Meken 114

Pui Ne Xen Nyine Amekunën

THUPENE la hnei Iesu hna hnea la lue ca ne la itre aposetolo, nyidrëti a e jë la Salamo 41:9, me qaja ka hape: “Hna weje ni hnei tidöca ne la ate lapa loi me ini.” Nge akötre pi hë la mele i nyidrëti ngöne la nyidrëti a qaja amamane ka hape: “Tro la kete e nyipunie a wanaxoeë ni.”

Ame hnene la itre aposetolo hna qane troa akötr, me isa qaja koi nyidrëti ka hape: “Deti inie?” Kolo fe a hane hnyinge tune lai hnei Iuda Isakariota. Ioane la ka lapa ezi Iesu, nge angeice a xei hutrö ngöne la imano i nyidrë, nge kola hnyinge ka hape: “Joxue, deti, nie?”

Iesu a sa ka hape: “Ame la ate ce hne göxeni me ini hnine la inege, angeice hi la ate troa wanaxoeë ni. Kolo ha tro la nekö i ate tune lo hna cinyihane göi angeic; ngo ekölö hi ni la ate cili ate wanaxoeëne la Nekö i at! maine tha hna hnahone kö la ate cili maine loi kö angeic.” Hmaloi hi koi Satana troa löthi Iuda hmaca, pine laka, cia ha e kuhu hni angeice la ngazo. Celë hi kepine lai, matre Iesu a qeje angeic, ceitune me ketre “ate ne hnëjin.”

Enehila, nyidrëti a qaja koi Iuda ka hape: “Ame la hnei eö hna troa kuca, canga kuca jë.” Thaa trotrohnine kö hnene la ketre e angatr, itre aposetolo la mekune i nyidrë. Itre xane a mekune ka hape, qa ngöne laka, thei Iuda la watreng, haawe, Iesu a qaja koi angeice ka hape: “Itöne jë la ka ijiji shë thatraqane la pui ne xen,” maine angeice pena a tro troa hamëne la ketre ewekë kowe la itre pë ewekë.

Iuda hë e tröne la uma, ame hnei Iesu hna ce acile pe la ijine atrun, maine drai ne amekunën, ene la ketre ewekë hna amekötine ka hnyipixe. Nyidrëti a xome jë la areto, me olene jëne la thith, me thupathupa, me hamë angatre me hape: “Xome jë, xeni ju.” Öni nyidrëti fe ka hape: “Dei la ngöneteinge hna hamëne thatraqai nyipunie. Kuca jë la nyine mekune koi ni.”

Nge ase hë angatre xeni la areto, ame hnei Iesu hna xome la inege ne waina, maine jë hnaafoan; nyidrëti a olene jëne la thith, me hamëne koi angatr, me upi angatre troa ij, me hape: “Dei la inege, isinyikeu ka hnyipixe ngöne la madrang, hna nenge thatraqai nyipunie.”

Haawe, nyidrëti hi lai a acile la drai ne Amekunën, ene la ijine troa amekunëne la meci nyidrë. Ame ngöne la nöjei 14 Nisan, troa atrune pala hi la drai ne amekunëne cili, tune la hnei Iesu hna ahnithe ka hape, nyine troa meku nyidrëti pala hi. Eje a troa amekunëne la itre atr ka troa atrune la drai cili, la ewekë hna kuca hnei Iesu memine la Tretretro i nyidrë, matre ijije jë troa utretre la itre atr, qa ngöne la hnëjine me mec. Ame koi itretre Iudra ka troa nyihluei Iesu pe, ke, troa nyihnane la Paseka, hnene la pui ne xeni cili.

Kola nyihnane la isisinyikeu hnapan, ene la Trenge Wathebo, hnene la isisinyikeu ka hnyipixe hna ami trepene hnene la madra hna nenge hnei Iesu. Iesu la atre xëwe fë la isisinyikeu celë; lue ka ce kapa la isisinyikeu cili: ene Iehova Akötresie, nge ketre, 144 000 lo itre keresiano hna iëne hnene la uati hmitrötr. Thaa kolo hmekuje kö a köletrije la ngazo hnene la isisinyikeu cili, ngo kolo fe a hnahone la ketre nöje e hnengödrai, ene la itre joxu nge itretre huje fe. Mataio 26:21-29; Mareko 14:18-25; Luka 22:19-23; Ioane 13:18-30; 17:12; 1 Korinito 5:7.

▪ Hetrenyi la ketre ewekë hna perofetane hnei Tusi Hmitrötr, göne la enehmu, nge nemene la hna perofetane cili, nge nemene la ini nyine troa xome qa ngön?

▪ Pine nemene matre kola hlehleu la itre aposetolo, nge nemene la ewekë hnei angatre hna ihnyingënekeun?

▪ Nemene la hnei Iesu hna upi Iuda troa kuca, ngo tune kaa la aqane trotrohnine lai hnene la itre xan?

▪ Nemene la pui ne xeni hnei Iesu hna acil, e thupene la hna lö pi hnei Iuda qa hnine la uma, nge nemene la aliene la pui ne xeni cili?

▪ Drei la itre götrane la isisinyikeu ka hnyipixe, nge nemene la hna aijijëne hnene la isisinyikeu cili?