Göi Itre Icasikeu Ne La Huliwa Ne Treu Mei
Koi 5 Mei Me Wiike Cili
Nyima 130
10 men: Itre ithuemacanyi koi së. Iëne jë la itre xaa ithuemacanyi qa hnine la Huliwa ne Baselaia. Thuemacane jë la icasikeu, göi itre hna amekötine thatraqane la huliwa ne cainöje e drai menu 8 Mei, e maine ijij.
12 men: “The Mano Kö Troa Xötrethenge Iesu.” Troa ce ithahnatan. Qaja ju fe la itre ewekë hna melëne hnene la itre xaa trejin, a hna cinyihane ngöne La Tour de Garde ne 1 juun 1993, götrane 12.
23 men: “Amamane Jë Laka Epuni a Hane Hnime La Itre Atr Ka Drei Epun.” Troa ce ithahnatan. Amamane jë la enyipiewekëne la troa wange hmaca la nöjei atr asë ka drei së. Hamëne jë la itre xaa mekune ka lolo, ngöne la aqane troa hnyingëne la aderesi ne la itre atr hne së hna iöhnyi memine ngöne la itre götrane gaa tru atr; ketre matre atreine tro së a wai angatre hmaca troa sisedrëne la porotrike së. Tro la itre xaa trejine a iamacanyine la lue aqane nyiqaane ithahnata hna hamëne ngöne la paragarafe 6-9. Wange hmaca ju la itre mekune hna eköhagen, hna hape, “Aqane Troa Hetre Thangane Ka Loi Ngöne La Kola Iwai Hmaca,” ngöne götrane 3 ne la sinetrongene la Huliwa ne Baselaia ne Maac 1997. Xatuane jë la itre trejine asë troa hnëkëne ngöne la nöjei wiike la itre ijine troa iwai hmaca.
Nyima 151 me thithi ne nyipun.
Koi 12 Mei Me Wiike Cili
Nyima 133
10 men: Itre ithuemacanyi koi së. Troa cile fë la hna ithingë. Qaja ju fe la itre hna amekötine thatraqane la huliwa ne cainöje e thupene hmi 19 Mei.
15 men: Kola Sa La Itre Hnyinge i Nyipunie. Cainöje hna troa kuca hnene la ketre qatre thup.
20 men: Cainöje hna troa kuca hnene la seketere ne la ekalesia; troa xome la itre mekune qa hnine la itus Organisés pour bien remplir notre ministère, götrane 106-108, “La raison d’être des rapports.” Loi e troa hamëne la itre mekune hmekune la itre hna ajane ngöne la ekalesia. Qaja hnyawa jë la kepine matre nyipi ewekë catre troa hamëne ngöne la nöjei treu la itre rapore ne la hna cainöje trootro. Ketre, qaja ju fe la nyine troa kuca hnene la ka cainöj, maine thëthëhmine pë hë angeice troa hane hamëne la rapore i angeice ngöne la drai hna sa. Amamane jë la eloine la troa xomi not ngöne la nöjei drai ne easë a cainöje trootro, ngo thaa tro kö a treqene e pune treu. Hamëne ju la itre xaa ewekë ka ijije nyine troa amekunën.
Nyima 162 me thithi ne nyipun.
Koi 19 Mei Me Wiike Cili
Nyima 139
10 men: Itre ithuemacanyi koi së.
20 men: “Loi e Troa Inine La Tusi Hmitrötre Kowe La Itre Atr Ngöne La Itre Hnalapa.” Tro la ketre trejine ka maca troa cainöj, a ithahnatane la hna cinyihane celë memine la caasi maine lue ka cainöje ka atreine xomiujine la itre etid. Troa xome nyine ceitun, la itre xaa hnepe mekune qa hnine la itus Connaissance, nge troa hamëne la itre ini ka xatua angatre troa akökötrene pala hi la etid matre cile huti ej; ketre, nyine tro fe angatre a atrehmekune hnyawa la hna inine hnene la ka etid.—Wange ju la sinetrongene la Huliwa ne Baselaia ne Juun 1996, paragarafe 5, 8, 12, me 21.
15 men: Itre ihaji koi së, maine cainöje ngöne la hna cinyihane hna hape, “Pourvoir aux besoins de sa maisonnée—comment relever le défi dans les pays en développement” ka eje ngöne La Tour de Garde ne 1 Okotropa 1996, götrane 29-31.
Nyima 165 me thithi ne nyipun.
Koi 26 Mei Me Wiike Cili
Nyima 148
15 men: Itre ithuemacanyi koi së. Wange ju la itusi nyine troa trofë e treu juun. Xome jë la itus Connaissance, nge qeje pengöne jë la aqane troa huliwane la itre mekune ka eje ngöne la paragarafe 17-19 ngöne götrane 10-11, matre troa hnëkëne la ketre aqane nyiqaane ithahnata ka xoxopatr. Xatuane asë jë la itre trejine troa thele troa nyiqaane etidi memine la itre atr. Amamane jë laka nyipi ewekë troa xatuane la itre atr ka hni ka ajane troa kökötre nyimenyim.—Wange ju La Tour de Garde ne 15 januare 1996, götrane 13-14.
12 men: “Pine Nemene Matre Easë Pala Hi a Bëek?” Troa ce ithahnatan. Qaja ju fe la itre mekune hna eköhagene ngöne la itus Prédicateurs, götrane 570.
18 men: Itre ihaji koi së. Cainöje hna troa kuca hnene la ketre qatre thup, maine troa ce ithahnatane hnene la lue qatre thup, la hna ajane ngöne la ua hnene la ekalesia. Hamëne ju la itre ixatua qa hnine la Tusi Hmitrötr, me itre xaa mekune ju kö ka hetre thangan, matre nyine loi kowe la ekalesia asë.
Nyima 174 me thithi ne nyipun.