Göi Itre Icasikeu Ne La Huliwa Ne Treu Ogas
Koi 5 Ogas Me Wiike Cili
Nyima 56
10 men: Itre ithuemacanyi koi së. Xome jë la itre mekune qa ngöne la Itre Hna Amekötiin hnine la Huliwa ne Baselaia. Qaja jë la itre hna hnëkëne thatraqane la huliwa ne cainöje e 15 ogas.
20 men: “The Mano Kö Troa Qaja Trongëne La Maca Ka Loi.” Cainöje, nge troa ce ithahnatan. Qaja ju la itre mekune hna iëne qa hnine la itus Auxiliaire pour une meilleure intelligence de la Bible, page 1216, § 7.
15 men: “Qaja Trongëne Jë La Maca Ka Loi Ne La Baselaia Jëne La Itre Boroshür.” (Paragarafe 1-5) Xome jë la pane paragarane göi troa nyiqaane la cainöj. Qaja ju lai itre mekune ka ithuecatre göne la itre eloine la troa tro fë trongëne la boroshüre hna hape Mele e celë fene hnengödrai, me Voici ngöne la hna cainöje trootro. Ce wange ju la foa lao iamacanyi hna hnëkëne hnyawa, nyine amamane la aqane troa tro fë la itre boroshüre celë, me ngöne fe la ijine iwaihmaca. Tro la ketre thöthi ka cainöje hë, a kuca la ketre iamacanyi nyine amamane la aqane troa tro fë la boroshüre Mele e celë fene hnengödrai, nge troa xatua angeice hnene la keme maine thine i angeic. Ma tro la itretre cainöje a xome la tulu ne la itre aqane tro fë hna hamëne kowe la itre xaa boroshüre hnei angatre hna mekune troa tro fë.
Nyima 136 me thithi ne nyipun.
Koi 12 Ogas Me Wiike Cili
Nyima 192
15 men: Itre ithuemacanyi koi së. E jë la hna ithingë. Qaja ju la itre mekune ka ithuecatre ngöne la taane mekune ka co hna hape “Différentes façon de donner” hnine La Tour de Garde ne 1 diseba, 1993, götrane 29-31.
15 men: “Qaja Trongëne Jë La Maca Ka Loi Ne La Baselaia Jëne La Itre Boroshür.” (Paragarafe 6-8) Hamëne jë la itre mekune ka tru ne la boroshüre Mus, ngo thaa tro pe a aqean. Kuca ju la itre iamacanyi hna hamën, nyine amamane la aqane troa tro fë, me aqane iwaihmaca. Xatuane asë jë la itre trejine troa wange hmaca la itre atr ka xome la itre boroshür.
15 men: “Itre Ahnahna Kowe La Sasaiatri Nyine Akökötrene La Huliwa Ne Cainöje e Cailo Fene Hnengödrai.” Cainöje hna kuca cememine la madrine hnene la ketre qatre thup. Qaja ju la itre xaa rapore ka amamane la aqane kökötre la huliwa ne Baselaia, ngöne la itre xaa nöje ka mama, hna e ngöne la itus Annuaire.
Nyima 9 me thithi ne nyipun.
Koi 19 Ogas Me Wiike Cili
Nyima 174
10 men: Itre ithuemacanyi koi së. Kola Sa La Itre Hnyinge i Nyipunie.
15 men: “Drei La Ka Ijije Troa Cainöje Trootro?” Tro la ketre qatre thupe a ce ithahnatane la taane mekune celë, memine la luetre maine köni ka cainöj. Amamane hnyawa ju laka, ijiji easë asë hi troa kapa la ini ka sisitria, ini ka troa aijijë së troa itretre hlue i Akötresie. Thatreine kö tro së a mekune ka hape, thaa ijiji së kö troa cainöj.
20 men: “Aqane Troa Inine La Itre Atr Jëne La Itus Connaissance.” Ce ithahnatane jë la itre paragarafe 17-26 ne la sine trongene la Huliwa ne Baselaia ne treu juune 1996. Canga hnëkë jë matre, hane qaja fe la itre hna melëne hnene la itre ka kuca la itre etid, jëne la itus Connaissance. Loi e tro angatre a isa qaja la itre mekune nyine ixatua, ngöne la aqane trongëne angatre la itre mekune qa hnine la sine trongene la Huliwa ne Baselaia, memine fe la aqane xatua angatre troa xomiujine trootro la itre atr ka etid, matre hetre thangane la ini tusi ngöne la hnalapa. Xatuane asë jë la itre trejine troa amë hnyawa la sine trongene la Huliwa ne Baselaia, me isa wange hmaca eje ngöne la kola nyiqaane la ketre etid ka hnyipixe.
Nyima 189 me thithi ne nyipun.
Koi 26 Ogas Me Wiike Celë
Nyima 104
10 men: Itre ithuemacanyi koi së. Ce wange ju la taane mekune hna hape, “Porogarame Ka Hnyipixe Ne La Asabele Ka Ketre Pengöne Ka Caa Drain.”
20 men: Wangatrune jë la hna ini hnene la itre nekö i epun me xatua angatre la itre qa i angatr. Cainöje hna troa kuca hnene la ketre qatre thup. Ce wange ju la itre mekune qa hnine la boroshüre Les Témoins de Jéhovah et l’instruction, götrane 2-5, nyine amamane la kepine matre easë a madrine la thangane ka loi, hna kapa qa ngöne la hna ini. Amamane jë la aqane troa ithahnatane ngöne la hni ka menyike kowe la itre ka ini, la kepine matre, easë a amë panëne la itre aja ngöne la ua, hune la troa thele la ketre göhnë ka tru e celë fen. Qaja ju fe la itre mekune qa hnine la Réveillez-vous!, ngöne la taane mekune hna hape, “Conclusion,” götrane 31. Xatuane jë la itre keme me thine troa trongëne la itre mekune hna hamëne ngöne la Réveillez-vous! ne 8 semitrepa, 1988, götrane 11.
15 men: Ce wange ju la itre itusi nyine troa tro fë e treu semitrepa. Tro së a tro fë la itus La vie: comment est-elle apparue? Évolution ou création? Amamane jë la itre taane mekune ka kösau ne la itusi celë. Hetrenyi ngöne la itre mekene 1-15 la itre mekune ka nyimutre, nge ka isazikeu göne la aqane xulu la mel e celë fen; nge kola amejëne ngöne la mekene 16 la hnyinge ka ketr la fene hnengödrai me hnengödrai, kola hape “Pine nemene matre Akötresie a nue la akötre?”; ame ngöne la itre mekene 17-18, ke, kola eköthe la lapaune kowe la Tusi Hmitrötr, kösë la Wesiula i Akötresie nyine tro së a mejiune kow; ngöne la itre mekene 19-20, kola amamane atrune la maca ka loi ne la Baselaia, göne la mele ka thaa ase palua kö ngöne la paradraiso e celë fen, memine la aqane troa hetrenyi la manathithi celë. Tro la ketre atre cainöje ka atreine a amamane jëne la caa iamacanyi ka xoxopatr, ngöne la aqane troa tro fë la itus Creation. Maine hetrenyi pala kö la itre itusi celë ngöne la ekalesia, ene la itre itus, Comment s’assurer une vie de famille heureuse, maine Vous pouvez vivre éternellement sur une terre qui deviendra un paradis, ke, ijije troa tro fë itre ej.
Nyima 113 me thithi ne nyipun.