Göi Itre Icasikeu Ne La Huliwa Ne Treu Ogas
ITHUEMACANY: Troa hetrenyi ngöne la Huliwa ne Baselaia, la porogarame ne la icasikeu ne la huliwa ne cainöje trootro thatraqane la nöjei wiike e treu ogas. Troa wange me amekötine hmaca lo porogarame ne icasikeu ne huliwa ne cainöje trootro hnene la itre ekalesia, pine laka itr’ej’a troa sine lo kovasio ne distrik, hna hape “La crainte pieuse,” nge ngöne la wiike thupen, ke, tro la itre ekalesia a wange hmaca lo itre mekune ka tru ne lo kovasio, troa xome la 30 lao menetr. Troa canga iëne la luetre maine köni trejine ka atrein, matre troa amamane hnyawaane lo itre mekune ka sisitria hna drenge ngöne lo isa ca drai. Loi e troa hnëkë hnyawa, matre tro la itre atrene la ekalesia a xolouthe lo itre mekune kii, me troa wange la aqane troa trongëne ngöne la mele i angatr, maine thatraqane pena la huliwa ne cainöje trootro. Ame la itre qejemekun, me itre hna melëne hna amexej, ke, tha tro kö a aqean.
Koi 1 Ogas Me Wiike Cili
Nyima 159
15 men: Itre ithuemcanyi koi së me Itre hna amekötiine qa hnine la Huliwa ne Baselaia. Amamane jë la itre mekune nyine ithahnataane e hnine la itre zonale ka hnyipixe hna troa köjane ngöne la huliwa ne cainöje trootro e mecixeni me sabath.
15 men: “Lapafë jë la mekune ka loi.” Troa ce ithahnataan. Hnyinge jë kowe la ketre pionie maine kowe la ketre atre cainöje ka hekö ka troa qejepengöne la aqane lapa fë angeice la mekune ka loi, ngacama kola ixele ma wai, maine tha nyipiewekëne pena la maca ka loi ngöne la götrane së.
15 men: “Itre boroshür—Itre jia ne huliwa ka nyipiewekë thatraqane la troa cainöje trootro.” Troa ce ithahnataane memine la itre atrene la ekalesia. Lue iamacanyi hna hnëkëne hnyawane qa ngöne la itre aqane trofë hna troa kuca, nge easë pë hë a ithahnataane la itre ahnahna thatraqane la huliwa e cailo fen. Hamëne trongëne jë la itre boroshüre hna troa trofë e treu ogas. Amekunëne ju la itre atrene la ekalesia troa xom’itr’eje thatraqane la huliwa ne cainöje trootro e mecixeni me sabath.
Nyima 142 me thithi ne nyipun.
Koi 8 Ogas Me Wiike Cili
Nyima 216
10 men: Itre ithuemacanyi koi së.
15 men: “Tupathe jë troa atre hnyawa la itre trejine me epun.” Troa ce ithahnataan. Könëne jë la itre xaa atr ne la ekalesia troa qejepengöne la hnei angatre hna melëne ka tha qea pe, nyine amamane laka easenyi hë angatre memine la itre xane hnene la hna trongëne la itre ini ngöne la paragarafe 6.
20 men: Aelëne jë la etrune la hnei epuni hna huliwa ngöne la hna cainöje trootro e cahu gojeny. Tro la ca gurupe ne könitre maine foa lao itretre cainöj’a ithahnataane la aqane tro angatr’a huliwa atrune ngöne la götrane cili. Angatr’a goeëne la La Tour de Garde ne 15 okotropa, macatre 1987, götrane 22-7, me wange hmaca la hnei itre xane hna kuca, nge angatre fe a qaja la aqane axeciëne angatre la troa huliwa atrune ngöne la götrane huliwa celë. Tro la atr cilefë la taane celë a ukune la itre atrene la ekalesia troa mekune la aqane tro fe angatr’a hane sine la götrane huliwa celë.
Nyima 182 me thithi ne nyipun.
Koi 15 Ogas Me Wiike Cili
Nyima 166
5 men: Itre ithuemacanyi koi së, nge e ju fe la hna ithingë mani, me olene la itre ahnahna.
15 men: “Xupexatuane jë la aja jëne la itre iwaihmaca.” Troa ce ithahnataane memine la itre atrene la ekalesia. Troa kuca la itre iamacanyi, tro hi a luetre maine köni menetr, nyine amamane la itre aqane trofë matre thelejëne troa iwaihmaca. Uku angatre jë troa nyiqaane inine la Tusi Hmitrötre kowe la itre xaa atr.
