Göi Itre Icasikeu Ne La Huliwa Ne Treu Mei
Koi 1 Mei Me Wiike Cili
Nyima 43
10 men: Itre ithuemacanyi koi së, me itre mekune hna iëne ngöne la Itre Hna Amekötiin qa hnine la Huliwa ne Baselaia.
15 men: “Maca Ka Loi Kowe La Itre Atr Ka Akötr.” Troa ithahnataane memine la itre atrene la ekalesia, nge kuca ju fe la caasi maine lue iamacany.
20 men: “Itre Ithuemacanyi Ne La Baselaia Ka Ketre Pengöne Thatraqai Nöjei Atr.” Cainöje hna troa kuca hnene la atre thupëne la huliwa ne cainöj, nge troa ce ithahnataan. Pane ce wange ju la itre hna kuca göne la hna trofë trongëne la Itre Ithuemacanyi ne la Baselaia, nge qaja ju fe la aqane sajuëne la itre hna hnëkëne thatraqane la huliwa ne cainöj, memine la hna ce huliwa hnene la itre ka xötrei nyiqaane cainöj. Qaja ju fe la aqane huliwaane la teritoar. Xatuan’asë jë la nöjei ka cainöje troa catre troa hamëne trongëne la etrune la Itre Ithuemacanyi ne la Baselaia hna athipe koi angeic. Amamane hnyawaane ju la enyipiewekëne la troa fejane hnyawaane la itre ka amamai aja, me troa wai angatre hmaca matre nyiqaane inine la Tusi Hmitrötre me angatr. Amacaane ju la aqane troa trofë hna hamën.
Nyima 55 me thithi ne nyipun.
Koi 8 Mei Me Wiike Cili
Nyima 61
15 men: Itre ithuemacanyi koi së. “Epuni Fe, Ijiji Epuni Troa Hane Madrine La Itre Hna Melëne Ka Loi!” E ijije hi la traem, ke, könëne ju la itre atrene la ekalesia troa isa qejepengöne la hnei angatre hna melëne ka ithuecatre ngöne la kola trofë trongëne la Itre Ithuemacanyi ne la Baselaia.
15 men: Itre ihaji koi së. Maine cainöje hna xome qa hnine la hna cinyihane hna hape “Tuneka la aqane tro la itre keresiano a cile kowe la itre ixöjetrij” ngöne La Tour de Garde ne 1 Eiperem, 1995, götrane 26-9.
15 men: “Pine Nemene Matre Nyipiewekë Catre Troa Fejane La Itre Hnalapa Ka Pë Atren?” Troa ce ithahnataan.
Nyima 60 me thithi ne nyipun.
Koi 15 Mei Me Wiike Cili
Nyima 54
10 men: Itre ithuemacanyi koi së. E jë la hna ithingë.
17 men: “Xötrethenge Jë Së La Tulu Së Tune La Itretre Trofë La Lai.” Troa ce ithahnataan.
18 men: Itre ihaji koi së. Maine cainöje hna xome qa hnine La Tour de Garde ne 1 Januare, 1995, götrane 27-31. Kola hape “Troa atre hnyawa la aliene la kucakuca, me iangazo, me ietra.”
Nyima 45 me thithi ne nyipun.
Koi 22 Mei Me Wiike Cili
Nyima 66
10 men: Itre ithuemacanyi koi së. Xatuane jë la itre trejine troa xome la huliwa ne pionie ka ixatua ngöne la itre treu ka troa xulu. Pane ce wange ju la itre mekune ka sisitria hna cinyihane ngöne la itus Organisés pour bien remplir notre ministère, götrane 113-14.
18 men: “La Hatrene Mel.” Troa ithahnataane memine la ekalesia. Troa kuca la caasi maine lue iamacanyi nyine amamane la aqane troa kuca la itre iwaihmaca.
17 men: Itre ihaji koi së. Maine cainöje hna troa kuca, hna xome qa hnine La Tour de Garde ne 1 Diseba, 1994, g. 28-30, hna hape “Ketre aja ka eje the së, ene la imekunekeun.”
Nyima 74 me thithi ne nyipun.
Koi 29 Mei Me Wiike Cili
Nyima 79
15 men: Itre ithuemacanyi koi së. Hamëne ju la itre mekune nyine ithuecatre kowe la itretre cainöj, matre tro angatr’a hane tupathe troa e la ketre mekene tusi ngöne la angatr’a nyiqaane ithahnata. Alanyimu la itre atr ka metrötrëne la Tusi Hmitrötr, nge angatr’a ajane troa drenge la kola e ej. Atraqatre la mene ne la itre eamon’ej, nge ka ithuecatre kowe la atr ka hni ka loi. Maine jë, loi e tro së a tro xome palahi the së la Tusi Hmitrötre ngöne ihnatrapaime së, ngöne lo easë a easenyine la ketre hnalapa. Loi e troa hetre thangane thene la itre ka drei së, la aqane e së la itre mekene tus, ketre, tha tro kö a tretre la aqane ithahnata.—Wange ju lo itus Manuel pour l’École du ministère théocratique, götrane 31-32, paragarafe 12-15.
12 men: Kola Sa La Itre Hnyinge i Nyipunie. Troa ce ithahnataan. Qejepengöne ju la kepine matre tru la thangane la hne së hna kapa qa ngöne la itre icasikeu, la hne së hna pane ketre hnëkë, me traqafë la nöjei itusi nyine troa ce wang.
18 men: Trofë trongëne jë la itus Création e treu Juun. Qaja ju la itre hna qaja hnene la itre atr ka haine la aja göne la itus La vie—Comment est-elle apparue? Évolution ou création? (Wange ju La Tour de Garde ne 15 Maac, 1987, götrane 32; 1 Mei, 1986, götrane 32; 1 Semitrepa, 1986, götrane 31.) Amamane hnyawaane ju la itre ceitune ngöne la itre götrane 6, 236-7, 243, me 245, nge amamane ju fe la aqane tro itr’ej’a nyijëne troa nyiqaane porotrik. Tro la ketre atre cainöje ka atrein’a amacaane la aqane trofë ka amamane la hna troa kuca hne së isa alacas, matre hetrenyi la mele ka tha ase palua kö; troa xome la itre mekun, me mekene tusi ngöne la götrane 250-1. Amekunëne ju la nöjei ka cainöje troa xomi itusi nyine cainöje trootro e mecixeni me sabath.
Nyima 63 me thithi ne nyipun.