ˈˈSɩyi, Avlidhö 18
꞊Ya kë ꞊nɛ mɛ ˈbhaa ꞊ya ꞊sɔɔn yaa kë, [ . . . ] kwa ˗bha ˈwun ˗faan ˈsü ˗mɛ do ˗yö ˗dhö.—1 Zn. 2:1, NTBL.
Pë do ˈö˗ ˗wɔn ˈdhö ˈˈgbɩɩ˗ ˈö kwa dua ˈdhö ˗mü kö ˈkwa kwa ˗kɔ ˈˈyɛ ˗a ˗bha ˈyö ˗tɔ kwa ˗de ˗nu Zoova ˗dhɛ ˗sü kö ˈkwa kë ˗a ˗dhɔkëmɛn ˗nu ˈka. Zoova ˗ya ˈˈpiʋ̈ kö mɛn ˈˈpɛpɛ ˈkwa˗ kë ˈˈdhʋ̈. ˈMën ˗kë? ˗A ˈklɔɔ˗ ˗mü ꞊dhɛ kwa ˗dhɔ ˗ya ˗kë ˈö˗ ˈˈpiʋ̈ kö ˈkwa ˈwɔn ˗së ꞊slɔɔ. ˗Ya ˈˈpiʋ̈ kö ˈkwa kë ö ˈˈtɔŋdë ˗nu ˈka kö ˈkwa ˗tosɛta kë ˗toëpö ˈka. (Deut. 30:19, 20; Ga. 6:7, 8) ˈˈKɛɛ Zoova ˈyaa ˈˈgbɩɩdhɛ wɔ mɛn ˈbha ˗ta kö ˗yö ö ˗dhɔkë. ˗Yö ö ˗kwaa mɛn ˈö ˗dhö ˗a ˗zü kö ˗yö ö ˗kɔ ˈˈyɛ ˈwɔn ˗nu ˗bha. Kletiɛn ˈö ˗ya bɔ ˈˈyi ꞊bhaa ˗ya ˈwɔn yaa ꞊gbɔɔnsü kë, ˈmën dho kë? ꞊Ya kë ꞊dhɛ ˗yö ˈti ˈgo ö ˗bha ꞊sɔnŋ yaa ˈgü, ˗wo ˗dho ˗a bho kwa ˈˈpiʋ̈. (1 Ko. 5:13) ˈˈKɛɛ ˈkö ˗kë ˈˈdhʋ̈, Zoova ˗ya ˈˈpiʋ̈ ꞊dedewo kö ˗a ˗mɛn ˗yö ö ꞊yɛɛ˗ kë ö ˈˈpiʋ̈. ˗A ˗de ꞊ʒiaan ˈpë ˗wɔn ˈgü ˈö Zoova ˗yö ˗gɔtadhɔpë nu ˈyö ˗tɔ kö mɛn ˗nu ˗wa ˈgo wo ˗bha ꞊sɔnŋ yaa ˈgü ˈö ˗an ˗bhawɔn ˈto. Kwa ˗bha ˗dhɔkaa ˗Zlan Zoova ˗ya ˈˈpiʋ̈ kö mɛn ˗nu ˈö ˈwo ˈwɔn yaa ꞊gbɔɔnsü ˗kë bhë, ˗wo ˈgo ˗a ˈgü.—Zach. 1:3; Wlɔ. 2:4; Zak. 4:8. w24.08 14 § 1-2.
˗Tɛɛdhoowayi, Avlidhö 19
N gbö, kö ˈü kë ꞊kpɔɔsü, n zuʋ̈ˈˈ ꞊nii ˗dho ˗da.—Prov. 23:15.
