Göi Itre Icasikeu Ne La Huliwa Ne Treu Ogas
ITHUEMACANY: Troa amë ngöne la porogarame ne la Huliwa Ne Baselaia, la Icasikeu Ne Cainöje Trootro göi nöjei wiike ne treu ogas. Loi e tro la itre ekalesia a pane amekötine hmaca matre troa sine la asabele ne distrik hna hape “Itre Nyine Atrunyi Akötresie Ngöne La Madrin,” nge thupene lai troa amë la 30 lao menetre ngöne la porogarame ne la Icasikeu Ne Cainöje Trootro e wiike thupene göi troa amamane la itre mekune ka tru. Troa ce wange hmaca la itre mekune e nöjei drai ne la porogarame ne asabele ne distrik hna troa athipe kowe la luetre maine köni trejine ka atreine ka troa amamane la itre mekune ka tru. E tro së a hnëkë hnyawa göi troa ce wang, ke, tro lai a xatuane la ekalesia troa xölehuje la itre mekune ka sisitria matre isa sipu mekun, me trongën, maine göi troa cainöje trootro pena. Troa qejemekune hnene la itre atrene la ekalesia, me qaja la hnei angatre hna melën, ngo tha tro pe a aqean, nge troa tro meköt.
Koi 7 Ogas Me Wiike Cili
Nyima 118
10 men: Itre ithuemacanyi koi së. Troa iëne la Itre Hna Amekötiin qa hnine la Huliwa ne Baselaia. Amamane hnyawaane ju la itre taane mekune ngöne la itre zonale hna hnyipi kapa ka ijije troa trofë trongën.
15 men: “Nemene La Thina Nyine Tro Së a Melën?” Troa ce ithahnataan.
20 men: “Loi e Tro Epuni a Itretre Inine La Wesiula i Akötresie—Huliwaane Jë La Itre Boroshür.” Tro la trejine hna iëne troa cilefë la taane celë a ce ithahnataane la nöjei mekune e hnine la itre boroshür, memine la itretre cainöj, luetre maine könitre. Thupene lai, tro angatr’a isa amacaane la itre aqane trofë i angatr.
Nyima 137 me thithi ne nyipun.
Koi 14 Me Wiike Cili
Nyima 124
5 men: Itre ithuemacanyi koi së. E jë la hna ithingë.
10 men: Xome jë thatraqai epuni la götrane ka loi ne la ini. Tro la ketre qatre thup’a amamane la aqane tro la ketre keme maine thin’a ithahnata memine la ketre thöthi ka 14-20 lao macatren, ijine hna hëne ka hape adolesa, nekötrahmanyi maine jajinyi pena, göne la aqane troa iëne la itre taane ne ini. Ithahnataane ju la enyipiewekëne la troa iëne la itre taane ka troa xatua angatre troa aeatrëne la hnei angatre hna mekune kow, ene la troa cainöje trootro.—Goeëne ju La Tour de Garde ne 1 nofeba, 1992, götrane 16-18, paragarafe 3-11.
15 men: “Itre Keme Me Thine Ka Madrin!” Cainöje hna troa kuca hnene la ketre qatre thup. Qaja ju fe la itre mekune qa hnine La Tour de Garde ne 15 ogas, 1987, götrane 13-15, paragarafe 14-23.
15 men: Kola Sa La Itre Hnyinge i Nyipunie, e ka ihmeku hnyawa memine la hna melëne ngöne la götrane së. Maine itre ihaji koi së. Maine ketre cainöje ne la taane La Tour de Garde ne 1 mei, 1995 hna hape “Kola hapeu koi epuni la troa ce huliwa memine la itre atr thele mani ka traqa koi epuni?”
Nyima 157 me thithi ne nyipun.
Koi 21 Ogas Me Wiike Cili
Nyima 148
10 men: Itre ithuemacanyi koi së. “Ketre Porogarame Ne Asabele Ne Ca Drai Ka Ketre Pengön.” E atre hë la drai, ke, thuemacane ju la ijine asabele ka troa xulu. Xatuan’asë jë la itre atrene la ekalesia troa hane sin’ej.
15 men: “Tro Së a Isa Hamën’Apexejenyi Së Kowe La Nöjei Huliwa Ka Loi.” Cainöje hna kuca ngöne la madrine hnene la ketre qatre thup qaane la paragarafe 1-9.
20 men: “Tro Së a Isa Hamën’Apexejenyi Së Kowe La Nöjei Huliwa Ka Loi.” Troa ce ithahnataane la itre paragarafe 10-15. Amamane hnyawaane ju la itre ihaji koi së, me itre aqane kuca matre troa hamë ixatua.
Nyima 156 me thithi ne nyipun.
Koi 28 Ogas Me Wiike Cili
Nyima 173
10 men: Itre ithuemacanyi koi së.
15 men: “Itre Iwaihmaca Ka Hetre Thangane Ka Loi Jëne La Aqane Ini Ka Maca.” Ce wange ju la itre mekune ka sisitria, nge troa kuca la caasi maine lue iamacanyi ka tha qea kö.
20 men: Troa trofë trongëne la itus Le plus grand homme e treu semitrepa. Tru catre la ka ajane la itusi celë. Itre hadredre milio lao atr a qaja trongëne laka itretre drei Iesu angatr, me mekune laka angatr’a lapaune kowe la itre hnei nyidrëti hna inin. Nyipiewekë catre tro la itre atr a atrepengöne la ewekë ka aketrepengönë nyidrë hune la itre xaa atr—ame la iamele koi angatr, ke, kola xulu qa ngöne lai. Ame ngöne la mekene 133 ne la itus Le plus grand homme, kola qaja ka hape: “Hna ketri së catre ngöne la easë a mekune la trahmanyi atre catr, me ka hetrenyi la inamacane ka pë san, nge ka maca nyidrëti troa inin, me catre cainöj, nge ka tru la ihnimi nyidrë, me aliene la mekune i nyidrë.” Hnei Tusi Hmitrötre hna aceitunë nyidrëti me (1) ketre atr anyipicin (Ioane 18:37), me (2) ketre atr iamele (Ite Huliwa 4:12), me (3) Joxu (Hna Ama. 11:15). Tro la ketre atre cainöje ka atrein’a amacaane la aqane trofë, nge troa huliwaane la itre xaa mekune cili. Xatuan’asë jë la itre trejine troa cainöj, ene la troa trofë trongëne la itusi e treu semitrepa.
Nyima 178 me thithi ne nyipun.