Tro pala hi a hetre hni ne ole së e hne së pala hi hna mekune ajuine la itre manathith hne së hna kapa me olene koi Iehova. Maine tro sa nyipiewekëne la nöjei ewekë hnei Iehova hna kuca koi së, tha tro kö a eje the së la pë ole, nge tro fe lai a xatua së troa cile catre qëmekene la itre itupath. Tro la topike ne la macatre 2015 a amekunë së pala hi la mekune celë ngöne la macatre ka troa xulu.

▪ Kepine Matre Easa Atrune La Heji Ne Pui Ne Xeni Ne La Joxu

Kola qeje pengöne la hnene la zonale celë la kepine matre tro sa sine la Drai Ne Amekunën la meci Iesu. Eje a qeje pengöne la aliene la areto memine la waina. Eje fe a qaja la ewekë ka upe la ketre atr troa xeni la areto me iji la waina. Tro la tane mekune celë a xatua së troa atrehmekune la nyine tro sa kuca matre tro sa isa hnëkë kowe la Heji Ne Pui Ne Xeni Ne La Joxu.

▪ Acatrene Jë La Otrene La Faipoipo

▪ Xomi Iehova Jë Nyine Göli Ne La Faipoipo i Epun

Nyipi ewekë tro la trahmanyi me föe a ekögölithe la faipoipo i nyidro matre, tha tro kö a angazone hnene la itre itupath me ihuline la fene i Satana. Jëne la ixatua i Iehova, ijije hi troa acatrene la faipoipo. Tro la pane tane mekune a qaja la faifi lao aqane troa acatrene la faipoipo matre cile hut. Tro la hnaaluene tane mekune a ithanatane la aqane troa ekögölithe la faipoipo së.

▪ Hetre Ihnimi Kö Ka Cile Hut?

Nemene la pengöne la lue trefëne ka nyipi ihnim? Ka cile huti kö la ihnimi cili? Tro lai a mama tune kaa? Tro la Nyima i Solomona a ini së la pengöne la nyipi ihnim, ene la ihnimi ka troa cile hut epine palua.

KA QA NGÖNE ICETRÖN: Lue ka cainöj e Grindelwald, hmekune lo itre wetr hna ati ëjene ka hape Alpes bernoises

SUISSE

ETRUNE LA ITRE ATR

7 876 000

ETRUNE LA ITRE KA CAINÖJ

18 646

ETRUNE LA ITRE ATR KA SINE LA DRAI NE AMEKUNËN (2013)

31 980