Göi Itre Icasikeu Ne La Huliwa Ne Treu Kulai
Koi 5 Julai Me Wiike Cili
Nyima 133
10 min: Itre ithuemacanyi koi së me itre hna Amekötiin. Wange ju fe la itre ithuemacanyi qa hnine la Huliwa ne Baselaia. Troa hnëkë hnene la luetre maine köni atre cainöj, matre amamane me qaja la aqane troa huliwaane hnyawa la itre zonale hna kapa panën.
15 min: “Huliwaane jë la itre boroshüre troa thele la itre atr ka hmala hni.” Troa ce ithahnataan. Ame la itre boroshüre ka ihmeku memine la paragarafe 5, ke: Doit-on croire à la Trinité?, Dieu se soucie-t-il vraiment de nous?, me Musi ka troa hamëne hmaca la Paradraiso. Thuemacane jë la Ekalesia la etrune la itre boroshüre hna xeene nge ka ijije troa tro fë trongëne ngöne la götrane ne cainöje trootro. Ketre, xatuane jë la itre trejine troa hamëne la itre boroshüre ngöne la treu julai. Troa mekune fe laka, ame la itre atr ka kapa la itre boroshür, ke, aja i angatre fe troa hane kapa la itre zonal.
20 min: “Huliwaane hnyawane jë së la itre boroshüre e treu julai.” Troa ce ithahnataane memine la Ekalesia, nge troa kuca la itre iamacanyi ngöne la itre paragarafe 3, 5, me 7. Loi e troa hnëkë hnyawa.
Nyima 30 me thithi ne nyipun.
Koi 12 Julai Me Wiike Cili
Nyima 25
5 min: Itre ithuemacanyi koi së. Qaja jë la hna kuië mani memine la hna hamë ahnahna. Amekunëne ju la Ekalesia la itre hna hnëkëne göi cainöje trootro, nge ithahnataane jë la itre xaa mekune qa hnine la itre zonal.
20 min: “Bëeke jë së troa xatuane la itre ka ajane troa ithahnataane la Tusi Hmitrötr.” Tha tro kö a aqeane la aqane troa nyiqaan, ngo troa amacaane la kola bëeke troa wange hmaca la ketre atr ka hmala hni, ngo tha hna xome kö la ketre itus. Ketre, troa amacaane la aqane troa nue la ketre atr ka hetre jol, nge ka kapa la tarak Qui domine vraiment la monde? Amamane jë la aqane troa nyiqaane ithahnata, nge ahlëne jë lai aja.
20 min: “Atraqatre la manathithi hna troa kapa qa ngöne la icasikeu ne Distrik e macatre 1993 ‘L’enseignement divin’ ”. Troa ce ithahnataan, nge loi e troa ce wange hnyawa hmaca la itre mekune ka nyipi ewekë “Göi kovasio ne distrik.”. Troa ce ithahnataane la itre xaa ixatua memine la itre ka ini Tusi Hmitrötre me easë, itre ka troa hane sine la Kovasio. Amekunëne ju fe lo itre xaa mekune qa hnine la ithuemacanyi ne La Tour de Garde ne 15 juun 1989, götrane 10-20, maine xatuane jë fe la itre fami troa ce wange hmaca la itre ixatua qa hnine la itre hna cinyihane cili, qëmekene la ijine Kovasio.
Nyima 191 me thithi ne nyipun.
Drai 19 Me Julai Wiike Cili
Nyima 136
15 min: Itre ithuemacanyi koi së. Itre Ithuemacanyi Akötresie. Ce ithahnataane jë fe la “Porogaram ne icasikeu ne Cirkoskripsio.”
15 min: “Atreine kö epuni troa kuca?” Troa ce ithahnataan. hnyinge ju kowe la caasi maine lue pionie hut, maine caasi maine lue atre cainöje pena ka pionie e itre xaa ijin. Tro angatr’a qaja la kepine matre angatr’a mekune troa catre cainöje, memine fe la aqane hnëkë i angatr.
15 min: Cainöje hna troa kuca hnene la ketre qatre thup. Troa xome la itre mekune qa hnine lo La Tour de Garde ne 1 juun, 1989, götrane 15-20. Troa ipië me hetre wangatrehmekune ngöne la aqane troa kuca lai cainöj.
Nyima 165 me thithi ne nyipun.
Koi 26 Me Julai Wiike Cili
Nyima 170
10 min: Itre ithuemacanyi koi së. Tro la ketre qatre thup a wange me amamane la hna cainöje trootro ngöne la treu Juun, me hamëne la itre xaa ixatua me itre xaa mekun. Ketre, ithahnatane jë fe la itre xaa mekune qa hnine la itre zonale nyine troa tro fë trongëne e mecixeni me sabath.
15 min: “Croix” (kuluse). Itus Comment raisonner, götrane 77-81. Troa bëeke hmaca troa ithahnata memine la ketre atr ka kapa lo boroshüre “Voici!”. Tro lai atr a amamane la götrane 17 ne la boroshür, me hnyingëne la kepine la kola athipi Iesu hune la sinö, ngo tha hune kulusë kö; tro la trejine a xatua angeice troa atre la mekune qa hnine la Tusi Hmitrötr.
20 min: “Huliwaane hnyawane jë së lo La Tour de Garde me Réveillez-vous!” Troa ce ithahnataan. Xatuane jë la nöjei ka cainöje asë troa xölehuje la nöjei ijine troa hamëne la itre zonal, ngacama ka hnapane hë la itre xan.
Nyima 192 me thithi ne nyipun.