25 men: “Loi e tro palahi së a trongëne la gojenyi ka meköt.” Troa ce ithahnataan.
Nyima 96 me thithi ne nyipun.
Koi 22 Ogas Me Wiike Cili
Nyima 218
15 men: Itre ithuemacanyi koi së me “Porogarame ne la asabele ka ketre pengöne ne ca drai.” Maine ase hë axeciën, ke, thuemacaane jë la ijine kola asabele ka ketre pengöne ne ca drai, me xatua angatr’asë troa nyiqaane hnëkë matre hane sin.
15 men: Nemene la aqane tro ni a easenyi koi Akötresie? Troa kuca la ketre iamacanyi nyine amamane la kola etide hnene la ketre fami. Kola ithahnataane hnene la keme me thine la itre mekune qa hnine la mekene 39 ne la itus Les jeunes s’interrogent memine la itre nekö i angatre ka nango tru hë. Angatr’a ce wange la hna cinyihane hna hape “Faites la déclaration publique de votre amitié avec Dieu,” götrane 315-18. Kola nyi ulili hnene la itre nekönatre pine laka, angatr’a hmahma troa cainöje ngöne itre hnalapa trootro, me qaja ka hape tru catre palaha hnei icasikeu, nge caasi palahi. Tro la itre keme me thin’a xatua angatre troa hetre wangatrehmekun, cememine la thina ka loi, amamane hnyawaane jë la itre tulu ne meköti qa hnine la Tusi Hmitrötre ka troa amamane la enyipiewekëne la itre huliwa celë e tro angatr’a thupëne la eloine la iasenyikeu i angatre me Iehova.
15 men: Itre ihaji koi së. Maine pena kuca jë la cainöje hna eköthe hune la taane hna hape “Extrêmement pris par la bonne nouvelle” ngöne la La Tour de Garde ne 1 julai, macatre 1991, götrane 28-30.
Nyima 184 me thithi ne nyipun.
Koi 29 Ogas Me Wiike Cili
Nyima 199
13 men: Itre ithuemacanyi koi së. Amamane hnyawaane jë la itre hna hnëkëne thatraqane la huliwa ne cainöje trootro. Hnyinge ju kowe la caasi maine lue atre cainöje ka pionie ka ixatua maine ka atrune pena la aqane huliwa i angatr. Qejepengöne jë la itre xaa hna melëne ka ixatua.
15 men: “Ijije kö tro epuni a hane sine la xötre pionie?” Troa ce ithahnataane memine la itre atrene la icasikeu. Qaja ju la itre hna melëne hnene la itre xaa trejine ne la ekalesia nyine amamane la hnei angatre hna kuca matre ijije koi angatre troa hane lö hnine la huliwa ne pionie, maine nyine amamane pena la aqane hamë ixatua hnene la ketre fami kowe la ketre atrene la fami matre ijije koi angeice troa hane xome la hnëqa cili.
17 men: Troa trofë trongëne la itus Vivre éternellement la treu semitrepa. Xatua angatre jë troa catre me hetre madrine troa hamëne la itusi celë, me nyiqaane inine la Tusi Hmitrötre kowe la itre xaa atr ngöne la treu semitrepa. Hna xötrei traqa la itusi celë lo macatre 1982, nge jia ne ini hi lai ka sisitria troa inine la Tusi Hmitrötre kowe la itre atr. Hetre ithuemacanyi ngöne la kola xötrei traqa hnei itr’eje ngöne la ijine kola kovasio ne distrik: “Hetrenyi ngöne la itusi cili la itre hne së hna ajane matre xatuane la itre xane troa hane kapa la mejiun. . . . Hna qejepengöne e kuhu hnine la itre trepene ne ini ka nyipici ne la Tusi Hmitrötre matre tro la itre atr ka hnyipi traqa a hane trotrohnine hnyawaan, me nue la mele i angatre koi Iehova, me troa nyihluei Nyidrëti hnyawa.” Kola mama ngöne la itre rapor, laka kola elë palahi la etrune la itretre cainöj, qa ngöne la 2 652 323 lo macatre 1983 koi 4 709 889 ngöne la macatre 1993. Sipone jë kowe la itre xaa trejine troa qejepengöne la aqane atrehmekune angatre la nyipici jëne la itusi celë, maine pena troa qejepengöne la aqane xatua itre xane hnei angatre ngöne la kola ce inine me angatre la itusi celë. Maine ijij, ke, amamane hnyawaane jë la itre xaa aqane trofë la itusi celë ka ijije troa ithahnataane ngöne la kola hamën.
Nyima 161 me thithi ne nyipun.