ˈˈTʋ̈ŋ ˈö bɔmɛn Zan ˗yö ö ˗bha ˈsëëdhɛ ˗be ˗yaaga ˗bha ˗naan ˗bɛnzë ˗a ˈka bhë ˗a ˈgü kö mɛn ˈbha ˗nu ˗wa ꞊sua ꞊klaŋwo ˗nu ˗pɛn, ˗wa ˗zlanwokɔdhigümɛn ˗nu ˈˈpɛkoo. ˈKö ˗kë ˈˈdhʋ̈ ‹˗a mɛ ˈbha ˗nu ˗wo ˈˈta ˗sü tɛanwɔn ˈˈgblʋʋ ˗ta, ˈwo Zoova ˗wo ˗ya ꞊bhlëë ˈgü, ˈwo ˗a ˈgü ˗ta sü.› (2 Zn. 4, 6) ˗A ˗wɔn ˈgü, Zoova waa Zan ˗an zuʋ̈ˈˈ ˈˈgblü ˗yö ˗dhi. (Prov. 27:11) ˗Gleŋ ˗mɛɛn ˈö˗ ˗da kwa ˗bha? ˗Klu Zoova ˗bha ˗sü ˗yö mɛn zuʋ̈ˈˈ ˈˈgblü ˗dhi. (1 Zn. 5:3) ˗A ˈwɔnzuan ˈnën ˗tɔ ˗a ˈwɔn dɔ ˗sü ˈö ꞊dhɛ kwa Zoova zuʋ̈ˈˈ ˈˈgblü ˗dhi bhë, ˗yö kwa ˗de ˈpö kwa zuʋ̈ˈˈ ˈˈgblü ˗dhi. Pë ˗nu ˈö ˈwaa ˗së ˈkwa ˈˈkan ˗an kë ˗sü ˗bha, ˈkwa Zoova ˗wo ˗ya ꞊bhlëë ˈgü ˗yö ˗kë ˗a ˗dhɛ ˗së. ˈˈKiö ˗nu ˈwo dhaŋ˗ ˈgü ˈpö ˗an zuʋ̈ˈˈ ˈˈgblü ˗yö ˗dhi. (Luk. 15:10) Kwa˗ yö ꞊dhɛ kwaa kwa ꞊dhegblü ˗nu ˈkwa ˈto ˗klu ˗sü ˈka ˗Zlan ˗bha, kwa zuʋ̈ˈˈ ˈˈgblü ˗yö ˗dhi ˈzü. (2 Tes. 1:4) ˗Ya ˈgo mü ˈˈtʋ̈ŋ ˈö Dügɔmɛn ˗bha ˈˈkpɔnŋtaadhɛ yaa ˈö yö ˈö˗ ˈgü dho shiʋ̈ˈˈ ˗a ˈka bhë, kwa zuʋ̈ˈˈ ˈˈgblü ˗dho dhi, ˈyö sü ꞊dhɛ kwa ˗to ˗klu ˗sü ˈka Zoova ˗bha. w24.11 12 § 17-18.
˗Tɛɛdhooyi, Avlidhö 20
˗Ka ˗ya ka ˈko ˗nu ˗wɔn zuën ˗ta. ˈKa ˈdho˗ pö ˈka ˗ya ka ˗dɩ ˗wɔn ˗zë zuën ˗ta doseng.—1 Ko. 10:24.
Ka ˗dho mɛn ˈbha ˈsuaan˗ bho ˈˈtʋ̈ŋ ꞊dhɛ ˈˈpiʋ̈ kö ˈka ꞊kun ˈka ˗wo yö ˗a ˗bha? ˈKa ka ˗wo yö ˗a ˗mɛn ˗bha ˈˈvaandhö ˗yö ꞊mɔɔn˗ ˗bha ˈö ˗kë ꞊dhɛ ˈpë ˈka ˈwɔn ˗nu ˗kë ˗biata ˗a ˈdhö. (Prov. 29:20) ˈˈKɛɛ ˈka ˗dhɛ ˈˈdhiʋ̈ ˈˈgan pinŋdhö ˗a ˗mɛn ꞊yaa˗ ˈwɔn dɔ, ˗yö ˗dho kë ˗a ˈgü ꞊dhɛ ˈpë ˈka dɔ ˗sü ka ˈdudhö ˗a ˈdhö. (Eccl. 11:4) ˈˈSanni ˈka ꞊ɲɔɔn mɛn ˈbha ˗bha, ka ˗zo ˈya ˗dho bhɔ ꞊dhɛ ˈˈgbɩɩdhɛ ˈyaa ˗mü kö ˗a ˗mɛn ˗yö kë ka ˗bha dhebɔ ɛɛnˈˈ ka ꞊gɔɔn ˈka. ˈˈKɛɛ ˗yö ga ka ˈgü ꞊dhɛ ˈka ˗mɔn dhe ˈsü ˗sü ɛɛnˈˈ gwaan˗ ˈkpɔ ˗sü ˗bha, ˈö ka ˗bhawɔn ˈdhö dhebɔ ɛɛnˈˈ gɔɔn˗ ˈö ka ˗mankun ˗a ˗bha ˈpö. ˈKa˗ yö pö ꞊dhɛ mɛn ˈbha ˗yö ö ˈˈtʋ̈ŋ kë ˗ni ˈgü ka ˈgü, ˈmën ˈka dho ˗a kë? ˗Ya kë ꞊dhɛ ˗a ˗mɛn ˗dhɔ ˈyaa ka ˗bha, ˗kaa ˗zɔn ˈˈpuu ˈka ka këwɔn ˗nu ˈgü. ˈKa ˈwɔn kë ˗a ˗mɛn ˈˈpiʋ̈ ꞊dhɛ ˈpë ˈka dho ˗a ˈsü ɛɛnˈˈ ˈka dho ˈto ˗a ˗gɔ ˗a ˈdhö ˈˈkɛɛ kö ˈyaa˗ ˈka, ˗yö ˈti ˗dho kë ˗së.—Efɛ. 4:25. w24.05 23 § 9-10.