Пачалихъла хабар № 37
Багьихъни лебилра дунъялис
Къянала динла ахир гьарахъли ахІен!
▪ Се саби къянала дин?
▪ Се тяхІярли лябкьян илала ахир?
▪ Се тяхІярли илини барсбиру хІела гІямру?
Се саби къянала дин?
Пашман ирулрив хІу чедиухІели дируси дин багьандан шишимъала? Гьимидулхъули сариб хІушала чебиухъели бикІути адамти аллагьлис балга бирулра ва чуни бутІакьяндеш бирули сари дявтазир, терроризимли зиб? Гьимидирхьулив, хІушани чебиухІели арцлис се-дигара барес хІядурти динна къуллукъла хІянгизартачи? Се-багьандан къиянни бетурхуси гІягІнуби алкІан динлизирад?
Лерилра Динбазив гІяив агура, лебил гІяив къянала динбазив саби. ХІурматла ГІиса идбаг икІиб: къанала динли гьирбирули саби адамти войти хІянчиличи, гьел мешуле саби «берхІивил галгаличи, лугул дерхІивти цІедеш» (Матфея 7:15—17). Се-гъунте «цІедеш» лерхуле къанала динли?
Къанаси дин...
◼ ГЪУДУРБИГЬНИ ДЯВТАЗИ ВА ПОЛИТИКАЛИЗИ: Журнал «Эйшауик» бикІар: «Лебилра Азиялизиб ва цархІилти мусназиб, динна бекІдеш дирантани чула мурадлис инсапагуле пайдалабиру адамтала Аллагьличи вирхни». Журналла пикриличи бакІни: «Нушала дунъя багьлали мехІур бирули саби». «Террористуна нуша кадушарачил, нушаб гьалаб кабушес гІягІнили саби гьелди»— викІар америкала динна бекІдеш диран. Илила жаваб? Ил икІар «Аллагь багьандан баргбердес гІягІнили саби лебирла террористуни». Аллагьала гъайлизиб белкІо саби: «“Наб Аллагь вигулра”,— икІул адам, а сунела узичи дигай агарси къунбар сай» (1 Иоанна 4:20). ГІиса идбагли иб: «Дигахъес гІягІнили саби хІушала душмантира» (Матфея 5:44). Чум дин далада хІушани дявтази гъудурхІебирути?
◼ ТІИНТІДИРУ КЪАНАСИ БЕЛЧІУДИ: Бахъалгъунти динлизиб белчІуди луга адам вебкІибил замана рухІ арцурли аркьан хІарвес цархІел мусани. Гьел белчІуди хІасибли, динна хІянчизартани рухІлис балга барес багьан дан кайсули сари адамтала арц. Аммаки Аллагьла гьайлизиб гьелхъуна белчІуди агара. «МицІирта бала вубкІни, аммаки вебкІибта селра хІебала» (Екклесиаст 9:5). Дурхъаси Табтарлизиб белчІуди луга, адам вебкІибил замана, чархлизибад секІал декІархІебирар, хІербес цархІел мусани архІакьан, вебкІибил адам тамай бетерхъур. Рахли вебкІибил адамла рухІ мицІирли калъули велири, ГІиса идбагла белчІуди мицІирбурни адамти, магІъни агарси бетурули саби (Иоанна 11:11—25). Лугулив белчІуди хІушала динни, адам вебкІибил замана рухІ мицІирли калъни?
◼ ЯХІБУРЦУ АДАБАГАРДЕШЛИ ЧИ: Западла улкназиб мурул кайхьул мурултау кашишли хьавилзули саби, ва дебали тІалаббирули саби вяшатІала кабизахъес. Диннаби гІяйиббиранти адабагар дешличи хаириберкьу дурхІни усал цІахвирути кашишунас. Сегъуна бел чІуди леба Дурхъаси Тавтарлизиб? Гьелизиб белкІа саби: «ХатІала мадируда. КъахІбадеш дузахъути... ва мурул-муруладамтачи кайхьути, Аллагьла пачалихълизиб хІерхІабирар» (1 Коринфянам 6:9, 10). Даллула ли хІушани дин адабагардешлис гьуни бедлугути?
Се-бирара динлис лерхути «дерхІивти цІедеш»? ГІиса идбагли багьахъев: «Гьар галга лерхІехъути гІяхІти цІедеш, чеббяхъили цІализи лайбикІу» (Матфея 7:19). Нушани чебиулра гьелди гъайлизирад, къянаси дин «чеббяхъили» агарбирар. Се-тяхІярли ва мурт гьел бетурара? Жаваб гьел суаллис баргес вирар 17 ва 18 жузла бекІлизиб бегІла гІелабил Инжилла жузлизиб.
Се-тяхІярли лябкьана къанала динла ахир?
Ца пикри бара: урехила жаниварла къакъличи къехІба кариэли сари. Жаниварла верхІел бекІра ва вецІал мукекира лер (Откровение 17:1—4). Чи сари гьел къехІба? Гьеш «дунъяла пачнаки» илила ари леб. Гьеликер дурхъати хІунтІена палтар-кьаш, илини пайдалабирули саби кьар, игухІели гІяхІси тІем дурайуси, дебали давлачилира гІеларикили сари. Сунела сухІрикьядешли кабилзахъули саби балкІси пикриличила лебилра халкъ (Откровение 17:18; 18:12, 13, 23). Дурхъаси Табтарли нушаб кумек бирули саби багьихъес, чи сари ил къехІба — дунъяла империяла къанала дин. Ил сегъуна —биалра ца дин ахІен, гьелди лерилра «лерхути дерхІибти цІедеш» дин саби.
