Göi Itre Icasikeu Ne La Huliwa Ne Treu Eiperem
Koi 5 Eiperem Me Wiike Cili
Nyima 129
10 min: Itre ithuemacanyi koi së. Ce wange ju la itre mekune ka ijije kowe la götrane së. Troa sipone la lue trejine, ca thupëtresiji me ca thöthi matre tro nyidroti a kuca lai iamacany ka xoxopatr.
15 min: “La Tour de Garde — Xeni ne la ua ngöne la nyipi ijin.” Troa ce ithahnataan. Xatuane jë la itretre cainöje troa abone nyine ahnahna kowe la itre hna atre maine itre keme me thine i angatr.
20 min: “Huliwaane jë la itre xaa itusi jëne la itre tarak.” Troa ce ithahnataan. Troa kuca la ca iamacanyi ngöne la itre mekune qa hnine paragarafe 2-5. Ithahnatane ju fe lo hna cinyihan “Mekune kö së huliwaane la itre boroshür.”
Nyima 14 me thithi ne nyipun.
Koi 12 Eipereme Me Wiike Cili
Nyima 15
10 min: Itre ithuemacanyi koi së. Qaja jë la itre ewekë hna melëne hë ka troa ixatua göne la Drai ne Amekunën. Xatuane ju fe la itretre cainöje troa ce huliwa memine la itre atrene la ini tusi e mecixeni me sabath.
20 min: “Aqane iwai hmaca, ka tha jole kö nge ka hetre thangan.” Troa ce ithahnataan. Iamacany: aqane troa nyiqane ithahnata ngöne la kola iwai hmaca.
15 min: Kola sa la itre hnyinge i nyipunie. Troa kuca ngöne madrine me hni ne ixatua hnene la atre thupëne la huliwa ne cainöje trotro maine ketre atre thupe pena ka hane hë pionie ka ixatua. Hnyinge ju kowe la casi maine lue atre cainöje ka lapa xome itre xaa drai la huliwa ne pionie ka ixatua.
Nyima 39 me thithi ne nyipun.
Koi 19 Eiperem Me Wiike Cili
Nyima 194
10 min: Itre ithuemacanyi koi së me Itre hna Amekötiin ka ijije qa hnine la Huliwa ne Baselaia. Hna ithingë, nge ole kowe la itre ahnahna. E ju la Luka 6:38, nge olene ju kowe la itre trejine lo ixatua i angatre kowe la huliwa ngöne la fene hnengödrai me kowe fe la Ekalesia.
20 min: “Xatuane jë së la itre ka xötrei öhne la nyipici troa cile catr.” Troa ce ithahnatane hnene la luetre maine köni tane ini tus. Thupene la hna ce wange la itre mekune ka sisitria qa hnine lai hna cinyihane ke, amamane ju la aqane tro së a huliwaane itr’ej. Nemene la aqane tro së a xatuane la itre atr ka xötrei öhne la nyipici me ka hane sine lo lai Drai ne Amekunën? Nemene la itre ewekë nyine tro angatre a kuca, maine hetre aja i angatre troa cainöje trootro? Nemene fe la aqane troa xatuane la itre trejine ka tha lapa cainöje kö ngöne la itre xaa treu? Nemene la aqane tro së isa alacasi a catre cainöje e ketre treu me ketre treu? Nemene la aqane tro la itretre cainöje a ce huliwa me xatuane la itre xan? — Rom. 15:1, 2.
15 min: “Trohemi së kowe la ene i Iehova!” Troa ce ithahnataane qaane la paragarafe 1 utihë 8 ne la sine trongene lai Huliwa ne Baselaia. Ithuemacanyine ju lo itre mekune ka sisitria qa hnine la itre itusi hna amamane ngöne paragarafe 7. Iamacany: tro la ketre atre cainöje ka majemi a xatuane la ketre atr ka xötrei öhne la nyipici troa trotrohnine la kepine la kola icasinekeu së ngöne itre Ekalesia. (w85 1/3 p. 23 §§ 6, 7) Loi e tro fe së a qaja la itre ewekë hne së hna kuca ngöne la Ekalesia së, itre ka isa pengöne kö memine la itre huliwa ne la itre xaa hmi. Xatuane jë fe la itre trejine trene hna inine troa hnëkëne ngöne la nöjei wiike la ketre hna ithahnata ka xoxopatre matre upi angatre troa madrine me hnime la organizasio i Iehova me trotrohnine hnyawa fe laka loi e troa itre atren’ej.
Nyima 28 me thithi ne nyipun.
Koi 26 Eipereme Me Wiike Cili
Nyima 180
10 min: Itre ithuemacanyi koi së me Itre ithuemacanyi akötresie. Tro la itre xane a qaja la itre xaa ewekë hnei angatre hna melëne lo angatr’a cainöje trootro ngöne la treu: maine kolo itre ka pionie ka ixatua, maine itre ka nyiqane la ketre ini tus, maine itre ka hane xatuane lo lai itre atr ka ajane troa drei së, lo itre ka hane sine lo Drai ne Amekunën.
15 min: “Né de nouveau.” Itus Comment raisonner, götrane 259-263. Iamacany: Troa hnyingëne hnene la ketre atr kowe la lue trejine ka cainöje trootro ka hape: “Hapeu, hna hnaho epuni hmaca fe? ” Tro la itretre cainöje a sa thenge la itre mekune qa ngöne la itre götrane 262 utihë 263. Thupene lai, angatr’a ce ithahnatane ju la itre mekene tusi hna cinyihane ngöne la itre paragarafe 2 utihë 4 ne la götrane 261.
20 min: “Trohemi së kowe la ene i Iehova!” Troa ce ithahnatane qaane la itre paragarafe 9 utihë 14 ne lo sinetrongen. Iamacany: tro la ketre atre cainöje a xome hmaca la itre hna qaja ngöne paragarafe 12 me 13, me ithahnatane memine la ketre atr ka tha hni kö kowe la nyipici.
Nyima 127 me thithi ne nyipun.