Göi Itre Icasikeu Ne La Huliwa Ne Treu Ogas
Drai 2 Ogas Me Wiike Cili
Nyima 63
10 min: Itre ithuemacanyi koi së. Iëne ju la itre xaa hna amekötiine qa hnine la Huliwa ne Baselaia. Ngöne la hnaluene hna amekötiin, amekunëne ju la itre mekune qa hnine la huliwa ne Baselaia ne 1993, hna cinyihan, Itre itusi hna iacaasinekeune me hna cinyihane hmaca. Ithahnatane jë la itre mekune qa hnine la itre zonale hna xötrei kapa. Xatuane jë la itretre cainöje asë, troa cainöje trootro e mecixeni me sabath.
20 min: “Thele jë la aqane troa kuca matre tro la itre atr a drei epuni hnyawa.” Troa ce ithahnataan. Nyipi ewekë tro së a hmekëne la aqane ujë së kowe la ketre atr, matre hetre hnë ithahnata së me angeic. Kuca ju la itre aqane nyiqaane ka xoxopatr, qa ngöne la itre ixatua hnine la itre paragarafe 2 me 3. Xatuane jë la itre trejine troa amamane palahi la itre zonale ngöne la hna cainöje trootro.
15 min: Itre ixatua koi së.
Nyima 193 me thithi ne nyipun.
Drai 9 Ogas Me Wiike Cili
Nyima 70
10 min: Itre ithuemacanyi koi së, me hna ithingë mani me itre ahnahna. Troa olene atrune la itre ekalesia la hnei angatre hna hamë mani nyine ixatua kowe la isa ekalesia i angatr, memine fe la huliwa i Sasaiatri ngöne la fene hnengödrai asë.
15 min: Enyipiewekëne la itre date ngöne la ini Tusi Hmitrötre së. Thupene la hna ithahnatane la “Définition” götrane 84 ne la itus Comment raisonner, troa ahopatren, ithahnatane jë memine la iatrene la icasikeu la ithuemacany fene la hna cinyihan “Dates.” troa wang “Pourquoi les Témoins de Jéhovah disent-ils que le Royaume de Dieu a été établi en 1914? ” Troa amamane laka, nyipi ewekë la ithuemacanyi cili pine laka kola troa hnëkëne la itre ka hnyipixe ngöne la nyipici troa cilëgöline la maca ne baselaia.
20 min: “Bëeke jë së troa amamane kowe la itre atr la aqane tro angatr’a hane hetrenyi la mele ka tha ase palua kö.” Troa ce ithahnataan. Troa kuca la caa iamacany, ngöne la kola troa iwai hmaca, troa xötrethenge la ceitune hna hamëne ngöne paragarafe 5 me 6.
Nyima 71 me thithi ne nyipun.
Drai 16 Ogas Me Wiike Cili
Nyima 20
15 min: Itre ithuemacanyi koi së. Itre ithuemacanyi qa thei Akötresie. Troa ithahnatane la hna cinyihan “Porogaram ne la Kovasio hnapin ne caa drai.” Xatuane jë la nöjei atr troa canga hnëkë matre troa hane sine la Kovasio ka ketre pengön, caa drai, ngöne la macatre ne huliwa 1994. Ithuemacanyine ju la ijin, me hnë troa kovasio e ase hë ce axeciën. Ketre xatuane jë fe la itre trejine troa cainöje e mecixeni me sabath.
10 min: Nyipi ewekë la itus Vivre éternellement. Ijije troa qaja la etrune la itre itusi ngöne la nöjei macatre, aqane trongene ej, qaane lo kola nyiqaane huliwaan. Alanyimu la ka trotrohnine hnyawa la nyipici jëne la itusi cili. Ithahnata jë memine la caasi maine lue atre cainöj ka inine hë la itusi cili, ngöne la kola xötrei atre la nyipici. Hnyingë nyidroti jë la götrane hnei nyidroti hna madrine ngön, me aqane huliwaane hnei nyidroti ngöne la hna cainöje trootro. Xatuane jë la itretre cainöje troa hamëne ej cememine la hni ka madrin, kowe la itre ka hmala hni.
20 min: “Itre nyine troa kuca hnene la itre ka hnyipixe maine itre ka hekö hë ngöne la nyipici.” Troa cile fë hnene la ketre qatrethup, nge troa ce ithahnataan. Nyipune ju hnene la troa ithahnataane la itre mekune ka ihmeku memine la itre ixatua ka ijije kowe la ekalesia; tha tro kö a ithahnatane aqean.
Nyima 6 me thithi ne nyipun.
Drai 23 Ogas Me Wiike Cili
Nyima 148
10 min: Itre ithuemacanyi koi së.
20 min: “Nyipi ewekë tro së a thele hnyawa la itre ka ajane troa ini Tus.” Troa ce ithahnataan. Troa kuca hnene la atre thupëne la huliwa ne cainöje trootro. E jë nge ithahnatane ju la itre mekene tusi hna cinyihan. Ce wange ju la aqane trongene la hna huliwa göi itre ini Tusi Hmitrötre hnine la ekalesia, ngöne lo faifi lao macatre hna melëne hë; itre mekune nyine nyipun, thenge la itre ixatua ka ijije kowe la ekalesia.
15 min:Itre ixatua koi së
Nyima 43 me thithi ne nyipun.
Drai 30 Ogas Me Wiike Cili
Nyima 156
5 min: Itre ithuemacanyi koi së, me itre hna hnëkëne göi troa cainöje trootro.
20 min: “Loi e tro së a nuapexejenyi së ngöne la hnëqa së koi Iehova.” Troa kuca hnene la ketre qatrethup. Ame la kola ithahnatane la paragarafe 2, ke, ithahnatane ju fe la itre mekune ka ijije qa hnine La Tour de Garde. E jë nge ithahnatane ju la Malaki 3:10 nyine nyipun.
20 min: Ithahnatane hmaca jë la itre ixatua hna hamëne hnene la atre thupëne la sirkoskripsio, ngöne lo nyidrë a vizite thei epun. Hnyingëne ju la itre trejine ka hape, ase kö angatre hamëne la itre rapore ne la macatre ne huliwa 1993.
Nyima 31 me thithi ne nyipun.