Урехила жанивар — политикала ари лебдешла хІукумат саби (Откровение 17:10—13). Къанала дин кабиэли саби политикала «урехила жаниварличи», ва бигули саби бетаахъес сунела ари лебдеш.
Аммаки леркьули сари тамашала замана. Дурхъаси Табтар бикІулисаби: «Чедаибти вецІал мукеки ва урехила жанивар — илдани къехбаличи гьимибирхьу ва лебилра давла кебсайсу, илила кьаркала гьаргбиру, бугъа ва цІали игу» (Откровение 17:16). Хабар агарли иш дунъяла хІукумат уркІецІи агарли чебулхъан къянала динличи ва тамай бетахъехъу! Се багьандан дунъяла хІукуматли ил биру? Дурхъаси Табтарла бегІла гІелабси Инжилла жуз бикІу ли саби: «Аллагьли гьилдела уркІилизи бухІнакабирхьу сунела пикри бетерхахъес (Откровение 17:17). Нушани чебиулра, Аллагьли тІалаббиру къанала дин жаваб бедехъес бируси декІси баркьуди Аллагь багьандан. Аллагь вархьси сай-ил багьандан илини политическийте игнаби къанала динла пайдалабиру сунела вархьси хІукмубарес.»
Се гІягІниле барес хІушаб, хІебигули дедали бутІес къянала динла кьисмат? «Дурадухъеная гьелизирад дила халкъ»— икар Аллагьла малаик (Откровение 18:4). Гьанна бегІлалла замана саби дураухъес къянала динлизи бад! Аммаки чинаб леба верцес мер? Белики аллагьагардеш белчІудиличи верхаишара? Аммаки аллагьагардешла белчІудила агара гІурхІели бируси (2 Фессалоникийцам 1:6—9). Леб цацун верцес мер — бархьдешла дин. Се тяхІярли багъес дируда ил хІушани?
Се тяхІярли дирехІе багьес бархьдешла дин
Сегъунти гІяхІси «цІедеш» кадухес гІягІниле бархьдешла дин ли? (Матфея 7:17).
Бархьдешла дин...
◼ ДИГАЙ ЧЕБАЭХЪУ: Бархьдешла динна къулукъчиби «иш дунъяличи мешули ахен». Илдани сипатличи ва милатличи адамти декІархІебиру. Илдани чула ургаб дигай чедиэхъу (Иоанна 13:35; 17:16; Деяния 10:34, 35). Илдани сегъунтала агихІяйзиб кехІебуршу адамти (1 Иоанна 3:16).
◼ БИРХАУ АЛЛАГЬЛА ГЪАИЛИЧИ: Бархьдешла динли белчІуди хІелуга адамтала «гІядатунас» ва «аманатунас» — белчуди луга Аллагьла гъаи, хьулчили буцили (Матфея 15:6—9). Сен? СенкІун «лебилра Дурхъаси Табтар Аллагьли гиб бархьси белчІудилис, кумек биру вегІла вайти сунелашайти мусни чедаэс, ва ункъбарес» (2 Тимофею 3:16).
◼ ХЪАЛИБАРГ ЧІУМЪАБЕРУ, ВА ТАБИГІЯТ ТЯХІЯР КЬЯЙДА АХЪТИ ДУРЦУ: Бархьси динли белчІуди луга: «Мурултас чула хьунни дигахъес гІягІнили саби, сунела чарх-кьаркьалаон», хьуннас кумек биру «муруйс хІурматбирес», дурхІнас белчІуди луга «чула ада-абас лехІирхъан виэс» (Эфесянам 5:28, 33; 6:1). Жавабкардеш дихуси динлизиб мурулти сабира биэс-гІягІнили саби ахъти табигІятла кьайдурти хІясивси ва пергерси адамти биэс (1 Тимофею 3:1—10).
Се-гъуна дин балбикиле гьелди тІалабунас? Жуз «Политика Холокоста» дураибси 2001 дуслизиб бикІар: «Рахли лебилра адамти хІербирули биаллири Иегова Бикьрибирантачион, вирхудела вягІза бируле, дунъяла адамтани гьачамалра Холокост биэс хайриахІбириб, ва дунъяла халкь къирбирни хІебириб» (Holocaust Politics).
Иеговала Бикьрибирантани вягІзабируле аллагьла хІулчилибиубси белчІуди 235 улкализиб луга, ва хІербирули саби гьел кьайда. ХІушаб багьес бигадали Аллагьла тІалабуни, ва се-тяхІярли гІягІнилел Аллагьлис гІяхІулавиэс, хІуша дируда бяхІчибизес Иеговала Бикьритачу. ХьанахІа бегІлала замана саби баркьудилизиб биэс. Багьлакайэс хайри-хІебирар. Къанала динла ахир гьарахъли ахІен! (Софония 2:2, 3).
ХІушаб бигадали имцІали багьес сегъуна белчІуди лугулел Дурхъаси Табтарли, хІуша дируда бяхІчидизес Иеговала Бикьритачу, ва дируда белкІес ца сегъуна биалра ишаб гибил мерличи.
□ Наб бигулра касес букІуси жуз: «Се-гъунти Аллагьла тІалабуни нушазирад лера?»
□ Дила иштахІ леб Дурхъаси Табтара багьаагарси хъулибси белчІуди касес.
[Сурат, 3-нэ бяхІ]
Къанаси динла ари леб «дунъяла пачнакиб»
[Сурат, 3-нэ бяхІ]
«Дурадухъеная гьелизирад дила халкъ»