Бигахъадав хІушаб багьес бархьдеш?

СЕГЪУНА бархьдеш? Адамтани хьардиути вегІла мягІничебти суалтачи. ХІуша пикридухъадав иштигъунти девле хІяжатси суалтачи:

• Дигахъулравара нуша Аллагьлис?

• Мурт-биалра таман дирару дявти ва къиян-жапа?

• Се бетурули нушачил алхунхІели?

• Мурт-биалра къаршидикес дирахІев нушала вебкІибтачил?

• Се тахІярли улгес гягІнили Аллагьлис нушала балга бакьесли?

• Се барес гІягІнили талихІчевси ветаэс?

Чинаб баргес дируда хІушани илди суалтачи жаваб? Библиотекализир ва жузала тукен тазир хІушани дургида азир жуз. Жузе делкьунти бикьули саби нушани балулра илди суалтачи жаваб. Аммаки цадехІ жузазир бяхІчили кабизурси жавабти хер. ЦархІилти жузазир жавабти бархьтисадили гьанбиркІулисари. Замана бикибхІели жузазирти жавабти дуркъдирули сари. Илди жузе дарсдирули сари царатеке, яра чеблукІули сари.

Аммаки леб ца жуз илике асубирар абзурли игьдибар бихІес. Ил жузлизиб бархьдеш белкІуй саби. ГІиса Идбаг балгалузиб икІуле сай Аллагьлизи: «ХІела гъай леб бархьдеш» (Яхьяла 17:17). ИшбархІи Аллагьла гъай делкІунли сари Тауратлизир, Забурлизир, Инжильлизир. ХІушани делчІунхІели гІеларадти бяхІри Аллагьла жузлизирад кайсида къантІти, гІячихъси, саркъибси ва марти жавабти илди суалтачи.

Дигахъулравара нуша Аллагьлис?

СЕ БАГЬАНДАН ИЛГЪУНА СУАЛ АЛКІУЛИ? Нуша хІердирулра абзурли бицІибси уркІецІиагарси ва бархьдеш хІебузахъан дунъялизир. Дахъалгъунти динли бучІахъукули саби нушала къиян-жапа Аллагьла къадар сариили.

СЕ БИКІУЛИ АЛЛАГЬЛА ГЪАЙ? Вайдеш Аллагьлизибад ахІен. «ХІейрар бархьдеш дигуси ва Дунъя акІахъубси Аллагьли вайдеш я балкІси барес» — белкІа саби Аллагьла гъализиб (Аюб 34:10). Аллагьлис нуша дигни багьандан бигули саби дарес нушала амру разити ва талихІчевти хІеш ванзаличиб. Ил багьандан ГІиса Идбагьли бурсибариб сунес гІелавад башути адамти балга барес: «Нушала дунъя акІухъубси Дудеш... Бакаб хІала пачаликъ, хІала кьас ветааб закличибгъуна, ванзаличибра» (Матфейла 6:9, 10). Аллагьлис нуша девле дигахъулра, ва сунела пикри бетаэкьес багІандан бедиб дурхъаси ва халаси багьа. (Яхьяла 3:16).

ХІерая Бытие 1:26—28; Якъубла 1:13 ва 1 Петрла 5:6, 7.

Мурт-биалра таман дирару дявти ва къиян-жапа?

СЕ БАГЬАНДАН ИЛГЪУНА СУАЛ АЛКІУЛИ? Дявтани архІули сари дакІал адамтала амру. КидиухІели адамтала къиян-жапа нуша хІяжатагарли калули ахІенра.

СЕ БИКІУЛИ АЛЛАГЬЛА ГЪАЙ? Аллагь икІулесай сунела жузлизиб лебкІян замана Аллагьли кабилзахъу даршудеш лебил ванзаличиб. Аллагьла пачаликъ кабизурхІели адамти дявличи бурсихІебирар. Илдани «ярагь къутІдиру угабличи» (Исаия 2:4). Аллагьли тамандиру бархьдеш хІебузахъни ва къиян-жапа. Аллагьли чеасилисаби: «[Аллагьли] ушку хІулбазирад бисала кІантри, хІедирар бебкІа, дард, гьуя-вяв, изала. Гьалаб детаурти [бархьдеш хІебузахъни ва къиян-жапа] ардякъун» (Откровение 21:3, 4).

ХІерая Забур 37:10, 11; 46:9 ва Михея 4:1—4.

Се бетурули нушачил алхунхІели?

СЕ БАГЬАНДАН ИЛГЪУНА СУАЛ АЛКІУЛИ? Бахъалгъунти динли бучІакІули саби адам вебкІибхІели гІурра чинаб-биалра хІерирулисайили. Цаца бехІти бирхІбетурули саби бебкІибтани къиян-жапа дирули сари мицІиртас ва Аллагьли танбихІбирули саби бунагь баркІиб адамти, вархІиули цІала жагьаннаблизи.

СЕ БИКІУЛИ АЛЛАГЬЛА ГЪАЙ? Адам вебкІибхІели хІерирули ахІен. «Алхунтани селра балули ахІен» — буриб Сулейбан идбагли (Экклезиаст 9:5). ВебкІибтани селра балули ахІен, секІал иргъуле ахІен. МицІиртас илдани кумек барес хІебирар ва вайна барес хІебирар (Забур 146:3, 4)

ХІерая Бытие 3:19 ва Экклезиаст 9:6, 10.

Мурт-биалра къаршидикес дирахІев нушала вебкІибтачил?

СЕ БАГЬАНДАН ИЛГЪУНА СУАЛ АЛКІУЛИ? Нушаб лебилтас дигулра разили амру деркІес нушачиб вархІси узиуршиличил. Мар-марли, нушаб дигулра чебаэс азизти нушала бебкІибти.

