NYINE ININ

NYINE ININ

▪ Catre Pi Së, Ke Ce Iehova Me Easë!

Tusi Hmitrötr a qaja la itre hlue i Akötresieti ka catr, nge ka lapaun. Tro la aqane ujë i angatr a acatrene la lapaune së, me xatua së troa catre nyi hlue i Iehova. Tro la tane mekune celë a qaja koi së la topik ne la macatre 2013.

▪ The Nue Kö La Ketre Ewekë Troa Ananyi Nyipunie Qaathei Iehova

▪ Easenyi Catre Jë Së Koi Iehova

Hetrenyi la itre ewekë laka, thatreine kö tro sa sipu iën, ka tune la lue keme me thine së, me itre trejine me easë, memine la götrane hna hnaho së ngön. Ngo ijije hi tro sa iëne troa nyi hlue i Iehova, maine tha nyi hlue i Nyidrëti pena. Troa amamane hnene la tane mekune celë la sevene lao ewekë nyine troa hmekëne hnyawa, wanga ananyi së pi hnene itre eje qaathei Iehova.

▪ Huliwa i Akötresieti Jë, Nge The Hace Hnine Kö La Itre Ewekë Hnapan

Hetrenyi la itre ewekë hne së hna kuca ha ekö, nge easë pë hë enehila a hace hnin. Ngo maine tro pala hi sa mekune lapane la itre ngazo hne së hna kuca ekö, tre tha tro pë hë së lai a huliwa i Akötresieti hnyawa. Tro la tane mekune celë a qeje pengöne koi së la aqane troa xatua së hnene la tulu i Paulo aposetolo.

▪ Itre Qatre Thup Keresiano, Angetre Ce Huliwa Me Easë Thatraqane La Madrine Së

Hnei Paulo hna qeje angeice kö me itre xan, ngöne la hnaaluene tus i angeice koi angetre Korinito, ka hape: “Eëhuni a xatuane la madine i nyipunie.” (2 Kor. 1:24) Nemene la itre ini nyine tro la itre qatre thup a xom qa ngöne la trenge ewekë i Paulo? Nge nemene la aqane tro sa itö ithuecatrekeu, matre tro pala hi sa madrine ngöne la huliwa i Akötresie? Tro la tane mekune ce a sa la lue hnyinge celë.