼ Nemene la aqane troa atrehmekune la nyipi hmi? (316)

◼ Nemene la ewekë hna troa kuca hnene Baselaia i Akötresie? (336)

◼ Hapeu, Satana la ka musi hune la fene enehila? (368)

◼ Pine nemene matre Akötresieti a nue la akötr? (375)

◼ Nemene la aliene la mele ne la atr? (434)

Atreine hi tro epuni a amë hnine la Tusi Hmitrötre i epun, maine hnine itus Comment raisonner pena, la itre hnyinge celë, matre troa canga xome itre eje ngöne ijine ka ijij. Tro së a catre troa wange hmaca pala hi la itre atr ka drei së, e lualai nge maca hnyawa ngöne la mekune së la ewekë nyine tro së a ithahnatane ngöne la easë a troa iwai hmaca.