NYINE ININ

Hetrenyi thene la itre hlue i Iehova la ketre aqane mel, kösë götrane gaa tingeting ngöne la igötranene la organizasio i Iehova ka ej e celë fen. Hne së hna amamane tune kaa ka hape, tru la ole së kowe la ewekë hna acile hnei Nyidrë thatraqane la hmi ka wië, nge nemene la hne së hna isa kuca matre troa acatrene catrëne la götrane gaa tingetinge cili? Itre hnyinge la nyine troa sa hnene la tane mekune celë.

Tro la tane mekune celë a qejepengöne la itre xa ewekë ka tru ka troa traqa elany. Tro fe sa ce wange la kepine matre, loi e tro sa qale catre koi Iehova ngöne la ijine akötre atraqatr.

Ala nyimu la itre atr ngöne la fene i Satana ka nyipici kowe la nöje i angatr, me qene nöje i angatr, me itre ka ce hane ngönetrei me angatr. Ngo ame easë, ase hë së sisinyi troa nyipici koi Iehova. Tro la tane mekune celë a ithanatane la kepine matre tha lö hnine fe kö së la itre icilekeu ne la fen, nge eje fe a ithanatane la aqane tro sa inine troa waiewekë tui Iehova me Iesu.

Ame e cailo fen, kola icasikeu hnene la itre hlue i Iehova ngöne la itre Uma Ne Baselaia, me itre xa uma hnë hmi. Ame ngöne la tane mekune celë, tro sa ithanatane la itre trepene meköti ne la Tusi Hmitrötr ka ini së troa metrötrëne la itre hnë icasikeu cili, me ixatua nyithupen, me nyidrawane itre ej göi troa atrunyi Iehova.