Göi Itre Icasikeu Ne La Huliwa Ne Treu Okotropa
Koi 7 Okotropa Me Wiike Cili
Nyima 47
10 men: Itre ithuemacanyi koi së. Iëne jë la itre ithuemacanyi qa hnine la Huliwa ne Baselaia. Troa cile fë la thangane la hna cainöje trootro ngöne la treu Juun, rapore ne la nöj, me ekalesia.
15 men: Kola Sa La Itre Hnyinge i Nyipunie. Troa ce ithahnatane la itre mekune memine la itre atrene la icasikeu, hnene la atre thupëne la huliwa ne cainöj, maine ketre qatre thupe pena.
20 men: “Isa hnëkëne jë la aqane troa tro fë zonal.” (Paragarafe 1-7) Hnyinge jë ngöne la itre paragarafe 1-4, nge kuca jë la lue iamacany maine könitre pena ka xoxopatr, matre troa amamane la aqane troa hamëne la itre zonal, jëne la itre mekune ngöne la itre paragarafe 5-7. Hamëne ju fe la itre xaa mekune hna xome qa hnine La Tour de Garde ne 1 Maac 1987, götrane 17, paragarafe 8-9.
Nyima 222 me thithi ne nyipun.
Koi 14 Okotropa Me Wiike Cili
Nyima 39
10 men: Itre ithemacanyi koi së. Cile fë jë la hna ithingë.
15 men: “Cainöjëne jë së la maca ka loi ne la ewekë ka sisitria.” Troa ce ithahnatan. Qaja ju la itre xaa mekune ka tru ngöne la itre hna cinyihane e hnine La Tour de Garde.— goeëne ju La Tour de Garde ne 1 Maac 1987, gotrane 13.
20 men: “Isa hnëkëne jë la aqane troa tro fë zonal.” (Paragarafe 8-11) Troa ce ithahnatan. Qaja ju fe la foa lao mekune qa ngöne La Tour de Garde ne 1 Januare 1994, gotrane 24-5, paragarafe 18-21. Xome jë la ketre zonale ne treu Okotropa, nge amamane jë la aqane troa hnëkëne la aqane troa tro fë ej: (1) Iëne jë la ketre hna cinyihan, ka troa ahlëne la aja ne la itre atr ngöne la teritoare i epun, (2) Thele jë la ketre mekune ka tru, nyine troa qaja atrun, (3) Hnëkëne jë la ketre hnyinge matre jëne troa traqa kowe la mekune cili, (4) Maine kola hamë ijine koi së hnene la atr, wange ju la ketre xötre nyine troa e, nge (5) Hnëkëne jë la itre pane trengewekë nyine tro epuni a qaja, memine fe la hnei epuni hna troa ithahnatane ngöne la zonal, jëne tro lai a upe la atr troa abone. Troa isa amacane la ketre aqane troa tro fë ithahnata hnene la lue ka cainöj, maine könitre pena. Troa amacane fe hnene la ketre thöthi la ketre aqane troa tro fë zonale ka thaa jole kö.
Nyima 82 me thithi ne nyipun.
Koi 21 Okotropa Me Wiike Cili
Nyima 169
15 men: Itre Ithuemacanyi koi së. Qeje pengöne ju la aqane troa nyiqaane la itre gojenyine trofë zonal: (1) Fejane ju la ëje ne la nöjei zonale hna hamën, memine la hna cinyihane hna ithahnatan, (2) wange jë matre troa bëeke hmaca fë la itre xaa zonale hna troa xötrei kapa, nge (3) amë ju ngöne la porogarame ne cainöje i epuni ngöne la wiik, la ketre ijine troa iwai hmaca. Loi e troa abone la itre atr. Mekune hnyawa kö laka, tro pala hi a fejane kösë caa iwai hmaca, e a caa tro fë zonale ka hnyipixe kowe lo itre atr hne së hna majemine hamë zonale kow.
15 men: “Huliwane hnyawa jë la teritoare i epun.” Ithahnatane jë lai hna cinyihane memine la itre hna hnëkëne göi troa cainöje ngöne la itre götrane hnë thele mani. Upe jë la itre atrene la icasikeu troa edromëne la itre xaa ewekë nyine ithuecatre nge jëne madrin, hnei angatre hna melëne ngöne la angatre a cainöje trootro ngöne la itre magazë ka eje ngöne la teritoare i angatr.
15 men: Itre Ihaji koi së. Maine cainöje pena hna troa cile fë hnene la ketre qatre thup, tro angeice a xome La Tour de Garde ne 1 Mei 1996 götrane 21-4, me ithahnatane la itre mekune e hnine la hna cinyihane hna hape, “Gardons fermement confiance jusqu’à la fin”.
Nyima 12 me thithi ne nyipun.
Koi 28 Okotropa Me Wiike Cili
Nyima 27
10 men: Itre ithuemacanyi koi së. Pine laka tru catre hnei ijine mano ngöne la itre treu Nofeba me Diseba, maine qa ngöne hna huliwa i maseta, maine qa ngöne hna ini, haawe, xatuane asë jë la nöjei ka cainöje troa xome la huliwa ne pionie ka ixatua. Ketre, troa canga amekunëne asë la itre trejine me xatua angatre troa hamëne la itre rapore ne cainöj ne treu Okotropa, e mecixeni me sabath.
20 men: “Troa anyipiewekëne tuneka la traeme së enehila.” Troa ce ithahnatan. Qaja ju fe la itre mekune qa hnine La Tour de Garde ne 1 Diseba 1989, gotrane 16-17, paragarafe 7-11.
15 men: Ce wange ju la itusi nyine troa tro fë ngöne la treu Nofeba. Troa hamëne la itus Connaissance, nge pane catre jë troa wange hmaca lo nöjei atr hna hamë itusi kow, me thele troa nyiqaane inine la Tusi Hmitrötre me angatr. Tro la lue ka cainöj, maine könitre a ithahnatane la enyipiewekëne la itus, memine la aqane troa huliwane ej. Eje a qatrenge la ketre ithuemacanyi ka ketr la mele ne la nöjei atr asë, ngacama nyimutre nge isa pengöne la aqane mele i angatr. Eje fe a qaja asë la itre topik me itre trepene meköti ka sisitria qa hine la Tusi Hmitrötr, nge nyipiewekë catre troa trotrohnine hnyawa itre eje hnene la itre ka xötrei etid, qëmekene la tro angatre a xome la bapataiso. Maine tro së a tro xome hnyawa pala hi la etid, me thupëne matre thaa tro kö a nyimenyime menu la aqane troa kuca, atreine hi tro la hna inin a canga kökötre ngöne la atrehmekune qa thei Akötresie. Ithahnatane jë me amacane la aqane troa nyiqaane mekötine la etid: Wange hmaca ju la iatr memine la itre mekune hna fejane fene ej, ngöne götrane 4-5; Qeje pengöne jë fe la aqane troa etid; Ithahnatane ju hi la pane faifi lao paragarafe ne la mekene 1; isapui hmaca ju matre troa bëeke hmaca me sisedrëne lo lai porotrik, me sa la hnyinge hna hape, Hapeu, pu ne jidri la kola qaja kape, troa mele palua? Qaja atrune jë la madrine hna kapa qa ngöne la hnëqa ka sisitria celë, ene la troa inine la Tusi Hmitrötre kowe la itre atr ngöne la itre hnalapa i angatr.
Nyima 162 me thithi ne nyipun.