СЕ БИКІУЛИ АЛЛАГЬЛА ГЪАЙ? Бахъал бебкІибти Аллагьли мицІирбиру. ГІиса Идбагьли иб: «лебил хІяблизи кабисунти... абилзан» (Яхьяла 5:28, 29). МицІирбибти адамти бирар хІербес алжаннализиб гІеш ванзаличиб. ВегІла гІалабси пикри сабири Аллагьла алжана барес ванзаличиб (Луки 23:43). Челябкьуси замана мутІигІси адамти бирар хІербес даим и илдала бирар багьанаагарси арадеш. Аллагьла жузлизиб белкІунли саби: «Бархьдеш бузахъан адамтани букьурли кайсу ванза и хІербирар иличиб мурталра» (Забур 37:29).

ХІерая Аюб 14:14, 15; Лукала 7:11—17 ва Деяния 24:15.

Се тахІярли улгес гягІнила Аллагьлис нушала балга бакьесли?

СЕ БАГЬАНДАН ИЛГЪУНА СУАЛ АЛКІУЛИ? Лебил динлизиб адамти булгули саби. Аммаки бахъалгъунти адамтани кайсуле ахІен жаваб чула балгаличи.

СЕ БИКІУЛИ АЛЛАГЬЛА ГЪАЙ? ГІиса Идбагли бурсибариб адамти Аллагьлизи балга бурухІели бурибси пикри тикрар хІабарикъес. ГІиса Идбаг икІиб: «Аллагьлизи улгухІали цадехІ гъай кІина хІайна тикрар мадирида» (Матфейла 6:7). Нушала хъІул лебвели балга Аллагьлизи бакьекъес, нушаб гІягІнили саби вагІес Аллагьлис дигІуси тахІярли улгес. Ил багьандан нушаб гІягІнили саби Аллагьла ахъри багьес ва улгес Аллагьлис дигуси тахІярли. Аллагьла гъайлизиб 1 Яхьяла 5:14 белкІуй саби: «Се тилади барахІалира Аллагьла азадешличил, Аллагь лехІирхъулисай нушачи».

ХІерая Забур 65:2; Яхьяла 14:6, 14 ва 1 Яхьяла 3:22.

Се барес гІягІнили талихІчевси ветаэс?

СЕ БАГЬАНДАН ИЛГЪУНА СУАЛ АЛКІУЛИ? Бахъалгъунти адамтас гІанбиркули саби талихІчевси ветаэс багьандан гІягІнили сари арцІ, давла, деза хІурмат, жагадеш. Илди къаслизи бикили саби ледилра илди даргес, аммаки талихІ баргес бирули ахІен.

СЕ БИКІУЛИ АЛЛАГЬЛА ГЪАЙ? ГІисани аргьахъиб се барес гІягІнили талихІчевси ветаэс багьандан. Илини буриб: «ТалихІчевси саби касес дигути багьуди ва мягІни Аллагьла жузлизибад» (Матфейла 5:3). Нушани разидеш бургехІе кьабулбарахІели вегІла гІягІниси хІяжатдеш — хІяжатдеш багьес бархьдеш Аллагьличи ва илила пикри адамтас. Ил бархьдеш нушани баргьес дирехІе Аллагьла жузлизиб — Тауратлизивад, Забурлизивад, Инжильлизивад. Балуле хІел бархьдеш нушани дурехІе багьес се гІягІнили барес, се — агІара. Аллагьла гъайла хІуни буцили дашухІели нушала амру разиси детурар (Лукала 11:28).

ХІерая Притчи 3:5, 6, 13—18 ва 1 Тимофейла 6:9, 10.

Нушани къантІли ахтардидарира урегал жаваб Аллагьла гъаилизирад. Дигакъадив хІед багІес имцІали? ГІе, бигакъира, рахли хІу адам сайри дигуси багІес багьуди ва мягІни Аллагьла жузлизибад. ХІед лебкІули бургар пикри дигуси Аллагьли сен далтули дявти ва къиян-жапа? Се тахІярли талихІчевси ветаэс къалибаргла бухІнаб? Аллагьла гъайли лугули сари бархІти ва абзурти жавабти илдачи ва цархІилтачи суалтачи.

Аммаки ишбархІи бакъалгъунти адамти пикрибикІули саби се бируси белчІе Таурат, Забур, Инжиль. Бакъалгунти адамтани илди жузе хІедалули сари. Бигакъадав хушаб кумек барили даргес багьандан жавабти Аллагьла жузлизибад? Иеговала Бихърибани кумек барес бирар хушаб кІел тахІярли.

Цаибил — ил жуз «Селичи бурсибирули саби Аллагьла жузли?». Ил жузли кумек биру баргес жаваб хІяжатси суалтачи Аллагьла жузлизирад. КІибил — хІед багьа агарли кумек биру багьакъес мягІни Аллагьла жузличибад. Ил багьандан гІар жумягІ гІягнили саби камси замана. Иеговала Бикърибани кумек биру мягІни багьахъес Аллагьла жузлизибад. Миллион адамтани иш дунъяличиб касилисаби хуласи гІяхІдеш ил багьудилизибад. Бахългъунтани биру бурес «Нуни баргира бархьдеш!».

Бархьдеш Аллагьла гьайлизибад — ил дебали дурхъаси давла саби. Бархьдешли Аллагьла жузличибад кумек биру акьуухъес бархьси агарси пикрилизибадра, урехІилизивадра, уркІила дардлизибадра. Илини лугулисаби умут, разидеш, талихІдеш. ГІиса Идбагли буриб: «Хушани багьаия бархьдеш ва бархьдешли кумек биру хушаб акьудухъес» (Яхьяла 8:32).