Göi Itre Icasikeu Ne Huliwa Ne Treu Nofeba
Koi 3 Nofeba Me Wiike Cili
Nyima 48
10 men: Itre ithuemacanyi koi së. Xome jë la itre mekune qa ngöne la Itre Hna Amekötiin hnine la Huliwa ne Baselaia. “Maca ka loi jëne Internet”. Qaja jë la rapore ne huliwa ne cainöj, ngöne la nöj, me ngöne la ekalesia. Ithuemacanyine jë fe la hna amekötine göi cainöje trootro e 11 nofeba.
15 men: “Nemene La Itre Hne Së Hna Troa Kuca Ngöne La Hnedrai Hedredrei ?” Cainöje hna troa kuca hnene la ketre qatre thup, nge troa ce ithahnatane fe la itre xaa mekune memine la itre atrene la icasikeu. Xatuane jë la itre trejine asë troa catre xome la huliwa ne cainöj, nge qeje pengöne ju fe la nyine troa kuca matre troa hamëne la itre rapore ne cainöj, ngöne la drai hna sa.
20 men: “Loi e Troa Nyipi Ewekëne Hnyawa Lo Itre Atr Ka Kapa La Itre Ithuemacanyi Ne La Baselaia.” Troa ce ithahnatan. Iamacanyine jë la itre aqane nyiqaane ithahnata ngöne paragarafe 6. Amamane jë la aqane troa nyiqaane la etid, jëne la ketre e itre ej.
Nyima 144 me thithi ne nyipun.
Koi 10 Nofeba Me Wiike Cili
Nyima 51
10 men: Itre ithuemacanyi koi së. E jë la hna ithingë. Thuemacane jë la ekalesia, la etrune la teritore ka lapa pe, hna troa hamë la Itre Ithuemacanyi Ne Baselaia No. 35. Xatuane jë la itre trejine asë troa afenesine hnyawa la huliwa ne tro fë tarak, me catre cainöje ngöne la wiike tixenuë celë.
15 men: Itre ihaji koi së.
20 men: “Amamane Jë La Ihnimi Së Kowe La Itre Ka Faipoipo Ka Thaa Ce Hmi Kö Me Easë.” Troa ce ithahnatane la itre mekune celë hnene la lue qatre thup, ka ajane troa atrepengöne hnyawa la ketre e nyidro lue trefëne ka tha hmi kö. Tro nyidroti a wangatrune hnyawa la itre ixatua hna hamëne ngöne La Tour de Garde ne 15 Mei 1989, götrane 17-18, paragarafe 6-9. Qaja jë fe la itre ewekë hna melëne hnene la itre xaa trejine ngöne La Tour de Garde ne 1 Okotropa 1995 götrane 10-11, paragarafe 11-12.
Nyima 148 me thithi ne nyipun.
Koi 17 Nofeba Me Wiike Cili
Nyima 53
10 men: Itre ithuemacanyi koi së. Hane jë fe qaja la itre ewekë ka traqa ngöne lo ijine kola tro fë la Itre ithuemacanyi Ne La Baselaia No. 35.
20 men: “Saqe Jë Troa Xome La Ijine Ka Ijije Celë!” Cainöje hna xome qa ngöne La Tour de Garde ne 15 Nofeba 1996 götrane 21-3.
15 men: “Nemene La Nyine Tro Ni A Qaja?” Troa ce ithahnatan. Xome jë la itus Comment Raisonner ngöne la pane paragarafe ne la götrane 8, nge qaja jë la eloine la itusi celë, pine laka, hna kuca eje matre troa xatua së troa cainöje me ithahnatane la nöjei pengöne topike ne la Tusi Hmitrötr. Iamacanyine ju lai, jëne la caasi maine lue iamacanyi hna hnëkëne hnyawa.
Nyima 151 me thithi ne nyipun.
Koi 24 Nofeba Me Wiike Cili
Nyima 56
8 men: Itre ithuemacanyi koi së.
15 men: Loi e troa hetrenyi la thiina ka loi ngöne la itre hna icasikeu göi Ini Tus. Easë a madrine la aqane kepe së hnene la itre fami ka nue la ketre götrane la hnalapa i angatr, thatraqane la Ini Tusi ne la ekalesia. Ketre huliwa ka tru la troa hnëkëne la uma, nge ketre, kola hnengazone matre thaa tro kö a hetre ejolene la icasikeu cili. Qa ngöne lai, ame ngöne la easë a sine la Ini Tus, loi e tro pala hi së a hetrenyi la thiina ka loi, me amamane la metrötre së, memine la aqane nyipi ewekëne së la hnalapa; celë hi matre: (1) Loi e tro së a köle la itre ibutre së qëmekene troa lö hnine la uma, wanga troa adrone la itre ixöe maine moquette pena. (2) Loi e tro fe la itre keme me thine a goeëne me thupëne la itre nekö i angatr, matre tro nyudrene a hetrenyi la thiina ka loi, me lapa hnyawa ngöne la göhnë hna amekötine thatraqane la Ini Tus. (3) Maine coco hi la etrune la itre atrene la Ini tus, nge nango isapengöne memine lo itre xaa icasikeu, loi e tro së a heetre hnyawa tune lo easë a troa atrunyi Iehova ngöne la itre uma ne Baselaia, pine laka, ame la Ini Tus, celë hi ketre icasikeu ne la ekalesia. (4) Loi mina fe troa isa canga tro koi isa hnalapane thupene la hna icasikeu, thaa tro kö a qea menu pala ha la hna porotrik; loi e troa mekune la atrekë hnalapane me lapa i angeic. (5) Maine hna mekune ngöne la itre xaa ijine hnene la atrekë hnalapane hna Ini Tusi ngön, troa kuci hnepe tri thupene la hna Ini Tus, loi e tro asë hi së a atre laka, qanyi mekune i angeice kö, ngo thaa hna amekötine kö lai hnei organizasio.
22 men: Loi e Troa Itretre Drenge La Itre Atr, Ini Angatre Jë. Kola troa ce ithahnata hnene la qatre thupe memine la könitre maine foa lao atre cainöj; kola troa sa la itre hnyinge hna xome qa hnine la itus Notre ministère, götrane 88-92: (1) Pine nemene matre nyipi ewekë catre troa iwai hmaca, maine easë a ajane troa hetre thangane la huliwa ne cainöje së? Nemene la jole hna troa qëmeke kow hnene la ketre atr ka troa iwai hmaca? (2) Pine nemene matre easë a thele catrëne troa nyiqaane inine la Tusi Hmitrötre memine la itre atr? Tuneka la aqane tro së a inamacane ngöne la aqane troa elemekene la etid? (3) Pine nemene matre, nyipi ewekë catre troa eatrongëne la itre hnainine kowe la organizasio? Nemene la aqane tro së a kuca lai? Angatre fe a troa qaja la aqane xatua angatre ngöne la itre götrane celë, hnene la sinecetrone la Huliwa ne Baselaia ne Juun 1996, me 6 Maac me Eiperem 1997.
Nyima 160 me thithi ne nyipun.