Göi Itre Icasikeu Ne La Huliwa Ne Treu Eiperem
Koi 1 Eipereme Me Wiike Cili
Nyima 132
10 men: Itre ithuemacanyi koi së. Iëne la itre mekune qa hnine la Itre Hna Amekötiin e hnine la Huliwa ne Baselaia. Qaja jë la etrune la itre ka sine la Drai ne Amekunën.
20 men: “Loi e Troa ‘Catr Ngöne La Nöjei Huliwa Ka Loi’ e Treu Eiperem!” Troa ce ithahnatane la itre paragarafe 1-10 hnene la atre thupëne la huliwa ne cainöj. Qejepengöne jë (1) la hna hnëkëne koi së ngöne la huliwa ne cainöje trootro e treu eiperem, (2) la aqane troa xatuane la nöjei trejine troa hane cainöj, memine (3) me aqane troa xatuane fe la itre ka xötrei cainöje me itre thöth.
15 men: “Thele Jë La Itre Atr Ka Hni Ka Ajan.” Ce wange ju la itre aqane troa tro fë hna hamëne hë, nge thupene lai kuca ju la lue iamacanyi ka amamane la aqane troa qaja itre ej. Maine ijij, ke, qaja jë la itre xaa mekune göi troa tro fë trongëne la itre zonal, hna cinyihane hnine la Huliwa ne Baselaia ne semitrepa, 1995, götrane 5.
Nyima 20 me thithi ne nyipun.
Koi 8 Eipereme Me Wiike Cili
Nyima 72
15 men: Itre ithuemacanyi koi së. E jë la hna ithingë; qaja ju la itre ahnahna hna kapa qa thei Sasaiatri. Ithahnatane jë la itre mekune ka ijije troa xatuane la itre ka xötrei sine la Drai ne Amekunëne matre atreine troa kökötre ngöne la ua. Ce wange ju La Tour de Garde, 1991, götrane 9-12.
15 men: “Nyi Hlue i Akötresieti Jë Ngöne La Lai Me Jidr.” Troa ce ithahnatan. E jë la itre paragarafe 5 me 6.
15 men: “Loi e Troa ‘Catr Ngöne La Nöjei Huliwa Ka Loi’ e Treu Eiperem!” Troa ce ithahnatane la itre paragarafe 11-15. Xatuane asë jë la itre trejine troa wange hnyawa la pengöi angatr, me thele jëne troa catre sajuëne la huliwa ne cainöj.
Nyima 113 me thithi ne nyipun.
Koi 15 Eipereme Me Wiike Cili
Nyima 133
10 men: Itre ithuemacanyi koi së. Amekunëne ju la itre atrene la icasikeu la cainöje ka ketre pengöne e drai 21 eiperem, hna nyi taane ka hape “Troa lapa pë engazone ngöne la xötre ka qaliqali.” Xatuane asë jë la itre trejine troa catre könëne la itre atr troa hane sine la icasikeu nngöne la ijine cili.
15 men: “Kola Saze La Hnedrai Së.” Troa ce ithahnatan. Qaja atrune jë la aqane troa tro fë la maca ne Baselaia, ene la troa thele jëne troa ketr la itre ewekë hna ajane catrëne hnene la itre atr. Qaja jë la itre jole hna qëmeke kow hnene la itre fami, itre jole ka ketr la aliene la hni ne la itre atr, memine la itre jole ngöne la aqane imelekeu ne la itre atr, itre jole lai hna lapa mekune hnene la itre atr ka alanyimu, hna cinyihane ngöne La Tour de Garde ne 1 januare, 1994, götrane 22-3.
20 men: “Celë Hi Mate Lapaune Ngöne La Hna Deng.” Qaja jë la aqane troa huliwane la itre zonale hna amë pe matre troa xomexatuane la aja kowe la ini Tusi Hmitrötre jëne la itus Connaissance. Kuca jë la luetre maine köni iamacany.
Nyima 204 me thithi ne nyipun.
Koi 22 Eipereme Me Wiike Cili
Nyima 6
15 men: Itre ithuemacanyi koi së. Ce wange ju la itre mekune ka tru ne la cainöje ka ketre pengöne hna hamëne lo mecixenyi maine sabathi hnapan. Ithahnatane jë la aqane tro la ihaji a upe la itre ka xötrei traqa troa hane catre ngöne la nyipi hmi. Haawe, xatua angatre jë “Tro Pala Hi a Kökötre Ngöne La Atrehmekune i Akötresie,” nge amamane jë la enyipiewekëne la troa sine pala hi la ini tus ne la ekalesia.
12 men: Kola Sa La Itre Hnyinge i Nyipunie. Cainöje hna troa kuca hnene la ketre qatre thup. Qaja jë la kepine matre tha loi kö tro la itre ka cilëmekene la itre icasikeu a hëne la itre atr jëne la itre ëje hna majemine qaja, ene laka tro hi a qaja la itre ëje i angatr.
18 men: Troa ithahnatane hnene la ketre qatre thup memine la ketre drikona la hna cinyihane hna hape “Itre fami ekö ka thiina ka ijiji Akötresie—Ketre tulu kowe la hnedrai së enehila,” hna cinyihane ngöne la götrane 20-3 ne La Tour de Garde ne 15 semitrepa, 1995. Qaja ju la mekune ka ijije matre troa öhnyi thangane ka loi hnene la itre fami e celë.
Nyima 143 me thithi ne nyipun.
Koi 29 Eipereme Me Wiike Celë
Nyima 144
12 men: Itre ithuemacanyi koi së. Hnene la itre xaa atr hna qeje itre Temoë i Iehova ka hape itre “heretikon,” maine “ketre wapicine la hmi” a kola amenune la itre xane hnene la itre huliwa së me itre aja së. Xome jë la itus Comment raisonner, götrane 396, nge qaja jë la itre mekune nyine troa sa hmekune la mekune cili.
15 men: Waipengöne hnyawane ju la nöjei götrane la teritoare së. Cainöje hna troa kuca hnene la atre thupëne la huliwa ne cainöj. Maine jë tha hna huliwane lapane kö la itre götrane ga nany. Ma hnei itre xane jë hna xou troa kuca lo itre götrane hna lapa ngön, hnene lo itre ka trene mo, maine itre atr ka hmi catre pena. Ma hna wangacone la itre teritoare hnë thele mani. Ma hna sipone pala hi hnene la itretre cainöje la itre teritoare hna ajane troa kuca hnei angatr, nge tha hane kö ketr lo itre xane pena. Maine hetrenyi la ekalesia la ketre teritoare ka nany, ke, loi e troa hnëkë hnyawa; maine jë troa hnëkëne la ketre loto memine la itre atren. Ngöne la itre götrane ka ijije troa cainöje ngön e nöjei ijin, ke, nyipi ewekë tro la itretre cainöj a hnëkë hnyawa, me xölehuje la nöjei ijine troa cainöj. Maine hna wathebone la huliwa ne cainöje trootro ngöne la itre hnalapa, ke, ma ijije tro la itretre cainöj a isa wange la itre sine ce elo i angatr, maine itre sinee i angatre pena. Ame itre xaa ka cainöj, ke, hetre ijine hnei angatre hna amë göi troa kuca lai. Loi e troa sipone kowe la itre hene nöj e itre xaa ijin. Loi e troa axeciëne laka hna huliwane hnyawane la teritoar, memine la itre hnalapa ka pë atren, qëmekene la troa bëeke hmaca. Ame itre xan, tha ajane kö angatre troa wai angatre ngöne la hnalapa i angatr, ngo ame itre xaa ijin, ke, angatre a kapa la ketre atre cainöje hnei angatre hna atre. Qaja jë la itre xaa mekune ka ijije ka amamane la aqane tro la nöjei trejine a ketre ixatua ka tru e hna kuca hnyawa la itre teritoar.
18 men: Troa tro fë trongëne La Tour de Garde me Réveillez-vous! e treu Mei. Amamane jë hi la caasi ngöne lue ej. Ngöne la itre teritoare hna huliwane lapan, ke, hamëne ju la itre boroshür (tha ene kö la boroshür Instruction me Ecole). Fejane hnyawane ju la etrune la itre zonale hnei epuni hna amë matre thuejë i epuni troa acile la ketre gojenyine zonal. The luelue kö troa hnyingëne lai atr ka hape tha ajane jë fe kö angeice troa hane abone. Amamane ju la itre eloine la troa tro fë trongëne la itre zonale tune la ketre jëne ka tru matre troa tro fë la maca ne Baselaia koi nöjei atr. Isa wange hnyawa ju ka hape hetre zonale së kö ngöne la easë a troa cainöje trootro; hamëne jë eje ngöne la nöjei ijine ka ijij. Maine hne së hna isa hnëkë göi troa hane cainöje ngöne lo itre drai hna sa göi troa tro fë la zonal, haawe jëne tro së lai a aelëne la etrune la itre zonale hne së hna troa amë pe thene la itre atr. Tru fe la thangane ka loi qa ngöne la hna hamëne trongëne ngöne itre magazë, me e cahu gojeny. Loi e troa wange hmaca la itre atr ka ajane matre troa nyiqaane inine la Tusi Hmitrötre koi angatr, me xome fe la itus Connaissance. Kuca jë la caasi maine lue iamacanyi göi troa tro fë la itre zonal, maine jë troa xome lo itre mekune hna hamëne hnine lo Huliwa ne Baselaia ne semitrepa, 1995, götrane 3, paragarafe 3-5; nge e jë la paragarafe 6.
Nyima 195 me thithi ne nyipun.